Znajści
Ałharytmičny łacinski varyjant
30.09.2023 / 16:182RusŁacBieł

Pach cieła — jak adbitak palcaŭ. Chutka moža nadyści čas, kali pa pachu cieła pra nas možna budzie sčytać usio, u tym liku chvaroby

Vaš unikalny pach moža vydać vašuju asobu, padobna jak heta robiać adbitki palcaŭ. Vodar čałavieka moža być vykarystany dla adsočvańnia i vyznačeńnia znachodžańnia kankretnaha čałavieka, a taksama vyjaŭleńnia chvarob.

Fota: vecteezy

Vaš vodar — heta składany pradukt, na jaki ŭpłyvaje šmat faktaraŭ, u tym liku vaša hienietyka. Daśledčyki miarkujuć, što peŭnaja hrupa hienaŭ, hałoŭny kompleks histasumiaščalnaści, adyhryvaje vialikuju rolu ŭ vytvorčaści vodaru. Hetyja hieny ŭdzielničajuć u imunnaj reakcyi arhanizma i, jak miarkujuć, upłyvajuć na pach cieła, kadujučy vypracoŭku śpiecyfičnych białkoŭ i chimičnych rečyvaŭ.

Ale vaš vodar nie fiksujecca, jak tolki vaša cieła vypracoŭvaje jaho. Kali pot, tłušč i inšyja vyłučeńni traplajuć na pavierchniu vašaj skury, mikroby rasščaplajuć i pieratvarajuć hetyja złučeńni, źmianiajučy i dadajučy pachi, jakija składajuć vaš vodar, jaki pakidaje śled u navakolnym asiarodździ.

Navuka pra pach cieła

Kali vy znachodziciesia pobač ź inšym čałaviekam, vy možacie adčuć ciapło jaho cieła, nie dakranajučysia da jaho. Mahčyma, vy navat zmožacie adčuć ich pach, nie nabližajučysia vielmi blizka. Naturalnaje ciapło čałaviečaha cieła stvaraje roźnicu tempieratur z navakolnym pavietram. Vy nahravajecie najbližejšaje da vas pavietra, u toj čas jak pavietra dalej zastajecca prachałodnym, stvarajučy ciopłyja patoki pavietra, jakija atačajuć vaša cieła.

Daśledčyki miarkujuć, što amal niezaŭvažny šlejf pavietra (jaki ŭtvarajecca ad pierapadu tempieratur miž ciełam i navakolnym asiarodździem) dapamahaje raśsiejvać vaš vodar, vyšturchoŭvajučy miljony kletak skury, jakija vy hublajecie na praciahu dnia. Hetyja kletki skury dziejničajuć jak łodki abo płyty, jakija «pieravoziać» sakrety załoz i vašych mikrobaŭ — tuju samuju kambinacyju inhredyjentaŭ, jakija składajuć vaš niepaŭtorny vodar.

Latučyja arhaničnyja złučeńni, jakija farmujuć vaš pach, uklučajuć kambinacyju potu, tłušču i mikraelemientaŭ, jakija vyłučajucca z załoz vašaj skury. Asnoŭnyja kampanienty vašaha pachu zaležać ad unutranych faktaraŭ, takich, jak rasa, etničnaja prynaležnaść, bijałahičny poł i inšyja prykmiety. Druhasnyja kampanienty, što taksama akazvajuć upłyŭ, zaležać ad takich faktaraŭ, jak stres, dyjeta ci najaŭnaść niejkaj chvaroby. Kampanienty treciaha paradku kštałtu duchoŭ i myła źjaŭlajucca nadbudoŭkaj nad vašym prykmietnym profilem pachaŭ.

Indyvidualnaść pachu

Z takoj vialikaj kolkaściu faktaraŭ, jakija ŭpłyvajuć na pach luboha čałavieka, hetaja admietnaści mohuć być vykarystanyja ŭ jakaści identyfikacyjnaj prykmiety. Sabaki-šnypary, šukajučy padazravanaha, mohuć adroźnivać i nie zvažać na ŭsie inšyja pachi na ich šlachu, kab prasačyć za pachavym śledam, pakinutym čałaviekam, jakoha jany šukajuć. Tamu daśledčyki daŭno vykazvajuć zdahadku, što pach kožnaha čałavieka dastatkova vyrazny, kab jaho možna było adroźnić ad pachu luboj inšaj asoby.

