Znajści
Ałharytmičny łacinski varyjant
26.10.2023 / 12:251RusŁacBieł

Kiraŭnik MZS Vienhryi: My zaŭsiody budziem zachoŭvać kanały kamunikacyi ź Biełaruśsiu

«My, vienhry, chočam miru i viedajem, što da miru pryviaduć mirnyja pieramovy», — zajaviŭ Pieter Sijarta ŭ Minsku.

Pieter Sijarta i ministr zamiežnych spraŭ Biełarusi Siarhiej Alejnik (pravaruč). Fota: Puł pieršaha

Vienhryja zaŭsiody budzie zachoŭvać kanały dla kamunikacyi ź inšymi krainami, u tym liku i ź Biełaruśsiu, bo kali ich zakryć, to heta budzie aznačać admovu ad nadziei na mir u rehijonie. Pra heta zajaviŭ žurnalistam ministr zamiežnych spraŭ i zamiežnaha handlu Vienhryi Pieter Sijarta pa vynikach sustrečy z Alaksandram Łukašenkam, piša BiełTA.

Jon źviarnuŭ uvahu, što Vienhryja, raźmieščanaja ŭ susiedstvie z Ukrainaj, kožny dzień sutykajecca z dramatyčnymi nastupstvami vajny. Kraina ŭžo pryniała ŭ siabie vialikuju kolkaść biežancaŭ. Na terytoryi Ukrainy, dzie tradycyjna žyvuć vienhry, jany pakutujuć i hinuć u vyniku vajennaha kanfliktu.

«My nie chočam, kab bolš ludziej pamirała ŭ hetaj vajnie, kab byli dalejšyja razbureńni. I jak heta možna praduchilić? Treba skončyć vajnu. My, vienhry, chočam miru i viedajem, što da miru pryviaduć mirnyja pieramovy. My vydatna viedajem, što biaśpieka budzie dasiahnutaja ŭ tym vypadku, kali my znoŭ zmožam sieści za stoł pieramoŭ i biaśpiečna pierahavaryć adno z adnym», — zajaviŭ ministr.

«My zaŭsiody budziem zachoŭvać kanały kamunikacyi. Kali my ich zakryjem, my admovimsia ad nadziei na mir, — padkreśliŭ jon. — Tamu ja tak vysoka caniu, što my siońnia tut (na mierapryjemstvach i sustrečach vysokaha ŭzroŭniu ŭ Minsku) mahli pahavaryć nakont pytańniaŭ biaśpieki i jeŭrazijskaha supracoŭnictva. Ja ščyra spadziajusia, što nastupić čas, kali jeŭrazijskaje supracoŭnictva znoŭ stanie realnaściu».

Čytajcie taksama:

Vienhierski ministr zamiežnych spraŭ raskazaŭ, navošta lotaŭ u lutym u Minsk

Vienhryja damahajecca, kab u sankcyjny śpis nie patrapiŭ kiraŭnik Biełaruskaj čyhunki

Vienhryja zaklikała dapuścić spartoŭcaŭ ź Biełarusi i Rasii da Alimpijady ŭ Paryžy

Upieršyniu za amal try hady pasoł krainy ES uručyła kopii davierčych hramat kiraŭniku MZS

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
3
Ха-ха
2
Ого
0
Сумна
0
Абуральна
2
0
Vasil/adkazać/
26.10.2023
Sijarta vielmi admoŭna prademanstravaŭ sabie jašče ŭ kastryčniku 2021 pad čas dyskusii sa Śviatłanaj Cichanoŭskaj na Formuje demakratyi ŭ Atenach. Tam Sijarta cynična zajaviŭ, maŭlaŭ Jevropa zrabiła ŭsio mahčymaje i nia moža ŭpłyvać na situacyju. Tady Cichanoŭskaja adkazała: «My nia možam spynić baraćbu i pakinuć ludziej u turmach. My nia možam skazać, što zarabili ŭsio, što mahli. I vy nia možacie. Tamu što my zmahajemsia za kaštoŭnaści, jaki važnyja i dla vas».
Ŭ tych časoŭ pazicyja vuhorskaha kiraŭnictva stała našmat bolš adyjoznaj.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera