Znajści
Ałharytmičny łacinski varyjant
19.09.2023 / 15:1011RusŁacBieł

Rolu Sabčak na budučych vybarach u Rasii varožać Vieniadziktavu

Pa adnym sa scenaryjaŭ prezidenckich vybaraŭ u Rasii płanujecca ŭdzieł psieŭdakandydata ad libieralnych siłaŭ. Takim moža stać były hałoŭny redaktar «Recha Maskvy».

Alaksiej Vieniadziktaŭ (źleva) i Uładzimir Pucin. Fota: Wikimedia Commons

Jak paviedamlaje rasijskaje vydańnie «Viedamaści», spasyłajučysia na słovy čatyroch blizkich da Administracyi prezidenta Rasii krynic, na majučych adbycca vybarach prezidenta chočuć bačyć «kandydata ad libierałaŭ».

U jakaści prykładu prydatnaha kandydata — statusnaha libierała — hetyja surazmoŭcy nazvali žurnalista, byłoha hałoŭnaha redaktara «Recha Maskvy» Alaksieja Vieniadziktava, pryznanaha «inšaahientam». Dla taho, kab paźbiehnuć pracedury zboru podpisaŭ, «libierał» moža iści ad palityčnaj partyi. Pakul, praŭda, nie vyrašana, ad jakoj kankretna.

Jak adznačyŭ adzin z surazmoŭcaŭ «Viedamaściaŭ», udzieł takoha kandydata — nialohki krok z boku ŭładaŭ, bo padčas vybarčaj kampanii jon pavinien budzie krytykavać ułady. U toj ža čas libieralny kandydat prademanstruje, što hetaja častka palityčnaha śpiektru na vybarach taksama pradstaŭlena.

Jašče adzin surazmoŭca padzialiŭsia svaim mierkavańniem ab tym, što źjaŭleńnie takoj fihury ŭ cełym pravilnaje dla kampanii: «Čym bolš vybary abmiarkoŭvajucca, tym vyšejšaja jaŭka». A niaznačnaja kolkaść hałasoŭ, padadzienych za kandydaturu ad libierałaŭ, tolki padkreślić padtrymku palityki dziejnaha prezidenta.

Jość jašče adzin važny momant vyłučeńnia Vieniadziktava. Jak viadoma, jon maje statut «inšaahienta». Nichto nie pahodzicca finansavać jahonuju kampaniju. Tamu, jak skazaŭ surazmoŭca vydańnia, hety status moža być z žurnalista źniaty.

«Viedamaści» adznačajuć, što na ich pytańnie ab udziele ŭ budučych vybarach Vieniadziktaŭ adznačyŭ, što da jaho nichto nie źviartaŭsia z hetaj nahody.

«Heta pa-za maimi intaresami. Palityka — sprava kalektyŭnaja, i heta nie pa mnie. U mianie nie było i niama žadańnia ŭdzielničać [u kampanii]. Nichto z tych, chto mianie viedaje, mnie takoha nie prapanuje, a tyja, chto mianie nie viedaje i prapanuje, atrymajuć maju admovu», — cytuje vydańnie słovy byłoha hałoŭnaha redaktara «Recha Maskvy».

Adna z krynic vydańnia źviartaje ŭvahu, što razmova išła ab statusnym kandydacie «typu Vieniadziktava», tamu napeŭna jość i inšyja patencyjnyja kandydatury.

U toj ža čas, pakul asnoŭny scenaryj vybarčaj kampanii, jakaja startuje ŭ śniežni, vyhladaje chutčej inercyjnym. Surazmoŭcy vydańnia siarod mahčymych kandydatur nazyvajuć Hienadzia Ziuhanava (KPRF), Leanida Słuckaha (ŁDPR) i Alaksieja Niačajeva («Novyja ludzi»).

U prezidenckich vybarach u 2018 hodzie psieŭdakandydatam ad «libierałaŭ» išła Ksienija Sabčak, jakaja ŭ vyniku «nabrała» 1,68% hałasoŭ.

Realna apazicyjny lidar, antykarupcyjny błohier Alaksiej Navalny, adbyvaje 19-hadovy termin turemnaha źniavoleńnia. Raniej jon ledź vyžyŭ paśla atručeńnia.

U toj ža čas psieŭdaapazicyjnyja, padkantrolnyja Kramlu partyi, takija, jak Kamunistyčnaja, Libieralna-demakratyčnaja, «Spraviadlivaja Rasija» i «Novyja ludzi», zasiadajuć u Dumie i ŭdzielničajuć u vybarach u jakaści sparynh-partnioraŭ kandydataŭ ad «Adzinaj Rasii».

Čytajcie jašče:

Redaktar «Echo Moskvy»: Rasijskija kiraŭniki staviacca da Biełarusi jak da Kryma. Kali ŭpadzie ŭ ruki — tady i voźmiem

Brend «Echo Moskvy» moža pierajści dziaržavie. Zajaŭku na tavarny znak padała «Rośsija siehodnia»

Rasijskija apazicyjaniery prasili ES źniać sankcyi z ułaśnikaŭ «Alfa-hrup». Dakumienty źliŭ Vieniadziktaŭ

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Błr/adkazać/
19.09.2023
Mafkees , a navalniaty navat ciapier składajuć śpisy “pravilnych” kandydataŭ za jakich treba schadzić i prahałasavać
1
Mafkees /adkazać/
19.09.2023
Vierojatnyj, Mnie po barabanu koho piarit kac i sobčak. Ja etich 2ich tožie tierpieť nie mohu.
0
Woodoo Cult /adkazać/
20.09.2023
Libierał....))) moskovskij ziśsier.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera