Znajści
Ałharytmičny łacinski varyjant
12.10.2023 / 23:5260RusŁacBieł

Budanaŭ zaklikaŭ «addać naležnaje» Łukašenku

U intervju internet-vydańniu «Ukrajinśka pravda» kiraŭnik Hałoŭnaha ŭpraŭleńnia raźviedki Minabarony Ukrainy Kirył Budanaŭ vykazaŭ upeŭnienaść, što rasijskija vojski bolš nie napaduć na Ukrainu z terytoryi Biełarusi.

Kirył Budanaŭ, skrynšot ź videa

«Ci pamiatajecie 20-y hod? U ich była realnaja revalucyja, narod paŭstaŭ strašenna. A čamu padčas poŭnamaštabnaj vajny ničoha ŭ ich nie adbyvajecca? Ën nastolki prydušyŭ svoj narod?» — spytaŭ Budanava karespandent.

Budanaŭ: Pa-pieršaje, surjozna prydušyli, heta praŭda. A pa-druhoje, pryčym tut vajna va Ukrainie? Vajna va Ukrainie pužaje biełarusaŭ. Im ža jaki asnoŭny pasył robiać: vy što, chočacie, jak va Ukrainie? Heta ž strašna. 

UP: Jakuju rolu ŭ hetaj vajnie vykonvaje Łukašenka?

Budanaŭ: Kankretyzujcie pytańnie.

UP: Skažam tak. Ën jak miedyjny čałaviek…

Budanaŭ: Ën piatlaje [śmiajecca]. Voś što ja mahu skazać. Ën piatlaje.

UP: Jamu ŭdajecca?

Budanaŭ: Tak, jamu ŭdajecca. Heta całkam jamu ŭdajecca. Kali b jon nie byŭ takim chitrym, my mieli b užo vajnu i ź Biełaruśsiu, i z terytoryi Biełarusi, jakuju b prosta vykarystoŭvali b rasijanie. Heta navat nam u plus. Nie treba adbielvać hetaha čałavieka, ale toje, što jon nie dapuściŭ paśla tych strašnych padziej zimy i viasny 2022 hoda, nie dapuściŭ navat sproby paŭtareńnia, heta taksama praŭda, treba addać naležnaje hetamu čałavieku».

Voś hety epizod na videa:

Hetyja vykazvańni Kiryła Budanava vyklikali rezkuju krytyku prajekta «Biełaruski hajun», jaki adsočvaje biełaruskuju i rasijskuju vajskovuju aktyŭnaść u Biełarusi.

«Hetaj frazaj topavy ŭkrainski čynoŭnik tranśluje łžyvy pasył, byccam tolki dziakujučy Łukašenku US RB jašče nie ŭstupili ŭ vajnu, padajučy Łukašenku miratvorcam, jaki choć niejak kantraluje situacyju. A fakt u tym, što Łukašenka nie adkazvaje za toje, ci budzie ŭvarvańnie z terytoryi Biełarusi, ci nie budzie, ci buduć US RF u Biełarusi, ci nie i hetak dalej», — piša ŭ svaim kamientary «Biełaruski Hajun».

«Mahčyma, kiraŭnik ukrainskaj vyviedki prosta zabyŭsia, što da 24.02.2022 mienavita Łukašenka nieadnarazova abiacaŭ, što «nikoli ź Biełarusi nie atakujuć Ukrainu», toje ž kazali i jahonyja čynoŭniki za paru dzion da ŭvarvańnia. Mienavita Łukašenka teraryzuje svajakoŭ biełaruskich dobraachvotnikaŭ, jakija vajujuć za svabodu Ukrainy. Mnohija ź ich addali svaje žyćci ŭ baraćbie z akupantami, jakich Łukašenka i padtrymlivaje. Ci varta addać jamu naležnaje za heta?» — rytaryčna pytajecca «Hajun».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
91
Ха-ха
12
Ого
7
Сумна
5
Абуральна
84
2
Chreń /adkazać/
15.10.2023
Pa što słuchać usialakuju bzduru. Pa sutnaści, Ukraina tak ža dalokaja ad svabody, jak i rB. Spadz tolki na kalektyŭny Zachad dy ichnuju doŭhuju volu nam pamahčy.
1
Saturn/adkazać/
15.10.2023
Intieriesno, eto dobaviło kalinovcam motivacii?
0
123/adkazać/
15.10.2023
rom,nie čiemu udivlaťsia, oni takije vsie. Na Zapadie ob etom chorošo znajut.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031