Znajści
Ałharytmičny łacinski varyjant
05.11.2023 / 08:141RusŁacBieł

Čałaviek sa zbrojaj prabraŭsia na terytoryju aeraporta Hamburha. Pieramovy ź im vialisia ŭsiu noč

Uźloty i pasadki samalotaŭ u aeraporcie Hamburha byli prypynienyja nočču ŭ suviazi z praniknieńniem uzbrojenaha čałavieka praz varoty ŭnutr aeradroma. Da pavietranaj havani byli ściahnutyja palicejskija, piša Deutsche Welle.

Fota: Gregor Fischer/ Getty Images

U aeraporcie Hamburha ŭviečary ŭ subotu było całkam spyniena avijazłučeńnie ŭ suviazi z palicejskimi mierapryjemstvami, paviedamlaje aficyjny kanał aeraporta ŭ sacsietcy Ch (były Twitter).

Heta adbyłosia paśla taho, jak na terytoryju avijavuzła prabraŭsia ŭzbrojeny mužčyna za rulom aŭtamabila. Incydent adbyŭsia pryblizna a 20.00 pavodle miascovaha času (22.00 pa Minsku).

Jak paviedamiŭ pres-sakratar fiederalnaj palicyi Tomas Hierbiert, kiroŭca na pryvatnym aŭtamabili prarvaŭsia praz varoty i vyjechaŭ na pieron aeraporta. U jaho była ahniastrelnaja zbroja, i jon dvojčy streliŭ ź jae ŭ pavietra. Pres-sakratar skazaŭ, što žonka mužčyny raniej źviartałasia ŭ palicyju nakont mahčymaha vykradańnia ich dziaciej.

U sałonie mašyny, akramia kiroŭcy, znachodziłasia jak minimum adno dzicia. Pravaachoŭniki dapuskali, što pryčynaj dziejańniaŭ mužčyny stała sprečka ab apiecy. Jak miarkujecca, mužčyna paspračaŭsia z byłoj žonkaj z-za apieki nad dziciem i patrabuje, kab jamu dazvolili vylecieć z dačkoj u Turcyju.

U mužčyny byli taksama z saboj dva kaktejli Mołatava, jakija jon špurnuŭ. Uzharańnie było patušana. Palicejskija atačyli mašynu, na miesca vyklikali śpiecnaz i pierahavorščyka. Pieramovy z mužčynam prachodziać na tureckaj movie.

U pres-słužbie aeraporta Hamburha zajavili, što ŭźlot i pasadka samalotaŭ časova niemahčymyja «ŭ suviazi ź mierami fiederalnaj palicyi».

Palicyja evakujavała z aeraporta kala 3200 pasažyraŭ i tych, chto sustrakaje. Usie rejsy ŭ jaho i ź jaho admienienyja. Na 6 ranicy pa miascovym časie palicyja paviedamlaje, što z padazravanym usio jašče viaducca pieramovy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
9
Ха-ха
3
Ого
3
Сумна
1
Абуральна
13
0
Baravik/adkazać/
05.11.2023
Šo tam pierahavorvać. Choča źjechać - na zdaroŭje, baba z vozu, nie treba takich trymać u krainie. Stolki ludziej zatrymalisia z-za ich.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera