Znajści
Ałharytmičny łacinski varyjant
19.09.2023 / 10:019RusŁacBieł

Biełaruś z hrupaj dyktatarskich režymaŭ sprabavała praz AAN asudzić sankcyi suprać siabie. Ale navat Kitaj nie padtrymaŭ

U rasparadžeńni vydańnia National Review źjaviłasia kopija aficyjnaha lista, u jakim 11 dyktatur, u tym liku Biełaruś, na dniach vykazvali AAN kalektyŭnaje niezadavalnieńnie z-za adsutnaści ŭ aficyjnych dakumientach krytyki ekanamičnych sankcyj. Dla ŭpłyvu na AAN dyktatury taksama mahli vykarystać adnu łukašenkaŭskuju prychilnicu. 

Fota: «Naša Niva»

17 vieraśnia režym Łukašenki sumiesna z takimi dyktatarskimi krainami, jak Erytreja, Zimbabve, KNDR, Nikarahua, Balivija, Kuba, Rasija, Vieniesueła, Siryja i Iran napisali kalektyŭny list na imia kiraŭnictva AAN z prośbaj unieści ich pazicyju z krytykaj ekanamičnych sankcyj (mienavita ŭviedzienych suprać ich) u vynikovyja aficyjnyja dakumienty arhanizacyi.

Jak piša vydańnie National Review, u vypadku pośpiechu heta mahło b być «kalektyŭnaj prapahandysckaj pieramohaj dyktatur i značnym udaram pa palitycy abarony pravoŭ čałavieka ŭ śviecie». Adnak hetaha nie adbyłosia.

Prapanovy dyktatarskich režymaŭ tak i nie byli ŭklučany ŭ finalny dakumient «pra Mety ŭstojlivaha raźvićcia AAN da 2030 hoda», jaki byŭ pryniaty padčas 78-j siesii Hienieralnaj Asamblei AAN, što adbyvajecca ciapier u ZŠA.

«Hrupa z 11 dyktatarskich režymaŭ, u tym liku Biełaruś, paskardziłasia čynoŭnikam AAN na adsutnaść aficyjnaj krytyki ŭviedzienych suprać ich sankcyj u dakumientach arhanizacyi, bo heta niasie «ekzistencyjnuju pahrozu» ich vyžyvańniu. 

Režymy pieršapačatkova zajavili, što ich prapanovy padtrymajuć Kitaj i inšyja krainy, jakija spačuvajuć im u AAN. Adnak hetaha ŭ vyniku nie adbyłosia», — adznačaje National Review.

Vydańnie taksama zvažaje na toje, što ŭ kalektyŭnym liście dyktatury pry apisańni niehatyŭnaha ŭpłyvu sankcyj na ich krainy spasyłalisia na «krynicy ŭnutry AAN».

National Review miarkuje, što pad hetaj farmuloŭkaj moža chavacca Alena Doŭhań — hramadzianka Biełarusi, jakaja maje značny pasłužny śpis u biełaruskich adukacyjnych ustanovach i z 2020 hoda zajmaje pasadu śpiecdakładčycy AAN pa pytańniach niehatyŭnaha ŭpłyvu sankcyj na ažyćciaŭleńnie pravoŭ čałavieka. 

«Na hetaj pasadzie Doŭhań rehularna sprabuje adharadzić dyktatarskija režymy ad mižnarodnaha cisku», — piša vydańnie.

Alena Doŭhań, hramadzianka Biełarusi na pasadzie śpiecdakładčycy AAN pa pytańniach niehatyŭnaha ŭpłyvu sankcyj na ažyćciaŭleńnie pravoŭ čałavieka, pravodzić pres-kanfierencyju ŭ Iranie z asudžeńniem sankcyj suprać hetaj tatalitarnaj krainy, 2022 hod. Fota: AP

Z samim kalektyŭnym listom možna aznajomicca tut. Pad im padpisalisia łukašenkaŭski dypłamat Valancin Rybakoŭ i pradstaŭniki astatnich 10 dyktatarskich režymaŭ. Jany adznačyli, što praciahnuć sproby ŭpłyvać na vynikovyja dakumienty AAN u budučyni.

Čytajcie taksama:

Za kulisami Hienasamblei AAN: voś jak Łukašenka prajhraŭ Słavienii 38:153

Viačorka patłumačyŭ, u čym važnaść vizitu Cichanoŭskaj u Jeŭraparłamient i na Hienasambleju AAN

Jeŭraparłamient zaklikaŭ Mižnarodny kryminalny sud vydać ordar na aryšt Łukašenki

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
8
Ха-ха
40
Ого
2
Сумна
2
Абуральна
10
0
Josik/adkazać/
19.09.2023
Mnie cikava, kali b daŭhań, azaronak, ščotkinu, karpiankova dy inšych adpravić na 15 sodniaŭ na akreścina bieź bializny, lekaŭ dy inšaha, jak robiać ź siadzielcami pa palityčnym pieraśledzie, što b vy, ku.vy zapieli?
0
Andruś/adkazać/
19.09.2023
Doŭhań - anijakaja nie prychilnica, a z usich bakoŭ afilavanaja słužka režymu.
0
Nie zrazumieła./adkazać/
19.09.2023
Padšije
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930