Ekśpierymient 1988 hoda prademanstravaŭ, što sabaka moža adroźnivać identyčnych, adnazihotnych bliźniat, jakija žyvuć asobna i padviarhajucca ŭździejańniu roznych umoŭ navakolnaha asiarodździa, tolki pa ich pachu. Admietna, što adroźnić ich niemahčyma navat pry vykarystańni mietadaŭ analizu DNK, bo adnazihotnyja bliźniaty majuć adnolkavy hienietyčny kod.

Tamu pole analizu čałaviečaha pachu pašyryłasia z hadami ŭ pošukach taho, jak jaho možna vykarystoŭvać u jakaści sudova-miedyčnaha dokazu. Daśledčyki ŭbačyli admietnaści, jakija možna kłasifikavać pa połu, rasie i etničnaj prynaležnaści. Daśledavańnie 2017 hoda z udziełam 105 udzielnikaŭ pakazała, što śpiecyfičnyja kambinacyi 15 latučych arhaničnych złučeńniaŭ, sabranych z ruk ludziej, mohuć adroźnivać rasavuju i etničnuju prynaležnaść z dakładnaściu 72% dla biełych, 82% dla ŭschodnieazijackich ludziej i 67% dla łacinaamierykancaŭ. Na padstavie kambinacyi z 13 złučeńniaŭ udzielnikaŭ možna było adroźnić ad mužčyn i žančyn z ahulnaj dakładnaściu 80%.

Siońnia z raźvićciom ŠI daśledčyki taksama stvarajuć madeli dla prahnazavańnia charaktarystyk čałavieka na asnovie jaho pachu. Tak, z vybarki ŭ 30 žančyn i 30 mužčyn adna z kamand navukoŭcaŭ stvaryła madel mašynnaha navučańnia, jakaja mahła pradkazać bijałahičny poł čałavieka z dakładnaściu 96% na asnovie pachu ruk.

Pach zdaroŭja

Daśledavańni pachaŭ praciahvajuć davać infarmacyju i pra chvaroby. Śpiecyjalna navučanyja sabaki mohuć pa pachu razumieć i papiaredžvać svaich apiekunoŭ pra toje, što nabližajecca prypadak, abo paviedamlać dyjabietykam, kali im treba skarektavać uzrovień hlukozy ŭ kryvi, raspaviadaje The Conversation.

U toj čas jak padobnyja žyvioły časta pracujuć tolki z adnym pacyjentam, miedyčnyja sabaki mohuć taksama vyznačać, ci chvareje kankretny čałaviek. Jość prykłady, kali sabak možna navučyć vyjaŭlać rak u ludziej ci adroźnivać infiekcyi COVID-19 z dakładnaściu 90%. Hruntujučysia na sabačym dośviedzie, daśledčaja hrupa vyjaviła, što praz łabaratorny analiz uzoraŭ pachu ruk moža vyznačać chvorych na COVID-19 ludziej z dakładnaściu 75%.

Daśledčyki navučyli sabak vyniuchvać COVID-19

Kryminalistyka pachaŭ

U pierśpiektyvie čałaviečy pach moža stać najvažniejšaj formaj sudova-miedyčnych dokazaŭ, tamu hetaja halina ŭsio jašče raźvivajecca. Ujavicie sabie supracoŭnika pravaachoŭnych orhanaŭ, jaki biare ŭzor pachu ź miesca złačynstva ŭ nadziei, što jon moža supadać z padazravanym.

Takim čynam, dalejšyja daśledavańni mohuć dapamahčy zapoŭnić prabieły ŭ našym razumieńni indyvidualnaści čałaviečaha pachu, u pierśpiektyvie spraściŭšy pracu ŭ sudova-miedyčnych i bijamiedyčnych łabaratoryjach, a zaadno zrabiŭšy sačeńnie za ludźmi jašče bolš daskanałym.

Čytajcie taksama:

Kryčyš na sabaku? Raskazvajem, čamu heta biessensoŭna i jak lepš dziejničać

Jak časta varta prymać duš? Rajać daktary

Pamiać pažyłych ludziej moža značna palepšyć terapija pachami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
1
Ха-ха
0
Ого
2
Сумна
1
Абуральна
0
0
Žvir/adkazać/
30.09.2023
To bok, kašačyja/sabačyja ŭsio pra nas viedajuć ? Jany mahčyma viedajuć navat što i jak liačyć ? Bo časam zaskočyć na kanapu, uliažycca pobač, i varkoča niejkuju svaju pieśniu. Moža heta takim čynam jon robić mnie terapiju ?
0
mikola/adkazać/
30.09.2023
zgodzen. zapah maryhuany.....adrazu mozna paczuc.....Mne ne padabaeca .
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930