Znajści
Ałharytmičny łacinski varyjant
02.11.2023 / 23:596RusŁacBieł

Školniki abmieńvalisia dypfejkavymi porna svaich adnakłaśnic. I ich nie zmahli pakarać

Anłajn-instrumienty na asnovie štučnaha intelektu pryviali da pašyreńnia siarod školnikaŭ novaj «zabavy», pakarańnia za jakuju pakul što nie isnuje.

Jak piša The Wall Street Journal, šyroki rozhałas atrymaŭ vypadak, jaki adbyŭsia ŭ škole ŭ bahatym pryharadzie Ńju-Jorku Uestfiłdzie (štat Ńju-Džersi). Dziaŭčaty daviedalisia ab tym, što chłopcy dzielacca ŭ hrupavych čatach dypfejkavymi porna z vyjavami svaich adnakłaśnic.

Adnak vinavatyja pakul nie panieśli nijakaha pakarańnia. Da taho ž, staŭleńnie baćkoŭ da hetaha vypadku taksama padzialiłasia. Adny patrabujuć surovaha pakarańnia vinavatych, spasyłajučysia na toje, što ich dočki adčuvali siabie źniavažanymi. Druhija ličać, što heta prosta padletkavy prykoł, jaki možna pakinuć biez uvahi.

Spravaj zaniałasia palicyja, a sienatar štata paprasiŭ prakurora akruhi razabracca ŭ joj.

Čamu padletkam udajecca stvarać porna-dypfejki

Jak raspavioŭ vydańniu Ben Kołman (Ben Colman) — vykanaŭčy dyrektar kampanii Reality Defender, jakaja dapamahaje roznym ustanovam i firmam vyjaŭlać fejkavyja vyjavy, stvoranyja pry dapamozie štučnaha intelektu (ŠI), niahledziačy na toje, što hienieratary vyjavaŭ ad takich kampanij, jak OpenAI, Dall-E i Adobe' s Firefly majuć nastrojki maderacyi, jakija zabaraniajuć karystalnikam stvarać pornavyjavy, na prastorach internetu isnuje šmat instrumientaŭ, jakija dazvalajuć zamianić tvar ci «źniać adzieńnie».

Pa słovach Kołmana, pakolki hetyja słužby vykarystoŭvajuć ahulnadastupnaje prahramnaje zabieśpiačeńnie z adkrytym zychodnym kodam, vielmi ciažka, kali nie niemahčyma zabiaśpiečyć realizacyju maderacyi i vykanańnia techničnych abmiežavańniaŭ. 

Bolš za 90% takich padroblenych vyjavaŭ składajuć porna-dypfejki. Pry hetym, pa słovach eskpiertaŭ, dla čałaviečaha voka amal niemahčyma adroźnić realny zdymak ad padrobki. Papularnyja sacyjalnyja sietki kštałtu SnapChat i TikTok, abaviazalisia pracavać z uradavymi orhanami, kab spynić raspaŭsiud takich vyjavaŭ.

Što rabić z porna-dypfejkami?

Ekśpierty adznačajuć, što kiejs, źviazany z dypfejkami, nastolki novy, što fiederalnaje zakanadaŭstva pakul nie raspracavanaje. Tolki ŭ asobnych štatach (Virdžynija, Kalifornija, Miniesota i Ńju-Jork) zabaronieny raspaŭsiud dypfejkavaha porna, a achviary majuć prava padać u sud na jaho stvaralnika.

Śpiecyjalisty adznačajuć, što ŭ vypadku dypfejkavych vyjavaŭ sa školnicami mohuć być vykarystany zakony, jakija tyčacca materyjałaŭ ab seksualnym nasilli nad dziećmi i zabaraniajuć seksualnyja sceny z vyjavami niepaŭnaletnich.

Jak paviedamlaje vydańnie, na hetym tydni administracyja Bajdena ŭ ramkach uradavaj pastanovy ab štučnym intelekcie zaklikała praduchilić vykarystańnie hienieratyŭnaha ŠI dla stvareńnia materyjałaŭ, jakija źmiaščajuć sceny seksualnaha hvałtu nad dziećmi abo «niaŭzhodnienyja intymnyja vyjavy realnych ludziej».

Vydańnie zhadvaje, što ŭ ZŠA ŭžo adbyŭsia adzin sudovy praces, źviazany z dypfejk-porna, na jakim pakazanyja staršakłaśnicy.

U krasaviku hetaha hoda 22-hadovy žychar Łonh-Ajlenda byŭ prysudžany da šaści miesiacaŭ turmy za toje, što stvaryŭ i raźmiaściŭ fejkavyja vyjavy dziaŭčat sa svajoj byłoj škoły, a taksama asabistuju infarmacyju pra ich. Aryhinalnyja fatahrafii byli zrobleny, kali dziaŭčaty vučylisia ŭ siaredniaj i staršaj škole.

Pa słovach adnoj z paciarpiełych vučanic škoły ŭ Uestfiłdzie, apisany vypadak prymusiŭ jaje adnakłaśnic pierahledzieć svajo staŭleńnie da taho, što jany raźmiaščajuć u internecie, uličvajučy, što niemahčyma prakantralavać budučaje vykarystańnie zdymkaŭ. Niekatoryja, pa jaje słovach, vydalili svaje ŭlikovyja zapisy ŭ sacyjalnych sietkach.

Vypadak sa školnikami ŭ Uestfiłdzie nie adziny. U vieraśni hetaha hoda paviedamlałasia ab padobnym vypadku ŭ maleńkim pravincyjnym horadzie Ispanii Almiendralecho. Tam paciarpieli amal 30 dziaŭčat ad 11 da 17 hadoŭ. Vinavatymi byli pryznany 11 chłopčykaŭ 12—14 hadoŭ. Adnak z-za adsutnaści zakanadaŭčych normaŭ ciažka kłasifikavać toje, što jany narabili, i pryznačyć pakarańnie.

Čytajcie jašče:

ES abaronić hramadzian ad štučnaha intelektu zakonam: nijakich «sacyjalnych rejtynhaŭ», raspaznavańnie tvaraŭ tolki pa rašeńni suda

Jak u Francyi sprabujuć abmiežavać dostup niepaŭnaletnich da parnahrafii

Parnahrafičnyja dypfejki: kaho asudziać pieršym?

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
11
Ха-ха
12
Ого
5
Сумна
3
Абуральна
14
1
Bob/adkazać/
03.11.2023
Žorž, IA taksama be zrazymey. Tam goto feiki abo video feiki?
0
chch/adkazać/
04.11.2023
"krasnaja plonka — lehienda, imievšaja choždienije sriedi podrostkov sovietskoho sojuza 1970-80-ch hodov. malčiki puhali dievočiek, a inohda i dievočki puhali malčikov, čto sfotohrafirovav ich na takuju plenku, na foto oni połučatsia biez odieždy. eta zabava dostavlała mnoho raznoobraznych vołnitielnych vpiečatlenij. hdie-to vierili, čto jeśli stiekło pokrasiť krovju letučiej myši, to effiekt dołžien byť tot žie čto i ot krasnoj plenki.
Boleje hramotnyje utočniali, čto plenka eta nie krasnaja, a infrakrasnaja i čto stoit ona na vooružienii v śpiecsłužbach. Hraždanam na zapadie była dostupna infrakrasnaja plenka «Ektachrom» proizvodstva kompanii «Kodak» (Kodak Ektachrome Infrared Aero Film).
Priednaznačałaś ona dla vojennoj aerofotosjemki, čto nie miešało ispolzovať jeje fotolubitielam. Plenka otčasti była čuvstvitielna k niekotorym ćvietovym komponientam vidimoho śvieta, čto v sočietanii s infrakrasnoj sostavlajuŝiej pozvolało połučať pričudlivyje fantastičieskije kartinki. Pri domašniej piečati, vannočki s projavitielem i fiksažiem nužno było obiertyvať folhoj, tak kak płastmassa propuskała infrakrasnyje łuči.
Pronikajuŝaja sposobnosť jejo bližnieho infrakrasnoho diapazona (700-900 nanomietrov) pozvolała zahladyvať pod odieždu. Infrakrasnyj «Kodak» (vpročiem, kak i obyčnyj) v sovietskije vriemiena prodavałsia tolko za hraniciej, polzovali jeho fotohrafy-entuziasty, śnimaja, v osnovnom, piejzaži. Ob erotičieskom primienienii miečtali tolko podrostki v SSSR."

tak - było takoje) nas, dziaŭčynak, chłopčyki hetym pužali (šantažavali?). my i vieryli, i nie vieryli. nie vieryli bolš
0
mikola/adkazać/
09.11.2023
idyioty...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930