Znajści
Ałharytmičny łacinski varyjant
27.09.2023 / 22:277RusŁacBieł

«Jak usie, chodzić na pracu». Što viadoma pra palitźniavolenaha dyrektara kramy Symbal.by Paŭła Biełavusa

Bolš za čatyry miesiacy minuła paśla suda nad Paŭłam Biełavusam, dyrektaram zakrytaj uładami kramy nacyjanalnych suvieniraŭ Symbal.by, jakoha na zakrytym pasiadžeńni asudzili na 13 hadoŭ źniavoleńnia. A paśla adpravili adbyvać pakarańnie ŭ kałoniju № 17 u Škłovie. Niekatoryja naviny pra Paŭła Biełavusa, jakimi na ŭmovach ananimnaści padzialiłasia daśviedčanaja krynica, daviedałasia «Radyjo Svaboda».

Pavieł Biełavus na sudzie

Pavodle surazmoŭcy, ad Paŭła prychodziać listy, taksama jamu dazvolena telefanavać rodnym.

«Na zdaroŭje jon nie skardzicca. Jašče viadoma, što chodzić na pracu, jak inšyja. Ale detalaŭ, što i jak, nie paviedamlaje. Zapeŭnivaje, što ŭ jaho skłalisia roŭnyja adnosiny z asudžanymi, razam ź jakimi adbyvaje pakarańnie», — kaža krynica.

Pavieł Biełavus viadomy ŭ Biełarusi jak kulturnicki mieniedžar, zasnavalnik i były dyrektar placoŭki «Art Siadziba». Paŭła zatrymali ŭ listapadzie 2021 hodu i paśla 45 dzion administracyjnych aryštaŭ zaviali na jaho kryminalnuju spravu.

Pa artykule za «zdradu dziaržavie» jon atrymaŭ vialiki termin — 10 hadoŭ i štraf pamieram 500 bazavych vieličyń (18,5 tysiačy rubloŭ). Akramia taho, jaho pryznali vinavatym u arhanizacyi hrupavych dziejańniaŭ, što parušajuć hramadski paradak, i prysudzili za heta try hady kałonii. Za publičnyja zakliki da zachopu ŭłady — čatyry hady, za kiraŭnictva ekstremisckim farmiravańniem — čatyry hady pazbaŭleńnia voli.

Ahułam łukašenkaŭski sud pryznačyŭ pakarańnie Paŭłu Biełavusu ŭ vyhladzie 13 hadoŭ pazbaŭleńnia voli.

U žniŭni Paŭłu Biełavusu spoŭniłasia 36 hadoŭ. Na voli palitviaźnia čakajuć žonka i dvoje dziaciej.

Čytajcie taksama:

U babrujskaj kałonii paharšajuć umovy ŭtrymańnia viaźniaŭ

«Kab nie było darohi nazad». Hurt VOLSKI anansavaŭ albom «Listy palitviaźniam»

Prapała suviaź z adnym z «rejkavych partyzan». Svajaki źniavolenaha aścierahajucca najhoršaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Nia toj čałaviek u turmie/adkazać/
28.09.2023
Łukašenka pavinien siadzieć u turmie, a nia Biełavus. Biełavus — patryjot Biełarusi. Łukašenka — zdradnik Biełarusi. Pradaŭ krainu maskalam i niščyć biełaruskuju movu j spadčynu, biełaruski narod, biełaruskaje žyćcio
2
Nievierajatnaja nievierajatnaść/adkazać/
28.09.2023
Ščaslivy i svabodny (Kalifornija), takaja naiŭnaja hłupaja bałbatnia
0
Łukašyst/adkazać/
28.09.2023
Vyjdzie praz 13 hod, čakajcie
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera