Znajści
Ałharytmičny łacinski varyjant
31.10.2023 / 17:176RusŁacBieł

Samaja viadomaja baskietbalistka Łatvii i SSSR moža zastacca biez abiedźviuch noh

Na minułym tydni ŭ Ryzie prajšli spabornictvy na Kubak Uljany Siamionavaj. U turniry ŭziali ŭdzieł 10 kamandaŭ z čatyroch krain — Łatvii, Estonii, Danii i Vienhryi. Voś tolki sama lehienda łatvijskaha baskietboła nie zmahła prysutničać na mierapryjemstvie pa stanie zdaroŭja, piša Delfi.lv.

Uljana Siamionava. Publicitātes foto

Uljana Siamionava naradziłasia 9 sakavika 1952 hoda ŭ siamji staravieraŭ ź miastečka Miedumi, što na miažy ź Litvoj. Ale mama naradziła jaje ŭ litoŭskim Zarasai: baćku Łaryvonu było praściej zavieźci tudy žonku, čym u Dźvinsk (Daŭhaŭpiłs). Pryčym u ZAHSie dziaŭčynku pamyłkova zapisali Iŭlijaka.

Z malenstva Iŭlijaka (Uljana) naroŭni z darosłymi členami siamji pracavała ŭ sielskaj haspadarcy. U pieršyja hady žyćcia jana jašče nie vyłučałasia vielizarnym rostam, adnak kali Siamionava pačała chadzić u škołu, jana stała imkliva raści, i ŭ 13 hadoŭ darasła da 190 sm (u vyniku darasła da 210 sm). Baćki pakazali dačku daktaram, tyja pryznali jaje całkam zdarovaj.

Z časam Uljana stała samym vysokim čałaviekam nie tolki ŭ siamji, ale i va ŭsioj vioscy, tamu jaje adpravili ŭ Ryhu na konkurs dla vysakarosłych ludziej. Konkurs jana nie vyjhrała, ale dziaŭčynu zaŭvažyli baskietbolnyja śpiecyjalisty i prapanavali joj pierajechać u Ryhu. Siamionava nie chacieła pakidać dom, ale jaje pierakanaŭ adzin z bratoŭ, jaki zajaviŭ, što tak budzie lepš dla jaje.

Uljana stała hulać za słavuty ryžski TTT, u 16 hadoŭ upieršyniu vyjhraŭšy čempijanat SSSR. TTT ź Siamionavaj staŭ naohuł niepieramožnym. 

Uljana Siamionava (źleva). Fota: Stefania Passaro / Wikimedia Commons

Za 20 hadoŭ u ryžskim kłubie baskietbalistka stała 15-razovaj čempijonkaj SSSR, 11 razoŭ vyjhravała Kubak čempijonaŭ Jeŭropy, sa zbornaj SSSR dvojčy Alimpijskija hulni, trojčy čempijanat śvietu pa baskietbole, 10 razoŭ čempijanat Jeŭropy.

Uljana była adnoj ź pieršych savieckich spartsmienaŭ, jakija zdoleli pahulać za zamiežnyja kłuby. U 1987—1988 hadach jana hulała za ispanski «Tyntareta», a ŭ 1988—1989 hadach — za francuzski «Aršy». U 1989 hodzie Siamionava skončyła hulniavuju karjeru.

U 1989—1992 hadach Uljana była vice-prezidentam Łatvijskaha NAK. Z 1991 hoda była staršynioj Alimpijskaha sacyjalnaha fondu Łatvii.

U 1993 hodzie Uljana Siamionava stała pieršaj z savieckich baskietbalistak, jakaja była ŭklučana ŭ Zału słavy baskietboła ŭ Sprynhfiłdzie, u 1999 — u anałahičnuju zału žanočaha baskietboła ŭ štacie Tenesi, u 2007 — u Zału słavy Mižnarodnaj fiederacyi baskietboła ŭ Ispanii (FIBA).

Uljana Siamionava była pryznana najlepšaj baskietbalistkaj Łatvii XX stahodździa i najlepšaj centravoj u historyi savieckaha baskietboła.

Voś tolki sa zdaroŭjem u žančyny vialikija prablemy. Spačatku jana pieraniesła apieracyju na sercy, a ŭviesnu minułaha hoda joj paśla askolčataha pierałomu amputavali nahu i, mahčyma, pryjdziecca amputavać druhuju.

Uljana Siamionava moža pierasoŭvacca vyklučna na invalidnym vazku, tamu vychad z domu — heta vialikaja prablema.

Za Siamionavaj pryhladaje i dapamahaje svajačka. Nakolki heta mahčyma, Uljana pierasoŭvajecca pa kvatery ŭ invalidnym vazku, ale vyjści na vulicu ŭ jaje niama mahčymaści.

«Bolš lažu i siadžu, nie mahu vyjści na vulicu. Na mylicach pierasoŭvacca nie mahu, bo patrebny pratez, ale i jon mała dapamoža, bo druhaja naha zanadta słabaja i ź ciažkaściu vytrymlivaje maju vahu. Kaliści taja naha była złamanaja, praapieravanaja, kostki byli razdrobnienyja, jaje znoŭ sabrali. Ciapier u mianie jość śpiecyjalny pratez, kab ja mahła stajać», — raspaviadała byłaja spartoŭka, adznačajučy, što adziny sposab pierasoŭvacca — heta invalidny vazok.

Ale, kaža baskietbalistka, jana praciahvaje sačyć za ŭsimi spartyŭnymi navinami, i heta dobry sposab bavić čas — hladzieć televizar, kab być u kursie spartyŭnych padziej. Jaje cikavić nie tolki baskietboł, ale i valejboł, chakiej i lohkaja atletyka.

Siamionavu paradavali apošnija pośpiechi łatvijskich baskietbalistaŭ-mužčyn, jakija ŭpieršyniu prabilisia na čempijanat śvietu i adrazu zavajavali 5-je miesca siarod 32 kamandaŭ.

Čytajcie taksama:

Baskietbalistka Kaciaryna Snycina zrabiła kaminh-aŭt

Były hulec NBA pamior va ŭzroście 42 hadoŭ

Pradstaŭniki kłuba «Hołden Stejt» zhulali ŭ baskietboł ź viaźniami turmy «San-Kviencin». Asudžanyja pieramahli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
1
Ха-ха
1
Ого
0
Сумна
35
Абуральна
2
0
Volha/adkazać/
01.11.2023
***** hebešnaje. ČVR.
0
Maksim Dizajnier/adkazać/
01.11.2023
Stolko vsieho vyihrať. I takaja dlinnonohaja krasavica. Supier žienŝina. Inopłanietianka. Pamiarkounyje životnyje v kommientach - ničieho novoho. Poetomu vot tak i živietie, kak pridietsia do sichpor.
1
hoblen/adkazać/
01.11.2023
Volha, hoblen vas tožie lubit, łastočka)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930