Znajści
Ałharytmičny łacinski varyjant
11.11.2023 / 14:391RusŁacBieł

80-hadovaja žančyna ledź nie pradała kvateru dla miesiendžarnych afierystaŭ. Ale ryełtary svoječasova adumalisia

Historyja cyničnaha padmanu pačałasia z tradycyjnaha zvanka ŭ miesiendžary ad nieviadomaha abanienta. 80-hadovaj žycharcy Śvietłahorska patelefanavaŭ nibyta pałkoŭnik ź Minska i ašałamiŭ niepryjemnaj navinoj: viadomaja machlarka vystaviła na aŭkcyjon jaje kvateru.

Surazmoŭca pradstaviŭsia Viktaram Mikałajevičam i paprasiŭ dapamohi ŭ zatrymańni złačyncy. Paśla pierakanaŭčaha śpiču zakonapasłuchmianaja piensijanierka pahadziłasia paspryjać, paviedamlaje SK.

Zhodna z płanam śpiecapieracyi, babuli naležyła ŭpotaj ad usich źviazacca z ryełtaram, pradać kvateru i atrymać dalejšyja instrukcyi. «Pałkoŭnik» uśviedamlaŭ składanaść zadańnia dla stareńkaha čałavieka i akazvaŭ ščylnaje «supravadžeńnie»: časta telefanavaŭ, pakrokava tłumačyŭ usie dziejańni, patrabavaŭ detalovych spravazdač.

Machlar skinuŭ piensijaniercy kantakty ryełtaraŭ. Patrebnyja śpiecyjalisty znajšlisia ŭ susiednim horadzie. Da paciarpiełaj pryjechali dźvie supracoŭnicy ahienctva nieruchomaści i raspaviali pra niuansy ŭhody. Babula sabrała nieabchodnyja dakumienty i padpisała ź imi damovu.

Pakupnik znajšoŭsia z druhoj sproby. Paciarpiełaja atrymała pieradapłatu i paviedamiła ab pośpiechu kurataru. Toj zahadaŭ paśla prodažu kvatery časova prapisacca ŭ Minskim rajonie i pryvieźci ŭ stalicu atrymanyja hrošy.

Babula zaźbirałasia ŭ darohu. Adnak niečakana jaje naviedali ryełtary i stali ŭhavorvać … skasavać damovu kupli-prodažu.

Ahienty zapadozryli padvoch z boku telefonnych machlaroŭ i pasprabavali praduchilić biadu: pierakonvali, pryvodzili prykłady machlarstva z tematyčnaha artykuła ŭ internecie.

Kali ryełtary narešcie syšli, razhublenaja piensijanierka patelefanavała «Viktaru Mikałajeviču». Vietlivy dahetul kuratar sieŭ, jak kažuć, na kania.

Jon vykryvaŭ ryełtaraŭ u padmanie, nastojvaŭ na zaviaršeńni śpiecapieracyi, pahražaŭ strataj hrošaj i kvatery. Ašałomlenaja babula kinuła słuchaŭku i patelefanavała svajakam. Jany advieźli jaje dla razboru ŭ milicyju.

Pakupniku toj kvatery viarnuli zadatak, a Śvietłahorski rajonny adździeł Śledčaha kamiteta raspačaŭ kryminalnuju spravu pavodle č. 1 art.14 č. 1 art. 209 (zamach na machlarstva).

Čytajcie taksama:

«Spačatku vielmi ciažka niešta zapadozryć». Dziaŭčyna padmanuła chłopca na 700 rubloŭ, prapanavaŭšy sustrecca na butaforskim stendapie

Dobraja źnižka ci machlary? Jak nie dać siabie padmanuć pry nabyćci tavaraŭ u Instagram

Machlary prydumali jašče adzin sposab internet-padmanu, na jaki moža trapicca kožnaja siamja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
14
Ха-ха
2
Ого
2
Сумна
1
Абуральна
7
3
Eciud/adkazać/
11.11.2023
Pałkoŭnik i barščavarka
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930