Znajści
Ałharytmičny łacinski varyjant
19.10.2023 / 18:10RusŁacBieł

ZŠA prypynili sankcyi suprać vieniesuelskaj nafty, ale z palityčnymi ŭmovami

Złučanyja Štaty prypynili sankcyi ŭ dačynieńni da zdabyčy nafty, hazu i zołata ŭ Vieniesuele, a taksama źniali niekatoryja abmiežavańni pa handli dziaržablihacyjami. Hety krok — sproba pavialičyć prapanovu nafty na suśvietnym rynku i strymać rost cen na jaje, miarkujuć ekśpierty Bloomberg.

Fota: Getty Image

Napiaredadni, 17 kastryčnika, pradstaŭniki lidara vieniesuelskaha režymu Nikałasa Madura damovilisia na sustrečy ŭ Barbadosie z «Abjadnanaj płatformaj» — apazicyjnymi palitykami, jakich padtrymlivajuć ZŠA, — ab praviadzieńni vybaraŭ prezidenta ŭ druhim paŭhodździ 2024 hoda. Sačyć za imi zaprosiać mižnarodnych naziralnikaŭ.

Paśla hetaha Ministerstva finansaŭ ZŠA prypyniła na paŭhoda dziejańnie sankcyj, jakija zabaraniajuć finansavyja apieracyi z enierhietyčnym i zołatazdabyŭnym siektarami Vieniesueły. Taksama źniata zabarona na handal dziaržablihacyjami i abaračeńnie na druhasnym rynku niekatorych bondaŭ naftavaj dziaržkampanii PDVSA. Adnak dazvoły mohuć być adklikanyja, kali Karakas nie vykanaje svaje abiacańni pa arhanizacyi sumlennych i svabodnych vybaraŭ, papiaredziŭ Vašynhton.

Takija dziejańni ZŠA musiać rabić dziela taho, kab pavialičyć na rynku prapanovu nafty, ceny na jakuju z-za starańniaŭ Rasii i Saudaŭskaj Aravii 13 kastryčnika pieravysili 90 dalaraŭ za barel. 

Čytajcie taksama:

Natalla Kačanava nazvała Vieniesuełu nadziejnym partnioram, dobrym tavaryšam i siabram Biełarusi

Vieniesueła dałučyłasia da płaciežnaj sistemy «Mir»

Čamu Kitaj nie zaprasiŭ Łukašenku na treci forum «Pojas i šlach»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
0
Ха-ха
1
Ого
3
Сумна
1
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031