Znajści
Ałharytmičny łacinski varyjant
19.09.2023 / 16:4813RusŁacBieł

U vioscy pad Hrodnam znajšli zialonaje kaciania. I heta jaho naturalny koler

Dyrektar hrodzienskaj kampanii «InKamServis» Siarhiej niadaŭna staŭ haspadarom niezvyčajnaha kacianiaci. Jano maje zialonuju poŭść, i vieterynary paćvierdzili, što heta jaho naturalny koler, paviedamlaje Newgrodno.by.

«U čym pryčyna takoj afarboŭki, nie rastłumačyli. Sa słoŭ vieterynaraŭ, kot całkam zdarovy i nijakich adchileńniaŭ niama», — raskazvaje Siarhiej.

Maci ekzatyčnaha kacianiaci — prostaja dvarovaja kotka rudoha koleru, jakaja žyvie ŭ vioscy pad Hrodnam. A kacianiaty ŭ jaje atrymalisia roznyja: adzin bieły, druhi čorny, a treci… zialony. 

U siamji Siarhieja ŭžo šmat hadoŭ žyvie sabaka — vielš-korhi Tedzi, i mužčyna ŭpeŭnieny, što žyvioły pasiabrujuć.

Akramia niezvyčajnaha koleru, zialonaje kaciania ničym bolš nie adroźnivajecca ad inšych. Lubić pajeści (apietyt u małoha vielmi dobry), lubić hulać i abśledavać usie zakutki pakoja.

«A jašče jon vielmi łaskavy i piaščotny. Lubić, kali jaho hładziać, u adkaz pačynaje vielmi hučna vurkatać. Ja časam ździŭlajusia, jak taki mały moža vydavać takija huki», — dzielicca emocyjami Siarhiej.

Adno što tolki pakul małomu nie dali imia. «My ličym, što ŭ takoha ŭnikalnaha kata pavinna być jarkaje imia. Sami pakul jaho nie prydumali. Spadziajemsia, nam dapamohuć u hetym», — kaža Siarhiej.

Čytajcie taksama:

Sara Džesika Parkier zabrała sa zdymačnaj placoŭki miłaje kaciania

Hrodzienskaje kotakafe pierajazdžaje. A vy ci viedali pra jaho isnavańnie i ci bačyli jaho miłych nasielnikaŭ?

Što rabić, kali kot nie prymaje vašaha novaha partniora?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Miaŭ/adkazać/
20.09.2023
Maksim Dizajnier, to ž kanapa nie dyrektara, a jahonaha sabaki
0
umka/adkazać/
21.09.2023
Divan u diriechtura - tichij užas. dziakuj, Dizajnier) a to ja stieśniałoś skazať)
0
Paula/adkazać/
23.09.2023
Vy zialony koler uvihule bačyli???
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera