Znajści
Ałharytmičny łacinski varyjant
07.11.2023 / 20:024RusŁacBieł

NAU pieradało ŭ Mižnarodny kryminalny sud dadatkovyja dakumienty, datyčnyja vyvazu ŭ Biełaruś ukrainskich dziaciej

7 listapada Pavieł Łatuška i pradstaŭniki kamandy Narodnaha antykryzisnaha ŭpraŭleńnia padčas sustrečy ŭ ofisie prakurora Mižnarodnaha kryminalnaha suda ŭ Haazie pieradali druhuju častku dakumientaŭ ab dačynieńni Alaksandra Łukašenki i jahonych saŭdzielnikaŭ da vajennaha złačynstva — niezakonnaha pieramiaščeńnia ŭkrainskich dziaciej, paviedamlaje pres-słužba NAU.

Fota: Rafael Henrique/SOPA Images/LightRocket via Getty Images

Novyja materyjały dapaŭniajuć dakumienty, pieradadzienyja NAU raniej, 27 červienia 2023 hoda.

Pieradadzienyja hetym razam u Mižnarodny kryminalny sud materyjały ŭklučajuć:

1) dadatkovyja dokazy ŭdziełu Łukašenki ŭ niezakonnaj departacyi ŭkrainskich dziaciej u Biełaruś. Kamanda NAU ŭstanaviła ijerarchiju adnosin «načalnik-padnačaleny» pamiž Łukašenkam i datyčnymi da supraćpraŭnych dziejańniaŭ słužbovymi i inšymi asobami;

2) dokazy i raniej nieviadomyja fakty datyčnaści cełaha šerahu biełaruskich i rasijskich arhanizacyj, siarod ich BRSM i inšych, a taksama ich kiraŭnikoŭ i šerahu členaŭ da niezakonnaj departacyi ŭkrainskich dziaciej u Biełaruś;

3) padrabiaznyja śviedčańni ab prahramie pieravychavańnia, arhanizavanaj režymam Łukašenki dla ŭkrainskich dziaciej pad vyhladam t. zv. reabilitacyjnaj prahramy ŭ łahiery «Dubrova» ŭ Biełarusi, jaki znachodzicca va ŭpraŭleńni dziaržkampanii «Biełaruśkalij».

U dadatkovych materyjałach pryviedzienyja dokazy taho, što dzieci nie byli dastaŭleny ŭ łahier dla lačeńnia abo miedycynskaj reabilitacyi. Zamiest hetaha jany ŭdzielničali ŭ nasyčanaj prahramie mierapryjemstvaŭ, jakaja ŭtrymlivała elemienty palityčnaha ideałahična abumoŭlenaha pieravychavańnia, a taksama militaryzacyi ŭkrainskich dziaciej.

U materyjałach, pieradadzienych u MKS, utrymlivajucca ŭstanoŭlenyja kamandaj NAU asabistyja źviestki 37 ukrainskich dziaciej, niezakonna vyviezienych z terytoryi Ukrainy. Usiaho ž, pa danych NAU, z bolš čym 20 časova akupavanych haradoŭ i nasielenych punktaŭ Ukrainy ŭ Biełaruś było vyvieziena bolš za 3 tys. ukrainskich dziaciej, ź ich bolš za 2100, uklučajučy dziaciej-sirot, ź vidavočnymi parušeńniami normaŭ mižnarodnaha humanitarnaha prava. 

Čytajcie taksama:

«Surjozny sihnał usioj siłavoj sistemie». Siłaviki Łukašenki abjaŭleny ŭ vyšuk

U Biełarusi ŭkrainskich dziaciej vučać: «Tut ty pasłužyš vialikaj Rasii»

Kamanda Łatuški paviedamić MAK imiony bolš jak 150 spartsmienaŭ i funkcyjanieraŭ, źviazanych z vajskovymi strukturami Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
0
Ха-ха
0
Ого
0
Сумна
0
Абуральна
0
1
Ja/adkazać/
08.11.2023
Haaha, a pał pałyč vsie śmiešnieje i śmiešnieje
0
Ty/adkazać/
08.11.2023
Ja, a počiemu nie śmieješsia na sielektornych sovieŝanijach kołchoźnika 🤡
0
00/adkazać/
08.11.2023
Ja odin nie dohoniaju, v čiem tut dieło? Rieč idiet o t. n. trofiejnych dietiach, t je dietdomovcach s okkupirovannych tierritorij. Čto nie tak to? Vyvieźli - i mołodcy. Nie?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930