Znajści
Ałharytmičny łacinski varyjant
28.09.2023 / 14:441RusŁacBieł

Pamior akcior Majkł Hemban, viadomy pa roli Dambłdara

Jamu było 82 hady.

Ser Majkł Hemban. Fota: Wikimedia Commons

Pamior akcior Majkł Hemban, viadomy pa roli Dambłdara ŭ filmach pra Hary Potera. Jon zdymaŭsia ŭ roli čaraŭnika — dyrektara «Chohvartsa», pačynajučy z treciaj častki filma — «Hary Poter i viazień Azbakana».

«My spustošanyja, paviedamlajučy pra stratu sera Majkła Hembana», — havorycca ŭ zajavie žonki i syna akciora. Jany paviedamili, što Hemban pamior u balnicy paśla prystupu pnieŭmanii ŭ atačeńni blizkich.

Ser Majkł Hemban naradziŭsia ŭ 1940 hodzie ŭ Dublinie (Irłandyja). Jon čatyry razy atrymlivaŭ telepremiju BAFTA jak najlepšy akcior (1987, 2000, 2001, 2002), byŭ naminavany na premii «Emi» (2002) i «Załaty hłobus» (2003) i atrymaŭ mnostva premij roznych kiniematahrafičnych hildyj.

Paśla taho jak akcior pastupiŭ na pracu ŭ Brytanski nacyjanalny teatr, jaho karjera pajšła ŭvierch. U toj čas teatram kiravaŭ ser Łorens Aliŭje, a Hemban udzielničaŭ u pastanoŭkach pjes Ałana Ejkbarna. Viadomaść da Hembana pryjšła ŭ 1980-ja, kali jon syhraŭ u pastanoŭcy «Žyćcio Halileja».

Pačynajučy z hetaha času akcior rehularna źjaŭlaŭsia na scenie Karaleŭskaha nacyjanalnaha teatra, dzie syhraŭ takich piersanažaŭ, jak karol Lir, Ateła i Mark Antonij.

Hemban taksama syhraŭ u filmach «Sonnaja łahčyna», «Hosfard-park» i «Karol pramaŭlaje!», u sieryjałach «Ema» i «Doktar Chto».

Poŭnuju filmahrafiju Majkła Hembana možna pabačyć tut.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
6
mikola/adkazać/
28.09.2023
spaczuvaiu....Hto taki ? Ni vedaiu......Pra Garry vedau,pra Potera-Ne.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera