Znajści
Ałharytmičny łacinski varyjant
25.09.2023 / 21:449RusŁacBieł

Łukašysty spračajucca, jak być z «pieraabutymi» błohierami — mierkavańni padzialilisia

Publičny danos novaj zorki prapahandy Mikity Račyłoŭskaha na viadomaha fud-błohiera Kakabaja acanili nie ŭsie łukašysty. U kołach prychilnikaŭ dziejnaj ułady zaviazałasia dyskusija, dzie samych jarych danosčykaŭ nazvali «pustymi psieŭdapatryjotami». 

Kaniečnie, mirycca z pratesnymi pohladami łukašysty nie hatovyja. Ale niekatoryja zaklikajuć pravodzić čystki ŭdumliva.

Kanał «Žoŭtyja źlivy», jaki publikuje abrazy palityčnych praciŭnikaŭ i videa z zatrymanymi, źniatyja pad prymusam, razvažajučy pra błohieraŭ, jakija ŭ 2020-m vykazalisia ŭ padtrymku pratestu, a paśla viarnulisia da zvyčajnaha ładu žyćcia, piša:

«My razumiejem tych, chto ličyć, što takich błohieraŭ, jakija adumalisia abo pieraabulisia, treba anihiliravać, ale prosim pierš padumać: pierad tym, jak niešta razvalić, treba niešta i kahości stvaryć».

Dopis reposnuŭ prapahandyst Ryhor Azaronak.

Drobny łukašyscki kanał «Hrafač» zhodny, što «likvidavać» takich błohieraŭ nie treba. Jon bačyć u ich navat karyść.

«Zakliki da anihilacyi ŭsiaho zapar vielmi škodnyja.

Ad kožnaha takoha źlohku pieraabutaha błohiera — za miažoj bambić macniej, čym ad zatrymanych.

Mirnaje žyćcio ŭ Biełarusi z prablemami vybaru picy i kavy sparadžaje dysanans z paradkam pra biespraśvietny «Mordar», u jakim važnaja tolki kolkaść psieŭdapalitviaźniaŭ, i mocna źnižaje efiektyŭnaść ekstremisckaha pramyvańnia mazhoŭ.

Akazvajecca, kali prymać nieskładanyja praviły hulni, pry hetym nie parušajučy zakona, možna spakojna žyć i dobra zarablać. Heta najlepšaja matyvacyja dla maładych ludziej».

Kanał ličyć, što radykalnym padychodam łukašysty buduć adpužvać niepalityzavanuju moładź.

Jon ža paźniej zaŭvažaje (namiakajučy na prarasijskuju aktyvistku Volhu Bondaravu i inšych danosčykaŭ-stachanaŭcaŭ):

«U apošni čas źjaviłasia šmat pustych psieŭdapatryjotaŭ biez pracoŭnaha stažu, navukovych zasłuh, jakija vyrašyli stać skaržnikami, spamierami, chajpažorami. Dumajuć zhulać na paradačku dnia i zaskočyć kudyści biez kampietencyi i dośviedu».

«Prabačcie, a što stvaryŭ błohier? Heta chto, vialiki navukoviec, spartyŭny trenier, jaki vychavaŭ plejadu alimpijskich čempijonaŭ, kruty inžynier, jaki robić praryŭnyja prajekty ŭ abaroncy? Što stvaryŭ błohier, u čym jaho asablivaja kaštoŭnaść dla krainy, što ŭsie pavinny nasicca ź im jak ź pisanaj torbaj?» — nie zhodnaja mastačka Śviatłana Žyhimont.

Jana nastojvaje: kab daravać «tym, chto astupiŭsia», tyja musiać publična vybačycca.

A prapahandyst STB Jaŭhien Pustavy vinavacić i dziaržpradpryjemstvy, jakija supracoŭničajuć z takimi błohierami:

«Mikita Račyłoŭski padniaŭ temu sumiesnaha prajekta zdradlivaha th [telehram-kanała] z pavažanym biełaruskim brendam. Davajcie kapniom hłybiej. Dziaržaŭnyja pradpryjemstvy pravodziać akcyi, sumiesnyja prajekty z tymi, chto zaklikaŭ da «pieramien», a značyć u tym liku i da źniščeńnia dziaržpradpryjemstvaŭ.

I ŭ mianie ŭźnikaje pytańnie: a chto tut niejmavierny (tak łukašenkaŭcy nazyvajuć prychilnikaŭ svabodnych vybaraŭ i demakratyi. — «NN»)? Zrazumieła, što tyja, chto tapiŭ suprać ciapierašniaj dziaržaŭnaści, nachabnyja i chitryja: jany dziela hrošaj i padpisoty. A što ž tady sami dziaržpradpryjemstvy? Tam ža jość ideołahi: moža, para praviarać tych, z kim kantrakt padpisvajecie? A to takaja kałabaracyja vielmi ŭžo padobnaja da adnakarennych źjaŭ ź inšym sensam».

Čytajcie taksama:

«Čamu Kakabaj usio jašče isnuje?» Račyłoŭski napisaŭ publičny danos na papularnaha błohiera Kakabaja

«Pamierci za Łukašenku». Chto taki Mikita Račyłoŭski, novy tvar prapahandy

Prapahandysty prydumali, jak padniać siało — zabaranić hurt «Drazdy» i nijakich kłubaŭ, bo pracavać treba

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
29
Ха-ха
9
Ого
0
Сумна
4
Абуральна
11
0
Saturn/adkazać/
26.09.2023
Bondarichu potichu načinajut podtaplivať svoi žie — čiem płocho?
0
Oleh/adkazać/
26.09.2023
[Red. vydalena]
0
Vierojatnyj/adkazać/
26.09.2023
Paliašuk, kab rasiejščyna “źlezła”, treba, kab pad joj niešta było. A tam niama ničoha daŭno - rasiejščyna i apartunizm. Łupajuć vačyma i nie razumiejuć, što ty im kažaš biełaruskaj. 

Pra pravajennaść-antyvajennaść navat niajomka nahadvać, što vajna, jak i rabstva, idzie u kamplekcie z russkim mirom. Chiba ich baćki hałasavali za vajnu? Nie, tolki za “brackije śviazi”, a jano čamuści vyjšła jak zaŭsiody. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930