Znajści
Ałharytmičny łacinski varyjant
10.11.2023 / 23:594RusŁacBieł

Vyśvietliłasia, kolki budzie kaštavać ŭstanoŭka čypa Neuralink ad Iłana Maska dla zvyčajnych ludziej

Ahienctva Bloomberg aznajomiłasia z dakumientami, jakija byli pradstaŭleny inviestaram prajekta Neuralink, jaki ŭznačalvaje Iłan Mask. U spravazdačy paznačany košt i kolkaść zapłanavanych apieracyj pa impłantacyi čypaŭ na niekalki hadoŭ napierad.

Fota: NurPhoto / Contributor Getty Images

Pavodle dakumientacyi inavacyjnaj kampanii Neuralink, jakaja raspracoŭvaje adnajmiennyja mazhavyja čypy dla ludziej, adna apieracyja pa impłantacyi pryłady budzie aceńvacca ŭ 10,5 tysiačy dalaraŭ z čałavieka, što ŭklučaje ŭ siabie abśledavańnie, ŭstaloŭku i košt samaho čypa.

A strachavyja kampanii buduć płacić pa 40 tysiač dalaraŭ, pieradaje Bloomberg.

Usiaho budzie praviedziena 22 820 chirurhičnych apieracyj da 2030 hoda, što, pa padlikach Neuralink, pavinna prynieści da 100 miljonaŭ dalaraŭ prybytku.

  • Usio pačniecca ŭ 2024 hodzie, za jaki kampanija płanuje ździejśnić 11 impłantacyj.
  • U 2025 hodzie kolkaść apieracyj budzie pavialičana da 27, a ŭ 2026-m — da 79.
  • Zatym kolkaść patencyjnych klijentaŭ pavinna vyraści da 499 u 2027 hodzie, što paciahnie za saboj 22 204 apieracyj z 2028 pa 2030 hod.

«Apieracyjami, akramia prafiesijnych chirurhaŭ, budzie zajmacca i asobny chirurhičny robat, jaki budzie adkazvać za paźbiahańnie kryvacioku ŭ pacyjentaŭ. Čakajecca, što ŭvieś praces zojmie niekalki hadzin, uklučajučy 25 chvilin na impłantacyju samaho čypa ŭ mozh čałavieka», — piša Bloomberg.

Pratatyp mazhavoha čypa Neuralink, jaki budzie impłantavacca ludziam. Fota: Damien Maloney / Bloomberg Businessweek

Ahienctva dadaje, što paśla apieracyi da hałavy pacyjenta buduć prymacoŭvać maleńki pult-kampjutar pamieram z kubik lodu, kab čałaviek moh karystacca i kiravać čypam u mozhu. Akamulatara Neuralink budzie chapać na niekalki hadzin z mahčymaściu biespravadnoj padzaradki pry dapamozie śpiecyjalnaj firmiennaj kiepki.

Nahadajem, što raniej technałohija Neuralink prajšła paśpiachovaje testavańnie na małpach.

U kampanii spadziajucca, što z dapamohaj novych mikračypaŭ stanie mahčymym lačeńnie takich zachvorvańniaŭ, jak paralič i ślepata. Taksama miarkujecca, što jany dapamohuć ludziam z abmiežavanymi mahčymaściami bolš šyroka vykarystoŭvać kampjutary i inšyja novyja technałohii.

Adna z funkcyj čypaŭ — interpretacyja hienieravanych mozham sihnałaŭ i pieradača infarmacyi na pryłady praz Bluetooth.

Na dumku Iłana Maska, uładalnika kampanii Neuralink, novaja raspracoŭka asabliva važnaja na fonie zaściarohaŭ, što štučny intelekt moža adnojčy zamianić ludziej u roznych halinach žyćcia. Čyp moža stać sapraŭdnym i mocnym kampjutaram u hałavie čałavieka.

Čytajcie taksama:

Mama Maska admianiła jaho boj z Cukierbierham

Iłan Mask ustupaje ŭ hulniu sa štučnym intelektam. Jaho novaja kampanija pačynaje pracu nad stvareńniem ŠI

«Biełaruski starlink» sapraŭdy isnuje. Praŭda, jon nie biełaruski, a franka-italjanski. I nie starlink, a tanny anałah. Voś jak jon pracuje

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
16
Панылы сорам
10
Ха-ха
0
Ого
5
Сумна
3
Абуральна
5
2
dočka Maksima Dizajniera/adkazać/
11.11.2023
a sabie jon ustanović?
1
Oftalmołoh v očkach/adkazać/
11.11.2023
dočka Maksima Dizajniera, iš čieho zachotieła. 
2
Ryhor/adkazać/
11.11.2023
Kali b nie testavałasia na žyviołach, ja by padumała, ci stavić sabie. A tak čym hetyja innavatary lepš za vampiraŭ z vuścišaŭ, jakija žyvuć za košt čałaviečaj kryvi, prynosiačy pakuty i śmierci ludziam.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930