Znajści
Ałharytmičny łacinski varyjant
25.09.2023 / 23:4118RusŁacBieł

Kačanava nie hatovaja być prezidentam, u jaje niepieraadolnaja pieraškoda

Siońnia na telekanale «Biełaruś 1» pakazali prahramu «100 pytańniaŭ darosłamu», u jakoj dzieci zadajuć pytańni zaprošanym haściam. Hościaj hetaha vypusku stała staršynia Savieta Respubliki Natalla Kačanava, u jakoj zapytalisia, ci moža być roŭnaść mužčyn i žančyn u palitycy.

«Viadoma, heta mužčynskaja sprava, niesumnienna. Ale, vy viedajecie, palityka — heta składanaja, nasamreč, sprava, jakoj davodzicca zajmacca i žančynam. I voś ciapier, u sučasnym śviecie, usio bolš žančyn zajmajecca palitykaj, u palitycy. I, mnie zdajecca, heta pravamierna, heta pravilna», — adkazała Kačanava.

Na pytańnie ž, ci moža žančyna stać prezidentam, Kačanava adkazała, što tak: 

«Takija ž prykłady jość. Jość žančyny, jakija siońnia prezidenty krainy». Ale «ŭsio heta zaležyć ad taho, jakaja heta kraina, jakija zadačy vyrašajucca ŭ hetaj krainie». 

U Biełarusi ž vyrašajucca takija zadačy, što poł čałavieka dla zaniaćcia najvyšejšaj pasady jość ci nie vyrašalnaj jakaściu.

«Kali brać našu krainu, to ja liču, što, viadoma, mužčyna pavinien być va ŭładzie, uznačalvać krainu. Čamu? Tamu što ŭ nas, viedajecie, prezident — heta nie prosta pradstaŭničyja funkcyi, u nas heta karpatlivaja štodzionnaja, štosiekundnaja praca, kłopat pra ludziej, pra čałavieka. I tamu, viadoma, heta vielmi składana», —

adznačyła Kačanava, asoba jakoj časta ŭspłyvaje jak nibyta adzin z mahčymych kolišnich pierajemnikaŭ Łukašenki.

Taksama pry hetaj nahodzie Kačanava padzialiłasia svaim razumieńniem patryjatyzmu:

«Patryjatyzm — heta ž nie ŭziać ściah i chadzić ź im. Ale kali treba — ustać i pajści. I treba nie adnamu, a sabracca ŭsim razam, ustać i skazać, što vy za svaju krainu, za svaju Biełaruś. Voś što značyć patryjatyzm».

Choć jość i inšy varyjant:

«Ja kožny viečar dumaju: pravilna ja zrabiła ci niapravilna, — i pieraasensoŭvaju ŭsio. I kali ty razumieješ, što zrabiŭ usio pravilna, ty sam z saboj u zhodzie — heta i jość patryjatyzm».

Patryjatyčnaść Kačanavaj prajaŭlajecca siarod inšaha i ŭ vyklučnaj viernaści nacyjanalnaj valucie:

«Viedajecie, da niadaŭniaha času ŭ mianie źbieražeńniaŭ nie było. Tolki ŭ apošnija paŭhoda ja stała adkładać piensiju — nazapašvaju ŭ biełaruskich rublach. Usio, što ŭ mianie jość, — heta vyklučna biełaruskija rubli. Inšaj valuty ŭ mianie niama».

Čytajcie taksama:

Čatyry akny mahčymaściaŭ i čamu stavić na Kačanavu — «Tok» z Vadzimam Prakopjevym

Natalla Kačanava pra budučyja vybary: Spakojna nam žyć nie daduć

Natalla Kačanava znajšła mientalna blizki narod biełarusam

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
54
Ха-ха
95
Ого
6
Сумна
4
Абуральна
17
0
dočka Maksima Dizajniera/adkazać/
26.09.2023
daviedka, i krasivaja) osobienno pośle obrabotki v filtrie barbi) 
1
chmyk/adkazać/
26.09.2023
Kačan, jeje tuda voźmut?
26.09.2023
Kačan, nie kryŭdzicie diśpietčaraŭ vodakanała. tam narmalnyja ludzi. hetu tudy nie vaź muć 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930