Znajści
Ałharytmičny łacinski varyjant
08.11.2023 / 13:182RusŁacBieł

Rasijskaj mastačcy, jakaja mianiała ceńniki ŭ kramie Pieciarburha na antyvajennyja ŭlotki, zaprasili vosiem hadoŭ kałonii

U Vasilevostraŭskim rajonnym sudzie Pieciarburha zaviaršajecca razhlad spravy mastački i muzykantki Sašy Skačylenka.

Saša Skačylenka. Fota: Dmitri Lovetsky / AP

Prakuror Alaksandr Hładyšaŭ zaprasiŭ vosiem hadoŭ pazbaŭleńnia voli dla 33-hadovaj dziaŭčyny, jakuju abvinavačvajuć u raspaŭsiudzie «fejkaŭ» pra vojska z-za taho, što jana mianiała ceńniki ŭ supiermarkiecie «Pieriekriostok» na papierki ź infarmacyjaj pra kolkaść zahinułych na vajnie va Ukrainie i zaklikami spynić bajavyja dziejańni.

Abarona paprasiła pierapynak dla analizu pramovy abvinavaŭcy, nastupnaje pasiadžeńnie projdzie 13 listapada, piša «Miedyjazona».

Sašu Skačylenka aryštavali paŭtara hoda tamu, u krasaviku 2022 hoda. 

Na dziaŭčynu daniesła pakupnica kramy. Mastačka pryznała fakt raspaŭsiudžvańnia ŭlotak, ale infarmacyju ŭ ich iłžyvaj nie ličyć.

Dahetul za takija akcyi ŭ kramach Pieciarburha i inšych haradach zatrymlivali aktyvistaŭ, ale im stavili ŭ vinu nie kryminalny, a administracyjny artykuł ab dyskredytacyi vojska.

Sud ab miery strymańnia ŭ červieni 2022 hoda išoŭ piać hadzin. Sudździa na patrabavańnie śledčych vyrašyła pravieści pasiadžeńnie ŭ zakrytym režymie.

«Ja nie čakała takoj padtrymki, što stolki ludziej pryjdzie. Mianie abvinavačvajuć u tym, što ja rablu niešta drennaje, kali vystupaju za mir, ale padtrymka ludziej pakazvaje, što heta nie tak», — skazała Skačylenka byłym kaleham.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
9
9
mikola/adkazać/
08.11.2023
Hvora na galavu...Mjanjala cenniki.... Jasce b mazgi pamjanjala..!
0
Woodoo Cult /adkazać/
08.11.2023
mikola, tiebie? Tam niečieho mieniať, Mikoła.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930