Znajści
Ałharytmičny łacinski varyjant
19.09.2023 / 10:3126RusŁacBieł

Biełaruskich top-madelaŭ vyvieźli na bajavyja treniroŭki. Adzin ź instruktaraŭ byŭ z našyŭkaj vahnieraŭcaŭ

Telehram-kanał unutrannych vojskaŭ MUS apublikavaŭ foty, na jakich dziaŭčat z Nacyjanalnaj škoły pryhažości navučajuć užyvać zbroju. Na adnym ź instruktaraŭ — našyŭka PVK «Vahnier».

Vahnieraviec treniruje biełarusku z Nacyjanalnaj škoły pryhažości. Fota: telehram-kanał unutranych vojskaŭ MUS

Kiraŭnictva Nacyjanalnaj škoły pryhažości sumiesna z MUS i łukašenkaŭskim ideołaham Vadzimam Hihinym pryvieźli biełaruskich madelek na bajavyja treniroŭki pa ŭžyvańni ahniastrelnaj zbroi. Adpaviedny fotarepartaž źjaviŭsia 18 vieraśnia ŭ aficyjnym telehram-kanale ŭnutranych vojskaŭ Biełarusi.

Zhodna sa spravazdačaj, madeli znajomilisia z roznymi vidami zbroi i vučylisia akazvać pieršuju dapamohu.

«Pradstaŭnicy Nacyjanalnaj škoły pryhažości na čale ź jaje kiraŭnicaj Baženaj Jaremič i hienieralnym dyrektaram Nacyjanalnaj biblijateki Vadzimam Hihinym asvojvali ahniavuju padrychtoŭku i taktyčnuju miedycynu», — pišuć u kanale.

Vučylisia jany ŭ «prafiesijna padrychtavanych vajskoŭcaŭ śpiecpadraździaleńniaŭ unutranych vojskaŭ, jakija štodnia adtočvajuć svajo majsterstva pad kiraŭnictvam daśviedčanych instruktaraŭ z realnym bajavym dośviedam».

Pry hetym na adnym z vajskoŭcaŭ zboku na hrudziach vidać emblema najmitaŭ rasijskaj pryvatnaj vajskovaj kampanii «Vahnier», častka bajcoŭ jakoj znachodzicca ŭ Biełarusi i jakraz zajmajecca škaleńniem biełaruskich bajcoŭ.

Cikava, što hety ž vajskoviec na druhim fota ŭžo nie maje na hrudziach emblemy «Vahniera». Svoj tvar jon chavaje pad maskaj.

Emblema PVK «Vahnier» na hrudziach «prafiesijnaha vajskoŭca z unutranych vojskaŭ». Fota: telehram unutranych vojskaŭ MUS i Wikimedia Commons

Na druhim fota emblemy «Vahniera» na rasijskim najmicie ŭžo niama. Fota: telehram unutranych vojskaŭ MUS

Ci heta vahnieraviec, ci biełaruski vajskoviec, jaki vyrašyŭ načapić našyŭku rasijskaj PVK, nieviadoma.

Ale adzin ź biełaruskich prapahandysckich kanałaŭ śćviardžaje, što siarod instruktaraŭ vahnieraŭcy byli.

Nahadajem, što najmity PVK «Vahnier» prybyli ŭ Biełaruś jašče letam paśla sproby vajskovaha miaciažu vahnieraŭcaŭ. Kiraŭnik kampanii Jaŭhien Pryhožyn niadaŭna zahinuŭ u padazronaj avijakatastrofie.

Z taho momantu peŭnaja častka najmitaŭ usio jašče zastajecca ŭ Biełarusi i treniruje biełaruskich sałdat. Adnak kolkaść vahnieraŭcaŭ u krainie źnižajecca i ich asnoŭny łahier pad Asipovičami častkova demantavany.

Adbor top-madelaŭ u Biełarusi — pradmiet uvahi asabista Alaksandra Łukašenki, jaki niaźmienna prysutničaje na konkursie «Mis Biełaruś». Mnohija z udzielnic i pieramožcaŭ konkursu apynajucca ŭ śvicie kiraŭnika krainy. 

«Naša Niva» — bastyjon biełaruščyny

PADTRYMAĆ

Čytajcie taksama:

Paśla śmierci Pryhožyna Zinhman sprabuje pierachapić achoŭnyja kantrakty «Vahniera» — krynicy

Na konkursie «Mis Biełaruś» hledačoŭ paradavali tancam z kuvałdami VIDEA

Raniej «na ich dračyli», a «ciapier našy SSA abkłali hety łahier z usich bakoŭ». Biełaruskija aficery raskazali pra apošnija naviny vakoł «Vahniera»

Mark Rychter

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
e nie/adkazać/
19.09.2023
Jaśnieńka , e-nie - hena daŭno ŭžo projdzieny etap... pramiažutačny
snačała on malčikom siebia okružił... potom dievočkami... potom umkoj...
vsie, kak podskazyvał jemu anhielski łord...
kotoryj užie umier

1
Supovoj pakietik/adkazać/
19.09.2023
Da, no kak žie... kak žie Bibliotieka?!
1
Vierojatnyj/adkazać/
19.09.2023
Toje jačše 15-hadovaj daŭniny rasiejskaja prydumka "hłamur suprać revalucyjanieraŭ". Spracavała na rasiejcach, spracuje j na tutejšych, bo tyja ničym užo ad ruśni nie adroźnivajucca. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
1234
567891011
12131415161718
19202122232425
26272829