Znajści
Ałharytmičny łacinski varyjant
31.10.2023 / 15:043RusŁacBieł

Architektary pakazali, jak budzie vyhladać most na bulvary Šaŭčenki ŭ Breście paśla rekanstrukcyi

Stary most majuć całkam źnieści, na jaho miescy pabudujuć dva novyja — z dekaratyŭnymi lichtarami, padśvietkaj i stełaj z vyjavami słavutaściej horada.

Most paśla rekanstrukcyi

Prajekt rekanstrukcyi, raspracavany aŭtarskim kalektyvam «Brestprajekta» (HAP Tamašeŭski, architektar Muryna, hienpłan — Chamianok, uparadkavańnie — Niakrasava i Virko), byŭ prezientavany na XXI Respublikanskim konkursie na najlepšy prajekt, pabudovu i publikacyju ŭ halinie architektury.

Most na bulvary Šaŭčenki ŭ 1970-ja. Fota z knihi «Brest»

Na maštabnuju rekanstrukcyju mosta cieraz Muchaviec, jak paviedamlali ŭ Bresckim abłvykankamie, płanujecca vydatkavać kala 80 miljonaŭ rubloŭ.

Raboty płanavali pačać u hetym hodzie, ale ŭ žniŭni staršynia harvykankama Siarhiej Łabadzinski ŭdakładniŭ, što jany pačnucca tolki ŭ 2024 hodzie z boku Centralnaha plaža.

Ciapierašni most cieraz Muchaviec byŭ pabudavany ŭ 1963 hodzie, sioleta jamu spaŭniajecca 60 hadoŭ. Jahonaja daŭžynia składaje 142 m, a šyrynia — 13,5 m. 

Dvuchpałosny most pierastaŭ zadavalniać patreby horada: za čas jaho słužby mocna vyraśli patoki transpartu, razraślisia mikrarajony i sioły Vulka, Kavaloŭka, Puhačoŭka, Vałynka, Arkadzija i Hieršony na paŭdniovym bierazie Muchaŭca.

Čarciažy novych mastoŭ

Masty zastanucca piacipralotnymi, centralny pralot raściahniecca na 43,88 m, a bakavyja buduć mieć pa 33 i 24 m. Daŭžynia pavialičycca da 165,2 m, a ahulnaja šyrynia dvuch mastoŭ — da 31,86 m. Prajeznaja častka stanie čatyrochpałosnaj, taksama značna, da 4 m, pašyracca tratuary, pryznačanyja dla piešachodnaha i viełasipiednaha ruchu.

Dekaratyŭnyja duhapadobnyja apory aśviatleńnia na novym moście

Haradskija ŭłady taksama abiacali, što ruch na čas rekanstrukcyi mosta budzie abmiežavany, ale nie pierakryty. Choć nie zusim zrazumieła, jakim čynam budzie vykananaje hetaje abiacańnie, uličvajučy, što stary most u čas rekanstrukcyi budzie całkam źniesieny, a na jaho miescy pabudujuć dva novyja.

Zrešty, Bieraście za apošniaje dziesiacihodździe atrymała novy most kala krepaści i pašyryła stary, jaki viadzie ad Puhačoŭki i Krasnaha Dvara kala Huźnioŭ da mikrarajona Uschod.

Architekturnaja padśvietka zapłanavanaha mosta

Na moście pastaviać duhapadobnyja lichtary, jakija buduć vyznačać jahonaje abličča, a sama kanstrukcyja atrymaje dekaratyŭnaje padśviatleńnie, jakoje budzie źmianiać koler.

Dekaratyŭnaja steła na skryžavańni bulvara Šaŭčenki z nabiarežnaj Franciška Skaryny

Rekanstrujavana budzie taksama kalcavaja raźviazka na skryžavańni bulvara Šaŭčenki z nabiarežnaj Franciška Skaryny. Tut architektary prapanujuć pastavić dekaratyŭnuju stełu ŭ vyhladzie mietaličnaha kołca, na ŭnutranym baku jakoha raźmieščany paznavalnyja zbudavańni horada.

Padpornyja ścienki vakoł steły ź siłuetami horada

Ad steły śpirallu buduć razychodzicca padpornyja ścieny, z vyrašeńniem jakich pakul nie vyznačylisia — heta mohuć być pierfaravanyja aluminijevyja paneli z unutranym padśviatleńniem, abo bietonnyja ścienki ź siłuetami horada, abo prosta habijony.

«Naša Niva» — bastyjon biełaruščyny

PADTRYMAĆ

Čytajcie taksama:

Nazvanyja najlepšyja architekturnyja pracy Biełarusi apošnich hadoŭ ŠMAT FOTA

Hod jak zakryty Čyrvony kaścioł. Kolki čakać jašče?

Aktyvisty bjuć tryvohu: rekanstrukcyja kinateatra «Maskva» niezakonnaja

F. Raŭbič

Chočaš padzialicca važnaj infarmacyjaj
ananimna i kanfidencyjna?

Клас
21
Панылы сорам
4
Ха-ха
7
Ого
2
Сумна
5
Абуральна
10
0
Ole/adkazać/
31.10.2023
Nu chacia b chodniki pašyryli i lichatary stajać nie pasiarod chodnikaŭ
0
VVV/adkazać/
31.10.2023
Na takich lichtarach zručna pravodzić lustracyju)))
0
Litvin/adkazać/
31.10.2023
Lepiej i pryhažej čym c Letuvie
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera