Znajści
Ałharytmičny łacinski varyjant
20.10.2023 / 10:221RusŁacBieł

Na «Hrodnaenierha» niedachop piersanału — kandydaty nie prachodziać pravierki na łajalnaść režymu

U filijałach «Hrodnaenierha» praciahvajucca represii za 2020 hod, a adbor kandydataŭ na pracu vielmi strohi.

Hrodzienskaja ciepłaelektracentral — 2. Fota: energo.grodno.by/tec2

Apošniaje słova za namieśnikam hiendyrektara — kadebešnikam

Jak raspaviali «Našaj Nivie», niedachop piersanału na CEC-2 dasiahnuŭ takoha ŭzroŭniu, što na niekatorych pazicyjach, dzie musić być čatyry źmieny, ludziej chapaje tolki na try.

«Ludziej dahetul praciahvajuć zvalniać za padziei 2020 hoda. Znajści zamienu raniej zvolnienym nie prosta, bo kab čałavieka pryniali na pracu, jon musić nie tolki adpaviadać prafiesijnym jakaściam, ale i być kryštalna čystym u palityčnym płanie», — kaža surazmoŭca, znajomy ź situacyjaj.

Niadaŭna na pradpryjemstvie byŭ vypadak, kali kandydaturu novaha supracoŭnika ŭzhadnili na ŭsich uzroŭniach, u tym liku hiendyrektar, ale na pracu ŭ vyniku jaho nie pryniali.

«Apošniaje słova ŭ pytańniach, datyčnych zvalnieńnia i pryniaćcia na pracu, nie za hiendyrektaram, a za adnym ź jahonych namieśnikaŭ, jaki źjaŭlajecca byłym kadebešnikam», — tłumačyć surazmoŭca. Były supracoŭnik KDB Barys Rahimaŭ zaniaŭ pasadu namieśnika hienieralnaha dyrektara pa biaśpiecy, režymu i kadrach vosieńniu 2021 hoda.

«Zahad na pryjom čałavieka na pracu čakaŭ, kali hety namieśnik vyjdzie z adpačynku. A kali toj viarnuŭsia, to adchiliŭ hetuju kandydaturu», — kaža surazmoŭca.

Śpisy na zvalnieńnie i pošuk karty palaka

Na pradpryjemstvie pieryjadyčna prychodziać śpisy ludziej, jakich treba zvolnić, taksama vyjaŭlajuć supracoŭnikaŭ, jakija majuć kartu palaka. 

«Z apošniaha — pryjšoŭ zahad razabracca z usimi, chto maje kartu palaka. Maŭlaŭ, takija ludzi nie pavinny pracavać u dziaržaŭnym pradpryjemstvie, kali nie admoviacca ad jaje».

Surazmoŭca miarkuje, što heta źviazana z pryniaćciem zakona, jaki abaviazvaje zładzić samadanos u MUS, kali čałaviek maje kartu palaka, DNŽ abo hramadzianstva inšaj krainy.

Pra toje, što ŭ roznyja filijały «Hrodnaenierha» prychodziać śpisy na zvalnieńnie, pisali i raniej. Pra źjaŭleńnie takoha śpisa ŭ Hrodnie «Naša Niva» paviedamlała ŭ studzieni. Tady ludziam, jakija trapili ŭ hety śpis, treba było vyrašyć pytańnie sa zvalnieńniem da traŭnia. 

U krasaviku pra śpisy na zvalnieńnie, jakija spuścili ŭ Ašmianskija elektryčnyja sietki (filijał «Hrodnaenierha»), pisała «Zierkało». Tady taksama išła havorka pra toje, što supracoŭniki sa śpisa musiać być zvolnienyja da 1 traŭnia.

Ašmianskija elektryčnyja sietki. Fota: energo.grodno.by

Pad zvalnieńnie traplajuć supracoŭniki ŭ niezaležnaści ad prafiesijnych jakaściej i pracoŭnaha stažu. 

Pry hetym vyhladaje, što časam kiraŭnictvu davodzicca adkłaści zvalnieńnie niełajalnaha da režymu Łukašenki supracoŭnika, bo zamianić čałavieka niama kim, a bieź jaho nie abyścisia.

Čamu tak šmat uvahi da hetaj arhanizacyi?

Mnohija supracoŭniki «Hrodnaenierha» zajavili, što nie pryznajuć vynikaŭ prezidenckich vybaraŭ 2020 hoda. Jak pisaŭ Hrodna.life, 21 žniŭnia rabotniki troch filijałaŭ «Hrodnaenierha» («Hrodzienskija elektryčnyja sietki», «CEC — 2», «PSDTU») źviarnulisia da haradskich uładaŭ i vykazali salidarnaść z udzielnikami mirnych pratestaŭ. Tady za niekalki dzion zvarot padpisali 668 rabotnikaŭ arhanizacyi.

«Naša Niva» — bastyjon biełaruščyny

PADTRYMAĆ

Čytajcie taksama:

Kolkaść rabotnikaŭ skaračajecca. Jak masavaja emihracyja budzie ŭpłyvać na ekanomiku ŭ Biełarusi — źmieny adčujuć usie

U Hrodzienski dziaržaŭny kaledž mastactvaŭ zavitvali siłaviki. Vyklikali na «razmovu», praviarali telefony

«Amal hadzinu prasiadzieŭ u čarzie». Jak biełarusy padavali źviestki pra DNŽ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
2
Ха-ха
2
Ого
1
Сумна
3
Абуральна
21
3
Maksim Dizajnier/adkazać/
20.10.2023
Skolko tam zarablajut, čto tierpiły tak prutsia na etot zavod?V sosiedniej Polšie 1000 baksov s obiedami i biespłatnym proživanijem dažie ałkaš najti možiet.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930