Znajści
Ałharytmičny łacinski varyjant
20.09.2023 / 10:3610RusŁacBieł

U Homielskaj vobłaści prachodziać biesprecedentnyja čystki ŭ ahrarnym siektary

Za apošni čas u Homielskaj vobłaści zatrymany dziasiatki kiraŭnikoŭ sielhaspradpryjemstvaŭ, a taksama čynoŭniki rajvykankamaŭ, jakija kuryrujuć sielskuju haspadarku. Tolki za apošni tydzień siłaviki raskryli padrabiaznaści dźviuch novych kryminalnych spraŭ. «Fłahštok» raskazvaje, što viadoma pra kryminalnyja pracesy nad ahraryjami.

Ilustracyjny zdymak. Fota: «Homielŝina oficialno» / Telegram

Dobrušski rajon

U Dobrušskim rajonie fihurantami kryminalnaj spravy stali supracoŭniki amal usich sielskahaspadarčych arhanizacyj rajona. U jakaści padazravanych i abvinavačvanych vystupiła bolš za 40 čałaviek, mnohija ź jakich byli kiraŭnikami sielhasarhanizacyj. Pa viersii śledstva, ahraryi zajmalisia prypiskami z metaj prademanstravać vysokija pakazčyki vytvorčaści i realizacyi małaka. U vyniku realnyja abjomy vytvorčaści małaka ŭ Dobrušskim rajonie byli zavyšanyja na 5 tysiač ton.

Były pieršy namieśnik staršyni Dobrušskaha rajvykankama Jaŭhien Ihnacienka

Hałoŭnym vinavatym u złačynnaj schiemie nazvany pieršy namieśnik staršyni — načalnik upraŭleńnia sielskaj haspadarki i charčavańnia Dobrušskaha rajvykankama Jaŭhien Ihnacienka. Čynoŭnika rajvykankama razam z dyrektarami sielhaspradpryjemstvaŭ taksama abvinavačvajuć u kradziažach paliva i budaŭničych materyjałaŭ, učynienych z vykarystańniem słužbovych paŭnamoctvaŭ. Ahulny pamier naniesienaj škody skłaŭ bolš za 133 tys. BYN. Abvinavačvanym pahražaje da 10 hadoŭ pazbaŭleńnia voli.

Rečycki rajon

Były namieśnik staršyni Rečyckaha rajvykankama Vital Pomaz

Namieśnik staršyni Rečyckaha rajvykankama Vital Pomaz, jaki kuryravaŭ sielskuju haspadarku, taksama adpraŭleny za kraty. Były kiraŭnik abvinavačvajecca pa artykule 425 č. 3 KK Biełarusi «Pieravyšeńnie słužbovych paŭnamoctvaŭ». Maksimalnaje pakarańnie pa hetym artykule — 10 hadoŭ pazbaŭleńnia voli.

Razam z čynoŭnikam pa spravie prachodzić niekalki kiraŭnikoŭ i buchhałtaraŭ sielhaspradpryjemstvaŭ. 

Pa viersii śledstva, Vital Pomaz u pieryjad ź listapada 2021 hoda pa studzień 2023 hoda davaŭ ukazańni kiraŭnikam sielskahaspadarčych pradpryjemstvaŭ skažać statystyčnuju spravazdačnaść z metaj utojvańnia padziažu bujnoj rahataj žyvioły. U hety ž čas čynoŭnik uznačalvaŭ kamisiju pa supraćdziejańni karupcyi ŭ sielskaj haspadarcy Rečyckaha rajona. 

Inšyja pracesy nad ahraryjami

Šmatepizodnyja kryminalnyja spravy ŭ dačynieńni da ahraryjaŭ Homielskaj vobłaści ŭ apošni čas stali raspaŭsiudžanaj źjavaj. 

Letam 2022 hoda na łavie padsudnych apynułasia adrazu čatyry dyrektary sielhaspradpryjemstva Karmianskaha rajona. Ich taksama abvinavacili ŭ słužbovaj padrobcy i pieravyšeńni słužbovych paŭnamoctvaŭ.

Viasnoj 2023 hoda ŭ Homieli sudzili pieršaha namieśnika staršyni Vietkaŭskaha rajvykankama Siarhieja Zabłockaha. Byłoha čynoŭnika abvinavacili ŭ łabiravańni prodažu nieprydatnaha dla ŭžyvańnia karmavoha dadatku «Zieoł 3» siarod haspadarak Vietkaŭskaha rajona. Za ŭdzieł u złačynnaj schiemie pa zakupcy preparatu sudzili jašče niekalki čałaviek, u tym liku dyrektara AAT «Miłkavita» Vitala Nikulina.

Sudy nad kiraŭnikami sielhaspradpryjemstvaŭ pravodzilisia taksama ŭ Homielskim i Mazyrskim rajonach. Ich admietnaj rysaj staŭ pakazalny charaktar. Sudovyja pasiadžeńni pravodzilisia niepasredna ŭ rajvykankamach z prysutnaściu kiraŭnikoŭ inšych sielskahaspadarčych arhanizacyj rajona.

Čystki ŭ ahrarnym siektary supali pa časie z pryznačeńniem na pasadu staršyni kamiteta sielskaj haspadarki i charčavańnia Homielskaha abłvykankama Dźmitryja Pietražyckaha. Uvosień 2017 hoda jon byŭ sa skandałam zvolnieny z hetaj pasady z patrabavańniem Łukašenki zavieści kryminalnuju spravu. Kryminalnaj spravy ŭ dačynieńni da Pietražyckaha nie było, zatoje jany masavaj pačalisia ŭ dačynieńni da inšych kiraŭnikoŭ paśla jaho viartańnia na pasadu. Viasnoj 2023 hoda Dźmitryj Pietražycki byŭ pryznačany pieršym namieśnikam staršyni Homielskaha abłvykankama.

Čytajcie taksama:

U tyktok vykłali šakujučaje videa ź cialatami pa šyju ŭ hnai. Čynoŭniki tłumačać, što zdaryłasia

«Ën z mazhami, jamu nie varta było iści ŭ načalniki». Historyja kiraŭnika Chocimščyny, jakoha pasadzili za adkaty

Prapahandysty prydumali, jak padniać siało — zabaranić hurt «Drazdy» i nijakich kłubaŭ, bo pracavać treba

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka/adkazać/
20.09.2023
Jurija Karajeva nado pierieviesti na usilenije homielskim hubiernatorom, tiem boleje čto on tam komandovał brihadoj VV.
0
Čas začyniać jabaciek/adkazać/
20.09.2023
U Beresemie i Biełaj Rusi prypisak nie mienš, treba navieści tam žystačajšy ordnunh.
3
Rečaisnaść /adkazać/
21.09.2023
Pokazatielno i poniatno, u sensie navučylisia? Heta sistema jakaja ciahniecca z časoŭ rasiejskaj ymperyi, jazyku ty karystaješ
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031