Znajści
Ałharytmičny łacinski varyjant
25.09.2023 / 19:079RusŁacBieł

Pamočnikam Łukašenki ŭ Homielskaj vobłaści staŭ rasijanin

Alaksandr Łukašenka pryznačyŭ svaim pamočnikam — inśpiektaram pa Homielskaj vobłaści Juryja Horłava. Vydańnie «Fłahštok» daviedałasia, što viadoma pra hetaha čałavieka.

Juryj Horłaŭ naradziŭsia i vyras u rasijskaj Branskaj vobłaści. U Biełaruś jon pierajechaŭ tolki ŭ 2000 hodzie paśla zakančeńnia Branskaj dziaržaŭnaj sielskahaspadarčaj akademii.

U intervju haziecie «Minskaja praŭda» Juryj Horłaŭ raspaviadaŭ, što apynuŭsia ŭ Biełarusi dziakujučy svajmu dziadźku, jaki słužyŭ u vajskovaj čaści pad Minskam.

Adrazu paśla pierajezdu karjera Juryja Horłava rezka pajšła ŭvierch. Usiaho za hod jon pieraadoleŭ šlach ad zaatechnika adnoj z haspadarak Puchavickaha rajona da hałoŭnaha śpiecyjalista kamiteta sielskaj haspadarki i charčavańnia Minskaha abłvykankama.

Jakim čynam Juryj Horłaŭ usiaho za hod zdoleŭ atrymać biełaruskaje hramadzianstva, što źjaŭlajecca abaviazkovaj umovaj dla pracy dziaržaŭnym słužačym, zastajecca zahadkaj.

U Minskaj vobłaści na roznych pasadach Juryj Horłaŭ ahułam znachodziŭsia 22 hady. U Homielskuju vobłaść čynoŭnik byŭ pieraviedzieny z pasady staršyni Maładziečanskaha rajvykankama, na jakoj jon pracavaŭ z 2018 hoda.

Juryj Horłaŭ źmianiŭ na pasadzie pamočnika Łukašenki ŭ Homielskaj vobłaści Siarhieja Bartaša, jaki 8 žniŭnia 2023 hoda byŭ pryznačany ministram sielskaj haspadarki i charčavańnia. Za apošnija dva hady z pasady inśpiektara — pamočnika ŭ Homielskaj vobłaści na pavyšeńnie taksama pajšli Mikałaj Rahaščuk (namieśnik kiraŭnika spravami prezidenta) i Juryj Šulejka (staršynia Bresckaha abłvykankama).

Čytajcie taksama:

Łukašenka pryznačyŭ novaha pamočnika pa Homielskaj vobłaści, zrabiŭ źmieny ŭ miascovaj viertykali i siarod kiraŭnikoŭ pradpryjemstvaŭ

Łukašenka daŭ nakaz čynoŭnikam vybrać deputataŭ, jakich paśla «abiaruć», i nie chavać hetaha

Łukašenka prydumaŭ, jak navieści paradak na fiermach i paabiacaŭ razukamplektavać urad za karoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
TBD/adkazać/
26.09.2023
A čaho Naša Niva tolki jaho ŭzhadała? Kali pišacie što niechta tam z Rasiei to kali-łaska uzhadajcie śpis maskavitaŭ u atačeńni Łukašenki, to i Kačanava, i Volfavič, i Hajdukievič, i Biełakonieŭ, i Karpienkoŭ, i Karpienka, i Chrenin, i Mukazvončyk i hd. Što datyčycca hetaha spadara to vykažu svaju dumku. Dla mianie Bransk jak i Smalensk to Biełaruś. U vioskach tam kažuć pa biełarusku z davoli znajomym nam hukam i akcentam. Nie ździŭlusia što čałaviek jakoha Vy ŭzhadali kudy lepš razmaŭlaje pa biełarusku i tym bolš lubić Biełaruś čym usie tyja jakich ja pieraličyŭ vyšej.
0
Ševarnadze/adkazać/
26.09.2023
Vałdas Vałdauskas, dy nie, aboje raboje
0
TBD/adkazać/
26.09.2023
Byŭ taki rasiejanin Mulavin, Jon lepš lubiŭ Biełaruś čym Łukašenka, Kačanava, Karpiankoŭ, Volfavič i ŭsia astatniaja łukašenaŭskija chunta jakaja navohuł nie vałodaje biełaruskaj movaj.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031