Znajści
Ałharytmičny łacinski varyjant
04.11.2023 / 18:5327RusŁacBieł

Karajeŭ abvinavaciŭ biełarusaŭ tymi ž słovami, jakimi Hitler abvinavačvaŭ jaŭrejaŭ i marksistaŭ

Były ministr unutranych spraŭ, pamočnik Alaksandra Łukašenki pa Hrodzienskaj vobłaści Juryj Karajeŭ u intervju dziaržaŭnamu vydańniu «Biełaruś siehodnia» raspavioŭ pra svajo žyćcio i pryhadaŭ 2020 hod. Frazaj «Čym bolš žachlivaja chłuśnia, tym achvotniej u jaje vierać» jon patłumačyŭ pośpiech telehram-kanałaŭ u čas pratestaŭ. 

Juryj Karajeŭ. Fota: Sb.by

Juryj Karajeŭ raskazaŭ, što rodam z prostaj siamji, jahony baćka pracavaŭ elektramantažnikam, a maci inžynieram. Jaho samoha nazvali ŭ honar Juryja Haharyna. 

«Baćki zakłali asnovu, pryncypy. Jany byccam prostyja, ale fundamientalnyja: być sumlennym pierad saboj i inšymi, dapamahać tym, chto žyvie ŭ niastačy, umieć pastajać za siabie», — raskazaŭ pra svajo vychavańnie ŭradženiec rasijskaj Asiecii Karajeŭ.

Były ministr pryznaŭsia, što źjaŭlajecca prychilnikam tvorčaści Alaksandra Razienbauma. Knihami, jakija najbolš na jaho paŭpłyvali, Karajeŭ ličyć «Try muškieciory» Dziuma i «Dzieci kapitana Hranta» Vierna, ale lubimaj nazyvaje «Uźniatuju calinu» Michaiła Šołachava, pryčym adznačaje ŭ joj epizod vyklučeńnia z partyi Makara Nahulnova. 

Hałoŭnym śviatam Karajeŭ dla siabie ličyć Dzień Pieramohi.

Raspaviadajučy pra svajo źjaŭleńnie ŭ Biełarusi, pryhadaŭ historyju z rodnaha dvara:

«Ja, kali z vajennaha vučylišča raźmiarkoŭvaŭsia, maja susiedka ŭ našym internacyjanalnym dvary ŭ rodnym Ardžanikidze spytała: «Jura, ty kudy raźmierkavaŭsia?» «U Biełaruś», — adkazvaju. A jana kaža: «Jak tabie pašancavała. Heta najlepšy narod!» Ja z hetym pačućciom i ŭpeŭnienaściu žyvu tut užo 34 hady».

Varta nahadać, što na naradzie ŭ 2020 hodzie, aŭdyjazapis jakoj prysutnyja na joj aficery apublikavali ŭ internecie, Karajeŭ nazyvaŭ biełarusaŭ nie najlepšym narodam, a samym pakorlivym, i dziviŭsia, jak heta jany mahli ŭzbuntavacca suprać ułady.

Pryhadvajučy tahačasnyja padziei, kali jon uznačalvaŭ MUS, Karajeŭ zajaviŭ: «Apazicyjnyja telehram-kanały jaŭna pracavali na svaje «zialonyja», a ŭsie «niejtralnyja» byli achoplenyja niejkaj vakchanalijaj. Ja byŭ prosta ŭražany, jak adukavanyja ludzi stavilisia da hetych varjackich fejkaŭ. Hałoŭnaje, što my pieramahli i stali ŭ sto razoŭ macniejšyja!»

Apanientaŭ režymu Łukašenki jon abvinavaciŭ u tym, što tyja, jak «sučaśniki-paśladoŭniki» adnaho z kiraŭnikoŭ nacysckaj Hiermanii, pieraniali jahony pastułat «Čym bolš žachlivaja chłuśnia, tym achvotniej joj vierać».

Hetaja fraza časta prypisvajecca ministru prapahandy Jozefu Hiebielsu, ale nasamreč pachodzić z knihi Adolfa Hitlera Mein Kampf, u jakoj toj abvinavaciŭ jaŭrejaŭ i marksistaŭ u parazie Hiermanii ŭ Pieršaj suśvietnaj vajnie.

«Hetyja spadary zychodzili z taho pravilnaha raźliku, što čym bolš žachliva vy chłusicie, tym chutčej vam pavierać. Šarahovyja ludzi chutčej vierać vialikaj chłuśni, čym maleńkaj. Heta adpaviadaje ich prymityŭnaj dušy. Jany viedajuć, što ŭ małym jany i sami zdolnyja zmanić, nu a ŭžo vielmi mocna schłusić jany, mabyć, pasaromiejucca. Vialikaja chłuśnia navat prosta nie pryjdzie im da hałavy».

Jak bačym, hetaj frazaj nacysty raspaviadali nie pra svaje mietady, choć pa fakcie jany takimi i byli, a abvinavačvali joj svaich apanientaŭ. Dakładna toje ž paŭtaryŭ praz 100 hadoŭ i biełaruski siłavik. 

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
29
Ха-ха
9
Ого
5
Сумна
8
Абуральна
115
0
Ałdr/adkazać/
05.11.2023
Jen takisamy "biełarus" jak ijaho šauka
0
Kastuś/adkazać/
05.11.2023
Vieriatnyj , 2020 hod pakazaŭ, što šmat. I mora bieł-čyrvona-biełych ściahoŭ na vulicach biełaruskich haradoŭ i viosak - lepšy tamu dokaz. Ruskamirnyja kałabaranty i varahi zaraz vyniščajuć biełaruščynu, ale ŭ ich nie atrymajecca.
0
Tak dumaju/adkazać/
06.11.2023
Kraina biez marali,  toj Łukašenka ad 1994 hodu metadyčna zapaŭniaŭ svaimi prychilnikami ŭsie "instytucyi dziaržaŭnaha kiravańnia". Dyk usia systema dziaržaŭnaha kiravańnia zachoplenaja ciapier jaho bandaju. 
Čaho ździŭlacca, što hetaja systema adroźnivajecca ad narmalnych system, i zakidvać heta jak abvinavačvańnie niahiehłym biełarusam...
Treba dumać, jak vybić narešcie bandu ź instytucyjaŭ. Chopić užo płakacca.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930