Znajści
Ałharytmičny łacinski varyjant
18.09.2023 / 13:3930RusŁacBieł

U centry Minska pabudavanaja rezidencyja staršyni Usiebiełaruskaha narodnaha schodu? Tam jon zmoža nie tolki pracavać i žyć, ale i lačycca

U novym rasśledavańni na padstavie atrymanych dakumientaŭ aficery «Biełpoła» raskazvajuć pra pabudovu, jakaja raźmiaściłasia ŭ samym centry Minska — u skviery kala Śvisłačy nad vulicaj Pieršamajskaj. Pavodle infarmacyi «Našaj Nivy», hety budynak stanie rezidencyjaj staršyni Usiebiełaruskaha narodnaha schodu. Heta raskošny pałac: joršyk u tualecie tam kaštuje 600 rubloŭ, śniehahienieratar u SPA-zonie za 118 tysiač, a «štučnaje sonca» budzie kampiensavać niedachop soniečnaha śviatła. «Naša Niva» maje i foty budynka.

Schiema hienieralnaha płana novaj rezidencyi. Skrynšot videa osbbelpol / YouTube

Supracoŭniki «Biełpoła» atrymali sotni dakumientaŭ, jakija datyčać novaj budoŭli. Siarod ich — detalovyja płany, dyzajn-kancepcyi, kantrakty, damovy ab pastaŭkach, kaštarysy na zakupy. Krynicaj finansavańnia źjaŭlajecca dziaržaŭny biudžet.

Biełpołaŭcy śćviardžajuć, što ŭpeŭnilisia ŭ tym, što dakumienty zjaŭlajucca sapraŭdnymi. U pracesie padrychtoŭki rasśledavańnia z dapamohaj vałancioraŭ byŭ raspracavany 3D-tur pa niekatorych pamiaškańniach.

Novy abjekt znachodzicca ŭ tak zvanym «uradavym kvartale» pa vulicy Čyrvonaarmiejskaja, 15. Raniej u hetym budynku raźmiaščałasia adździaleńnie aftalmałohii Respublikanskaha kliničnaha miedycynskaha centra — heta značyć, prezidenckaj balnicy. 

Na fota ŭnizie vy bačycie, jak vyhladała rezidencyja na etapie rekanstrukcyi hod tamu. Ciapier jana hatovaja da zdačy.

Tak vyhladała rezidencyja na etapie rekanstrukcyi hod tamu. Ciapier jana hatovaja da zdačy. Fota: Naša Niva

Adpaviedna schiemie hienieralnaha płanu rekanstrukcyi na terytoryi budzie znachodzicca asnoŭny budynak, kantrolna-prapuskny punkt, parkoŭka, dyziel-hienieratarnaja ŭstanoŭka, fantan, niejkaja dekaratyŭnaja kampazicyja. Na terytoryi jość park, u jakim płanujecca raźmiaścić altanku-ratondu koštam amal 151 tysiača rubloŭ.

U materyjale pradstaŭleny padrabiaznyja płany ŭsich čatyroch pavierchaŭ budynku. My spynimsia tolki na najbolš admietnych detalach.

Pieršy pavierch

Na pieršym paviersie raźmieścicca punkt propusku sa skanieram koštam 28 tysiač rubloŭ i čatyrma mietaładetektarami, ź jakich dva rasijskija i dva amierykanskija ahulnym koštam 67 tysiač 530 rubloŭ.

Admietnaściu hetaha paviercha zjaŭlajecca VIP-spa. Akramia basiejna, tam budzie raźmiaščacca «darožka Knejpa», jakaja praduhledžvaje čatyry vannački dla noh z kantrasnymi tempieraturami i masažam stupniaŭ. Ahulny jaje košt — zvyš 115 tysiač rubloŭ.

Častka SPA-zony novaj rezidencyi. Skrynšot videa osbbelpol / YouTube

U SPA-zonie taksama raźmieścicca kryasauna koštam 100 tysiač dalaraŭ ZŠA pa kursie na momant padpisańnia damovy. Pobač ź joju raźmieścicca «soniečny pakoj» koštam zvyš 62 tysiač rubloŭ. Jon abstalavany ŭnikalnymi pryborami «štučnaje sonca», jakija sinchranizujuć bijarytmy čałavieka i kampiensujuć niedachop soniečnaj enierhii.

Jak adznačaje vytvorca, hetaja kanstrukcyja adnaŭlaje harmanalny cykł, stabilizuje abmien rečyvaŭ, umacoŭvaje imunnuju i niervovuju sistemy, što sadziejničaje aktyŭnamu daŭhalećciu.

Druhoj admietnaściu SPA-zony zjaŭlajecca duš uražańniaŭ. Jon składajecca ź dźviuch častak — «tropiki» i «sibirskaja noč» — ahulnym koštam zvyš 93 tysiač rubloŭ.

Płan SPA-zony novaj rezidencyi. Skrynšot videa osbbelpol / YouTube

Admietnaściu SPA zjaŭlajecca VIP-zona. U joj raźmieściacca šykoŭnaja hidramasažnaja vannaja koštam zvyš 55 tysiač rubloŭ, piać ležakoŭ koštam 11 210 rubloŭ kožny. A ŭ centry hetaj zony — śniehahienieratar dla vytvorčaści śniehu ŭ režymie kruhłahadovaj ekspłuatacyi. Jon kaštuje zvyš 118 tysiač rubloŭ.

Tam ža raźmieščany VIP-sauna (finskaja) koštam 110 tysiač rubloŭ i VIP-parnaja (chamam) koštam zvyš 184 tysiač rubloŭ.

Tak vyhladała rezidencyja na etapie rekanstrukcyi hod tamu. Z žoŭtaha budynak zrabili błakitnym. Fota: Naša Niva

Druhi i treci pavierchi

Druhi pavierch adviedzieny pad pracoŭnyja pamiaškańni. Tam raźmiaščajucca kabiniety, zały dla pieramovaŭ, pres-centr i kanfierenc-zała na 42 miescy.

Tak vyhladała rezidencyja na etapie rekanstrukcyi hod tamu. Ciapier jana hatovaja da zdačy. Fota: Naša Niva

Na trecim paviersie siarod roznych pamiaškańniaŭ raźmieščana abiedziennaja zała na 38 čałaviek. Asablivaściu hetaha pamiaškańnia zjaŭlajecca vitraž na stoli, jaki vykanany ŭ styli biełaruskaha arnamientu koštam zvyš 72 tysiač rubloŭ.

3D-vizualizacyja zały dla praviadzieńnia naradaŭ novaj rezidencyi. Skrynšot videa osbbelpol / YouTube

Na tym ža paviersie znachodzicca zała dla naradaŭ na 21 miesca. Ź ich 20 kresłaŭ koštam 907 rubloŭ kožnaje i adno kresła koštam 3558 rubloŭ. Stoł dla praviadzieńnia naradaŭ abyšoŭsia ŭ sumu zvyš 71 tysiačy rubloŭ. Kamplekt štoraŭ u hetaje pamiaškańnie kaštuje amal 30 tysiač rubloŭ. Stol pamiaškańnia ŭpryhožvaje vitraž z vasilkami (pryvitańnie Bondaravaj!) koštam amal 225 tysiač rubloŭ.

3D-vizualizacyja vitražu na stoli ŭ zale dla praviadzieńnia naradaŭ. Skrynšot videa osbbelpol / YouTube

Siarod inšych pamiaškańniaŭ vydzialajucca biblijateka, dla jakoj było zakuplena 2 tysiačy knih na sumu zvyš 68 tysiač rubloŭ, i pracoŭny kabiniet kiraŭnika ź vitražom na stoli koštam zvyš 78 tysiač rubloŭ. Kresła ŭ kabiniet abyšłosia dziaržaŭnamu biudžetu ŭ 5 156 rubloŭ, stoł — u 8 134 rubli i piśmovy nabor z małachitu koštam 5940 rubloŭ.

Na tym ža paviersie znachodzicca spalnia kiraŭnika i sanvuzieł. Košt adnaho joršyka składaje amal 600 rubloŭ, trymalnika dla tualetnaj papiery — 295 rubloŭ.

3D-vizualizacyja častki sanvuzła novaj rezidencyi. Skrynšot videa osbbelpol / YouTube

Tumba pad umyvalnik abyšłasia dziaržbiudžetu ŭ sumu amal 6600 rubloŭ. Na joj — mylnica koštam 1656 rubloŭ. Dva trymalnika dla ručnika kaštavali 3312 rubloŭ.

3D-vizualizacyja umyvalnika. Skrynšot videa osbbelpol / YouTube

Čaćviorty pavierch

U hetaj rezidencyi kiraŭnik zmoža nie tolki pracavać i žyć, ale i lačycca.

Čaćviorty pavierch adviedzieny pad kabiniety dla piersanału: načalnika asabistaj achovy, asabistaha doktara, pracedurny. Apošni abstalavany aparaturaj fizijaterapieŭtyčnaj nakiravanaści: bijaptron, aparat mahnitaterapii, aparat dla elektraterapii, dla UVČ-terapii, ultrafijaletavy apramieńvalnik i inšyja.

Jak śćviardžajecca ŭ rasśledavańni, finalny košt rekanstrukcyi i abstalavańnia abjekta składaje 43 miljona 645 tysiač 943 rubli, što pa kursie na 1 žniŭnia 2023 hoda składała 14 miljonaŭ 400 tysiač dalaraŭ ZŠA.

«Biełpoł» miarkuje, što havorka pra novuju rezidencyju Alaksandra Łukašenki.

Pa infarmacyi «Našaj Nivy», heta ŭ zadumie rezidencyja staršyni Usiebiełaruskaha narodnaha schodu. Takuju novuju pasadu Alaksandr Łukašenka prapisaŭ u Kanstytucyi ŭ 2022 hodzie. Uładalnik hetaj pasady maje paŭnamoctvy kantralavać prezidenta krainy, što dało padstavy dumać, što jana zadumanaja pad samoha Łukašenku na pieryjad kali jon pastareje i zachoča pieradać uładu padkantrolnamu sabie pierajemniku.

Čytajcie jašče:

Fond Navalnaha rassakreciŭ rezidencyju Pucina z «sałonam pryhažości»

Stała viadoma, kamu naležyć «rezidencyja prezidenta» na radzimie Łukašenki ŭ Aleksandryi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
9
Панылы сорам
14
Ха-ха
9
Ого
6
Сумна
4
Абуральна
85
0
jaki ž heta savok/adkazać/
19.09.2023
heta kapitalizm ź niečałaviečym tvaram. voś heta što
0
ich nie pierarobiš/adkazać/
20.09.2023
babrujčanin, ale my z mužam)
byli naviedvali tamaka jahonuju babušku..
z bryhady mašerava..
ja dumało - nuŭ.. moža choć jany narmalnyja.. praz 3 pakaleńni
pa chodu, što nie 
0
Prosta žychar/adkazać/
27.09.2023
Dziela spraviadlivaści, na vitražy jak byccam by lon, a nie vasilki.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930