Znajści
Ałharytmičny łacinski varyjant
22.09.2023 / 09:054RusŁacBieł

Zialenski: My deakupujem Bachmut i jašče dva harady

Prezident Ukrainy Uładzimir Zialenski padčas dyskusii z amierykanskimi redaktarami ŭ Vašynhtonie zajaviŭ, što Siły abarony źbirajucca vyzvalić zachopleny rasijcami Bachmut u Danieckaj vobłaści i jašče dva harady.

Prezident Ukrainy Uładzimir Zialenski. Fota: Stephanie Scarbrough/AP 

«My deakupujem Bachmut. Ja dumaju, što my deakupujem jašče dva harady», — cytuje Zialenskaha «UP» sa spasyłkaju na CNN.

Zialenski admoviŭsia nazvać harady, jakija abaroncy majuć namier vyzvalić. «Ja nie skažu, jakija mienavita harady, prabačcie. U nas jość płan. Vielmi, vielmi kompleksny płan», — adznačyŭ Zialenski.

18 vieraśnia kamandujučy Suchaputnych vojskaŭ USU hienierał-pałkoŭnik Alaksandr Syrski zajaŭlaŭ, što ŭ bajach na bachmuckim kirunku byli raźbityja i stracili bajazdolnaść adny z samych padrychtavanych častak RF: 72 asobnaja motastrałkovaja bryhada, 31 i 83 asobnyja bryhady desanta. Niahledziačy na ​​heta, vorah nie pakidaje sprob viarnuć stračanyja pazicyi.

20 vieraśnia brytanskaja raźviedka paviedamlała, što Rasija jašče kantraluje čyhunku pablizu Klaščejeŭki, adnak jaje abarona ŭ Bachmucie, vierahodna, asłablena, tady jak Siły abarony Ukrainy nabližajucca da darohi, pa jakoj viadziecca zabieśpiačeńnie Bachmuta z poŭdnia.

21 vieraśnia načalnik pres-słužby Uschodniaj hrupoŭki vojskaŭ Illa Jeŭłaš u efiry telemarafonu paviedamiŭ, što trasa Bachmut — Horłaŭka ŭžo znachodzicca pad ahniavym kantrolem Sił abarony Ukrainy, tamu zabieśpiačeńnie rasijskich padraździaleńniaŭ na hetym napramku značna ŭskładniłasia.

Siońnia Wall Street Journal napisała, što USU prarvali hałoŭnuju liniju rasijskaj abarony pad Rabocinam.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Vładisłav/adkazać/
22.09.2023
Anatol Starkou, to piźnišie, u vipadku jakŝo Rosija nie uhomoniťsia.
Spočatku trieba źvilniti vsi ukrajinśki tieritoriji. 
1
hierdzień /adkazać/
22.09.2023
zyčym pośpiechu dla ZSU
1
Anatol Starkou/adkazać/
22.09.2023
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera