Znajści
Ałharytmičny łacinski varyjant
30.09.2023 / 10:5013RusŁacBieł

Raskazvajem, čamu z Google Docs varta być aściarožnymi — kali vy ich adkryjecie, jany mohuć vas vydać

A taksama, čamu varta pačyścić śpis prahledžanych dakumientaŭ i jak ich prahladać biaśpiečna.

Niadaŭna Ofis Śviatłany Cichanoŭskajvykłaŭ u Google Drive dakumient «Kancepcyja kampiensacyi škody asobam, represavanym u pieryjad režymu Alaksandra Łukašenki, i niedapuščeńnia paŭtareńnia surjoznych parušeńniaŭ pravoŭ čałavieka». I atrymaŭ krytyku — bo dakumienty, prahledžanyja takim čynam, zachoŭvajucca ŭ raździele «Abahulenaje sa mnoj» nazaŭsiody.

Z Google Drive jość dźvie niebiaśpieki. Pa-pieršaje, kali vy prahladzieli tam dakumient, da taho momantu, pakul vy majecie jaho dostup, heta možna budzie prahladzieć. Pa-druhoje, stvaralnik dakumienta bačyć, chto prahladaŭ dakumient.

Druhaja prablema vyrašajecca tak — pierachodzicie pa spasyłkach na huhł-dakumienty tolki praz braŭzier u režymie «Inkohnita». Kab jaho adkryć u braŭziery Google Chrome naciśnicie «Customise and control Google Chrome», jaki vyhladaje jak try kropki ŭ rad. Naciśnicie tam «New Incognito Window» (Novaje akno inkohnita).

Mieniu Google Chrome, praź jakoje možna adkryć «režym inkohnita»

U režymie «inkohnita» braŭzier nie viedaje vašy huhł-akaŭnty i jany nie zachavajucca ŭ stvaralnika dakumienta.

Jašče adzin varyjant — karystacca braŭzieram, u jakim vy nie załahinienyja ŭ vaš huhł-akaŭnt, abo TOR-braŭzieram (tam z adlustravańniem mohuć być prablemy).

Nie pierachodźcie pa spasyłkach na Google Drive praz telehram ci inšyja płatformy — zvyčajna ŭ takim vypadku vas pierakinie ŭ huhł-dakumient z «asnoŭnaha» braŭziera, u jakim moža być zachavany vaš huhł-akaŭnt. Kapirujcie spasyłku ŭručnuju, paśla ŭvachodźcie ŭ režym «inkohnita», ustaŭlajcie jaje ŭ adrasny radok braŭziera i tolki paśla pierachodźcie pa joj.

Pra vyrašeńnie druhoj prablemy z prahledžanymi dakumientami my pisali ŭ artykule pra ačystku Google-akaŭnta, ale nie vielmi padrabiazna. Dla taho, kab vydalić abahulenyja z vami dakumienty (a heta ŭsie dakumienty, jakija vy niekali adkryvali praz vaš akaŭnt), pierajdzicie spačatku ŭ Google Drive.

Mieniu Google Dyska

Naciśnicie punkt «Abahulena sa mnoj». Adkryjecca śpis dakumientaŭ, jakija vy niekali adkryvali na vašym akaŭncie — zvyčajna, ichnija aŭtary nie pierajmajucca tym, kab paśla vydalić dostup. Znajdzicie dakumient, jaki vy chacieli b vydalić.

Źniešni vyhlad fajłaŭ u mieniu «Abahulena sa mnoj»

Abo vydzielicie jaho naciskańniem (doŭhim naciskańniem na mabilnych pryładach), abo naciśnicie na mieniu fajła ŭ vyhladzie troch kropkach u radok.

Tak možna adkryć mieniu vydaleńnia fajłaŭ Google Drive

Paśla hetaha naciśnicie «Vydalić» abo značok «śmietnicy» i fajł vydalicca. Hetyja fajły nie źmiaščajucca ŭ «Śmietnicu» vašaha Google Dyska, tamu ačyščać jaje nie treba.

Taksama vy možacie vydzialać fajły. Na kampjutarach heta robicca naciskańniem kłavišy Ctrl (Command na Mac) dla vydzialeńnia asobnaha fajłu abo Shift dla vydzialeńnia šerahu. Na smartfonach prosta rabicie doŭhi nacisk na kožny fajł.

«Naša Niva» — bastyjon biełaruščyny

PADTRYMAĆ

Čytajcie taksama:

Zatrymlivajuć ludziej, u jakich adšukali fota z pratestaŭ u Google Photos. Jak abaranić siabie — pakrokavy hajd

Huhł moža vydać historyju vašych pieramiaščeńniaŭ. Jak abaranić vaš Google-akaŭnt — padrabiazny hajd

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
29
Панылы сорам
1
Ха-ха
1
Ого
2
Сумна
0
Абуральна
4
2
Anatol Starkou/adkazać/
30.09.2023
Ja, kaniečna, źviniajuś - bo sam nie tutejšy j nie ITišnik. A ci možna voś tak, jak u artykule: klik siudy dy klik tudy I... tym samym klikam pieradać praz Huhł Dok sakretnuju vajennuju ci dziaržaŭnuju infu, jakuju, zrazumieła, nie zaŭvažać bčb kadebist, čz kadebist i nie bčb cerevušnik? 
0
Prosta žychar/adkazać/
01.10.2023
Anatol Starkou, padobna, niekatorym ludziam lepiej rotam tolki žavać, a rukami tolki bulbu pierabirać, ale palcam pakazvać nie budu
0
Mikołka/adkazać/
17.12.2023
Maksim Dizajnier, padajecca, što vy anivodnaha raza nia byli ni ŭ hubaziku, ni na Akreścina. I što telefon u vas mohuć adabrać u luby momant dzie zaŭhodna. Što kali karniki łamajuć vam miełkija kostki, vybivaja z vas paroli, to znojdziecca nia vielmi šmat tych, chto zdolny heta vytrymać. Nia viedajecie pra vyraki z turmoj albo katarhaj za kamienty i navat padabajki, i pra aryšty na miažy. Tamu nie paprakajcie nikoha za surjoznaje staŭleńnie da ŭłasnaj biaśpieki.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930