Znajści
Ałharytmičny łacinski varyjant
02.10.2023 / 09:588RusŁacBieł

U Rečycy pačynajecca sud nad Palinaj Šarendaj-Panasiuk. Jaje źbirajucca treci raz pakinuć za kratami

Palina miełasia vyjści na volu jašče ŭ červieni 2022 hoda, adnak joj nakinuli hod kałonii. U žniŭni hetaha hoda jana taksama nie vyjšła na volu. Zaraz čarhovy sud.

Palina Šarenda-Panasiuk

U Rečycy siońnia pavinien pačacca sud nad aktyvistkaj z Bresta Palinaj Šarendaj-Panasiuk.Palina znoŭ abvinavačvajecca ŭ złosnym niepadparadkavańni patrabavańniam administracyi papraŭčaj ustanovy, jakaja vykonvaje pakarańnie ŭ vyhladzie pazbaŭleńnia voli (č.1 art. 411 KK).

Razhladać spravu budzie Rečycki rajonny sud, vykonvać rolu sudździ — Stanisłaŭ Ivaniucienka, jaki nieadnarazova vynosiŭ prysudy pa «pratesnych» administracyjnych i kryminalnych artykułach.

Pa hetaj častcy artykuła 411 KK praduhledžana pazbaŭleńnie voli na termin da adnaho hoda.

Palina Šarenda-Panasiuk była zatrymanaja 3 studzienia 2021 hoda i ŭ červieni taho ž hoda prysudžanaja da 2 hadoŭ pazbaŭleńnia voli pavodle artykułaŭ 364, 368 i 369 KK (abraza Łukašenki i pradstaŭnika ŭłady, hvałt u dačynieńni da milicyjanta). Adbyvać pakarańnie jaje adpravili ŭ žanočuju kałoniju № 4 U Homieli.

Jaje muž Andrej z dvuma małymi dzietkami vyjechaŭ ź Biełarusi.

Palina miełasia vyjści na volu ŭ červieni 2022 hoda, ale ŭ kałonii jaje stali ŭvieś čas adpraŭlać u štrafny izalatar, abvinavačvajučy ŭ parušeńni režymu, u vyniku zaviali spravu pavodle art.411 «Złosnaje niepadparadkavańnie patrabavańniam administracyi papraŭčaj ustanovy» i dali hod kałonii.

Ale i letam hetaha hoda žančyna nie vyjšła na volu. Nieŭzabavie stała viadoma pra čarhovuju spravu pavodle art. 411 KK.

Na minułum tydni Andrej Šarenda źviarnuŭsia da nieabyjakavych ludziej z prośbaj padtrymać Palinu.

Čytajcie taksama:

«Psichałahična Palina trymajecca, ale fizična jaje arhanizm vielmi asłableny» — zvarot Andreja Šarendy da arhanizacyj i nieabyjakavych ludziej

Stała viadoma, kali buduć znoŭ sudzić Palinu Šarendu-Panasiuk

«Miech pabitych jabłyk ad nieviadomaha «dobrazyčliŭca». Stała viadoma, čamu nie dachodziać pieradačy da Paliny Šarendy-Panasiuk

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Niavažna/adkazać/
02.10.2023
Anž, ja taksama nie razumieju. Palinu škada, i ŭsich škada, ludzi bolš značać. Ja za vyzvaleńnie lubymi srodkami, bo lepiej nie stanie, uzurpatar i jahonyja słužki zaraz vielmi ŭmacavalisia.
1
///adkazać/
02.10.2023
Anž, nu tak - jon ža zdajecca ŭ Polšy i tam biaśpiečna vyjści. sprava nie ŭ praficie, a ŭ tym što inšych zaklikaje, a sam?

žančyna hierainia. zachaplajusia joj i płaču ab jejnych pakutach

a voś muž nie moža nie vyklikać pytańni i niedavier
3
///adkazać/
02.10.2023
"Kali ty kachaješ hetuju žančynu to dla ciabie važniej jaje biaśpieka i zdaroŭje, a nie.." voś-voś. hety momant - što Palina, maŭlaŭ, sama suprać, kab palitviaźniaŭ vykupali - vyklikaje vialikija sumnievy. a ci tak heta nasamreč? i ŭsio heta navodzić na zusim užo sumnyja "fantastačnyja" dumki - a moža jon choča... adzin vychoŭvać dziaciej? spadziajusia, što heta zusim nie tak. Palinu biaźmierna škada. jak ciažka maci nie bačyć maleńkich dziaciej
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera