Znajści
Ałharytmičny łacinski varyjant
03.10.2023 / 18:189RusŁacBieł

Na Mahiloŭščynie dziaciej stali vazić pa łukašenkaŭskich miaścinach. Jak u SSSR pa leninskich

Novy ideałahičny maršrut «Darohaj Pieršaha» prydumali ŭ Biełaruskaj dziaržaŭnaj sielskahaspadarčaj akademii ŭ Horkach. Školnikam padčas jaho raskazvajuć pra daprezidenckaje žyćcio Łukašenki, paviedamlaje Mayday.team.

 

U sielhasakademii abviaścili pra start «abłasnoha turystyčnaha marafonu» dla dziaciej ad 10 da 16 hadoŭ. Hrupy školnikaŭ u zahadnym paradku farmiruje «Mahiloŭabłturyst». Maršrut ekskursii: Mahiloŭ — Škłoŭ — Aleksandryja — Horki.

Pieršymi turystami ŭ minułyja vychadnyja stali vučni mahiloŭskich siarednich škoł №19 i №25. Z Mahilova, dzie Łukašenka atrymlivaŭ pieršuju vyšejšuju adukacyju, školnikaŭ pavieźli ŭ Škłoŭ, dzie jon pracavaŭ, a potym — u Aleksandryju, dzie mieścicca byłaja škoła-muziej Łukašenki. Skončyŭsia maršrut u Horkach, u BDSHA, dzie Łukašenka vučyŭsia «biez adryvu ad vytvorčaści».

U akademii dzieciam pakazali aŭdytoryju №1020 u pieršym korpusie BDSHA, dzie niekali nibyta słuchaŭ lekcyi Łukašenka, i dali mahčymaść pasiadzieć za «retrapartami». Naviedvańnie aŭdytoryi supravadžajecca raspoviedam pad nazvaj «O Vriemieni i o Čiełoviekie, Ličnosť kotoroho vpisana v Istoriju sovriemiennoj Biełarusi» (arfahrafija z aryhinała).

Praciahniecca abłasny marafon da 10 listapada. Kali ideałahičnuju navinku paličać udałaj, dziaciej hetym maršrutam paviazuć i ź inšych rehijonaŭ.

Zrešty, heta nie takaja ŭžo i navinka, ideja jaŭna zapazyčanaja z savieckich časoŭ. U SSSR isnavali turystyčnyja maršruty pa leninskich miescach. U ich skład, darečy, taksama ŭvachodzili Horki, tolki nie našy biełaruskija, a padmaskoŭnyja, dzie Lenin pravioŭ apošnija hady svajho žyćcia.

Čytajcie taksama:

«Ciažka być dziaržaŭnym prapahandystam, davodzicca pisać adkrytuju łuchtu i dzič»

U prapahandysta Mukavozčyka spytali, čamu jahonaja dačka pracuje ŭ ZŠA

Łukašysty chočuć pakazać vyviezienych z Ukrainy dziaciej zamiežnym dypłamatam — MZS Ukrainy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
6
Ха-ха
13
Ого
0
Сумна
0
Абуральна
12
0
Juraś/adkazać/
03.10.2023
Cikava, a voś što idejałahična atestavanyja hidy adkazvajuć dzieciam na pytańni ab asobie taty Łukašenki, ab jahonych podźvihach pad čas WW2, i ab tym, jak maci i babuli Łukašenki atrymałasia pieražyć ŭ akupacyi "hienocid biełorusskoho naroda"?
0
umka/adkazać/
03.10.2023
"U SSSR isnavali turystyčnyja maršruty pa leninskich miescach."
dyk toje było paśla śmierci lenina )
0
Dusty Kane/adkazać/
04.10.2023
Pusť po tysiačie riezidiencij povoziat. Dieti zakolebutsia kataťsia - trip na hoda połtora- i vsie vriemia lubovaťsia šikom i bleskom. Cyhanskoje barokko, nie bud́ ko mnie žiestoko!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera