Znajści
Ałharytmičny łacinski varyjant
26.10.2023 / 14:314RusŁacBieł

Łukašenka skazaŭ, što jon zaŭziaty prychilnik ES

«My vielmi chočam, kab Jeŭrapiejski sajuz byŭ mahutnym, mocnym, suvierennym i niezaležnym abjadnańniem», — śćviardžaje jon.

Pieter Sijarta, Siarhiej Alejnik i Alaksandr Łukašenka. Fota: president.gov.by

Alaksandr Łukašenka siońnia sustreŭsia ź ministram zamiežnych spraŭ i zamiežnaha handlu Vienhryi Pieteram Sijarta, jaki prylacieŭ u Minsk dla ŭdziełu ŭ mižnarodnaj kanfierencyi na temu jeŭrazijskaj biaśpieki.

«Vy, napeŭna, samy miedyjny ministr zamiežnych spraŭ ciapier, asabliva na našaj prastory. My vas časta bačym, šmat čujem. Nie tolki vašy vykazvańni, ale i našaha dobraha siabra spadara Orbana (premjer-ministr Vienhryi Viktar Orban. — NN). Čamuści ŭ Jeŭrasajuzie ličać, što my, Biełaruś, źjaŭlajemsia praciŭnikami Jeŭrasajuza. Viedajecie, my ludzi nie złapamiatnyja, i, niahledziačy na ciapierašniuju turbulentnaść u ES i sankcyi, jakija Jeŭrasajuz uvodzić suprać nas, vy pavinny viedać, što prezident Biełarusi źjaŭlajecca zaŭziatym prychilnikam zachavańnia Jeŭrapiejskaha sajuza», — cytuje jaho słovy pres-słužba.

«Nie tamu što ja vielmi lublu Jeŭrapiejski sajuz, a tamu što ES razam z ZŠA, Kitajem, Rasijaj, u niejkaj stupieni Indyjaj źjaŭlajucca mocnymi aporami isnavańnia našaj płaniety. Kali hetuju aporu vyrvać z-pad hetaj sistemy, budzie vielmi drenna dla ŭsich», — rastłumačyŭ jon.

Alaksandr Łukašenka skazaŭ, što vystupaje za toje, kab ES isnavaŭ.

«Ale ŭ čym našy napeŭna supadajuć pazicyi — my vielmi chočam, kab Jeŭrapiejski sajuz byŭ mahutnym, mocnym, suvierennym i niezaležnym abjadnańniem. My na heta nacelenyja. I vy heta pavinny viedać pry ŭsich niuansach u adnosinach i navat da toj palityki, jakuju siońnia sajuz pravodzić u dačynieńni da Biełarusi. My — prychilniki sajuza», — zajaviŭ jon.

Čytajcie taksama:

Łukašenka — Łaŭrovu: My nadziejnyja sajuźniki Rasii. Možacie navat nie sumniavacca

Kiraŭnik MZS Vienhryi: My zaŭsiody budziem zachoŭvać kanały kamunikacyi ź Biełaruśsiu

Łukašenka anansavaŭ razmovu z Pucinym u najbližejšy čas

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
4
Ха-ха
11
Ого
1
Сумна
0
Абуральна
3
2
Litwin _BNR/adkazać/
26.10.2023
Bahdan Chmialnicki, typu taho, padpisaŭ niekali "hłybokuju" intehracyju z ardoj ... Ukrainskija historyki kažuć, što Chmialnicki ničoha nie padpisvaŭ, i ŭsio heta chłuśnia! I papier nijakich nie było i niama! A maskoŭcy kažucu, što Chmialnicki -- padpisvaŭ, ale papiery nie zachavalisia bo mol ich pajeła. A ŭ vyniku što? Ukraina-Ruś na doŭhija stahodździ patrapiła pad maskoŭski bot. Maskoŭskaja arda skrała nazvu Ukrainy -- Ruś, usiu jaje historyju, mitalohiju, kulturu i vydaje jaje za svaju. Uziać by taho kniazia Uładzimira, jaki, nibyta, chryściŭ maskavitaŭ, jašče i pomniki jamu nachabna staviać. A dalej i zhadvać nie chočacca.... Revalucyja, Hramadzianskaja vajna, Haładamor, represii, hienacyd... I narešcie vajna na Dambasie, anieksija Kryma, vajna, vajna ...
0
Tchaikovsky/adkazać/
26.10.2023
Łžec jaki što dnia hadzić na miažy Jeŭraźviazu.
0
Redbreast/adkazać/
26.10.2023
Mabyć ŭžo atrymaŭ źviestku ad Kitaju što Si ličyć što chto b nie pryjšoŭ na zamienu Łukašenka, to dla Kitaju i handlu Kitaja ź Jeŭraźviazam budzie lepš. Nichto nie nanios bolšaj škody prajektu "Adzin pojas, adzin šlach" jak hetaja asoba ź siniami palcami. Poŭnaściu spynieny aviapieralety ŭ Jeŭraźviaz. Poŭnaściu źniščany handal z Ukrainaj. Naniosiana vialikaja škoda ŭsim sumiesnym z Kitajem prajektam ŭ Biełarusi jakija Kitaj rabiŭ z ulikam na toje kab hetyja tavary šli na Jeŭraźviaz i va Ukrainu, bo dla rynka na Maskoviju Kitaj moža pabudavać zavody jak u samoj Maskovii, tak i ŭ Kazachstanie. Upeŭnieny što siabram u Kitaju naležyć nakiravać zvarot ad dziejačaŭ u Polščy i Jeŭraźviazu što na šlachu dobrych adnosin Jeŭraźviazu i Kitaja staić Łukašenka i što jon asabista škodzić hetym znosinam i miašaje handlu Jeŭraźviaza z Kitajem. Bolš taho mienavita z za hetaje asoby moža być navohuł spynieny ŭvieś tranzit tavaraŭ praź Biełaruś. Hetaja asoba ź jahonymi siniami palcami nanosić škodu intaresam jak Jeŭraźviazu, tak i Kitaju.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera