Znajści
Ałharytmičny łacinski varyjant
18.09.2023 / 10:193RusŁacBieł

34-hadovaja biełaruska pamierła na adpačynku ŭ Kyrhyzstanie. Jana była rekanstruktarkaj

Mnohija viedali jaje jak «Marharytu Viedźmaŭnu».

Vieranika Sidarenka. Fota: sacyjalnyja sietki

Pra śmierć Vieraniki Sidarenka stała viadoma z dopisaŭ u sacyjalnych sietkach. Pieršyja ź ich źjavilisia 14 vieraśnia. Siabry kažuć, što jana pamierła na adpačynku ŭ Kyrhyzstanie. Žančynie stała błaha, i joj nie zmahli dapamahčy.

Apošni kamientar na staroncy Vieraniki ŭ fejsbuku datujecca 6 vieraśnia. Ścisły dopis «Miesca dla hłybakadumnaha tekstu» prailustravany fotazdymkam z aeraporta.

Vieranika Sidarenka — vypusknica Viciebskaha miedycynskaha ŭniviersiteta. Jana rabiła pravizaram-analitykam u Centry ekśpiertyz i vyprabavańniaŭ dla achovy zdaroŭja. 

Sa škoły Vieranika cikaviłasia historyjaj, a pa znajomstvie z admysłoŭcami histaryčnaj rekanstrukcyi i etnahrafii jaje pahłynuŭ śviet dachryścijanskaj kultury.

Spačatku jazyčnictva pryciahvała Vieraniku viasiołymi śviatami, tradycyjnymi tancami, pieśniami, pryhožymi kaściumami. Z časam pryjšło razumieńnie, što zachapleńnie im bolšaje, čym chobi. Hety zaniatak mianiaŭ jaje žyćcio. Dapamahaŭ duchoŭnamu i fizičnamu samaraźvićciu, umacoŭvaŭ charaktar dy pačućcio ŭłasnaj hodnaści.

«Dla mianie jazyčnictva nie relihija, chutčej heta fiłasofija, ci ład žyćcia», — kazała Vieranika ŭ adnym ź intervju.

Mnohija kalehi i adnadumcy viedali jaje jak «Marharytu Viedźmaŭnu».

«Jana była vielmi krutym rekanstruktaram. Talenavita šyła staradaŭnija stroi. Zachaplałasia trajbł-tancami. Jana kruta pracavała ź ludźmi. Usie jaje lubili i pavažali», — apavioŭ pra Vieraniku jaje kaleha.

Supracoŭničała Vieranika z hurtam siaredniaviečnaj muzyki «Lity taler». Pravodziła dla muzykantaŭ majstar-kłasy pa tancach. Była arhanizatarkaj pieršaj zamiežnaj pajezdki hurta za miažu.

Vieranika była ŭdzielnicaj minskaj studyi etničnaha tanca i muzyki «Kietry». U joj adny dziaŭčaty. U repiertuary chareahrafičnaj supołki jość tancy z ahniom.

«Viedźmaŭna, ty była častkaj zhrai, siamiejnicaj. Ty była dziŭnym, razumnym, jarkim, humarnym čałaviekam», — adreahavali na śmierć Vieraniki jaje kalehi pa etnastudyi.

U dziaŭčynie adznačali pačućcio humaru i niazłomny aptymizm.

Vieranika z adnadumcami ŭdzielničała ŭ šmat jakich etnahrafičnych festach, pravodziła lekcyi. Raskazvała i pakazvała, jak biełarusy adznačali svaje śviaty Kupalle, Kaladu. Na ich byli vohniščy, tradycyjnyja stravy, karahody, pieśni, vitańni ŭzychodu sonca. 

Pachavali Vieraniku 17 vieraśnia na mohiłkach «Papiernia», što pad Minskam.

«Naša Niva» — bastyjon biełaruščyny

PADTRYMAĆ

Hladzicie taksama:

Pad Homielem praviali viasielle pa pahanskim abradzie FOTA

Mašyna času: padarožža ŭ ziamlu kryvičoŭ

Mova naša. Kalady ci Rastvo?

Vasil Vaščyła

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Dźmitry/adkazać/
18.09.2023
U stvaich sacsietkach vielmi rezka pisała pra antyvaksieraŭ. Maŭlaŭ treba zrabić ź iz pudziła i spalić...
1
Tomek/adkazać/
18.09.2023
"Jazyčnictva" budzie "pahanstva" na biełaruskaj...
0
5*/adkazać/
18.09.2023
Dźmitry, ofihieť! "Vieronika Sidorienko — vypusknica Vitiebskoho miedicinskoho univiersitieta."
https://nashaniva.com/ru/326619"
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera