Znajści
Ałharytmičny łacinski varyjant
18.09.2023 / 08:002RusŁacBieł

«Klučy ad Bachmuta». Čamu vyzvaleńnie Klaščejeŭki i Andrejeŭki tak važnyja dla ŭkrainskich vojskaŭ

Ukraina ŭčora zajaviła ab uziaćci Klaščejeŭki. U piatnicu było abvieščana pra vyzvaleńnie Andrejeŭki — heta jašče adzin nasieleny punkt kala Bachmuta, pablizu linij zabieśpiačeńnia horada. Kantrol nad Klaščejeŭkaj i Andrejeŭkaj dazvalaje USU praciahvać apieracyju, nakiravanuju na atačeńnie Bachmuta, pakolki heta nabližaje błakavańnie łahistyčnych šlachoŭ u Bachmut z ​​paŭdniovaha kirunku. «Klaščejeŭka i Andrejeŭka — usio. Heta ściah Bachmuta, kali što», — pisaŭ rasijski telehram-kanał «Trynaccaty».

 Pieršaje fota paśla vyzvaleńnia Klaščejeŭki

Asnoŭnaje z analizu Bi-bi-si.

Čamu važnyja Klaščejeŭka i Andrejeŭka

Jašče 25 lipienia aficyjny pradstaŭnik uschodniaj hrupoŭki USU Siarhiej Čaravaty kazaŭ, što mahčymaje vyzvaleńnie Andrejeŭki palepšyć taktyčnaje stanovišča ŭkrainskich sił i dazvolić akružyć Bachmut ci vycieśnić ź jaho rasijskuju armiju.

Adnak, jak adznačaje ŭkrainski OSINT-prajekt Deep State, choć ukrainskija vajskoŭcy paśpiachova adrazajuć šlachi da Bachmuta z poŭdnia (dzie znachodzicca Andrejeŭka i Klaščejeŭka), horad pa-raniejšamu moža zabiaśpiečvacca z poŭnačy. «ŚMI raspaŭsiudžvali niekampietentnyja zahałoŭki ab «atačeńni Bachmuta». Ale hetaha niama i blizka», — pišuć aŭtary prajekta.

U lipieni hetaha hoda kamandujučy ŭschodniaj hrupoŭkaj USU Alaksandr Syrski pakazvaŭ, što stratehičnaja meta USU na hetym kirunku — akružyć Bachmut. Pavodle jaho słoŭ, heta zadača pad siłu ŭkrainskim vojskam. 

Ukraina straciła Bachmut u mai 2023 hoda, paśla paŭhoda krovapralitnych bajoŭ. 

Klaščejeŭka — nievialiki i kaliści ŭtulny pryharad Bachmuta, dzie da vajny aficyjna žyło kala paŭtysiačy čałaviek, — apynułasia ŭ epicentry bajavych dziejańniaŭ amal hod tamu. 

Rasijskija siły, pierš za ŭsio PVK «Vahnier», u listapadzie 2022 hoda pačali ŭ napramku hetaha nasielenaha punkta aktyŭnyja šturmavyja dziejańni, a ŭ studzieni 2023 hoda zmahli jaho zachapić. Rasijanie płanavali ruchacca dalej i ŭziać pad kantrol apošniuju łahistyčnuju arteryju ŭkrainskaha harnizona ŭ Bachmucie — «trasu žyćcia» na horad Kanstancinaŭka. 

Ale adbyłosia advarotnaje. Z pačatku maja ŭkrainskija vajskoŭcy pačali kontrataki na fłanhach Bachmuta i pierš za ŭsio — u napramku Klaščejeŭki. Na toj momant siało pieratvaryłasia ŭ mahutny ŭmacavalny rajon RF. 

Ale ŭ vypadku pośpiechu USU rasijski harnizon u akupavanym Bachmucie ryzykavaŭ apynucca ŭ «pastcy». Kiraŭnik PVK «Vahnier» Jaŭhien Pryhožyn tady abvinavačvaŭ rehularnyja rasijskija vojski ŭ tym, što jany biez boju zdajuć pazicyi, jakija najmity zachapili za paŭhoda da hetaha.

Rasijskija siły trymalisia za Klaščejeŭku amal čatyry miesiacy. Ukrainskija vajskoŭcy, u pieršuju čarhu bajcy 3-j šturmavoj bryhady, pastupova nabližalisia da siała z poŭdnia i poŭnačy, vyciaśniajučy supiernika ŭsio dalej na ŭschod.

U siaredzinie vieraśnia vojski RF z Klaščejeŭki adstupili.

Čym ža tak važna hetaje siało?

«Niepasredna na ŭskrainach Klaščejeŭki jość vysokija ŭzhorki, jakija dazvalajuć faktyčna kantralavać nie tolki sam Bachmut, jaki znachodzicca ŭ nizinie, ale i aŭtadarohu na Horłaŭku, jakaja prachodzić u čatyroch kiłamietrach na ŭschod. Heta važny šlach zabieśpiačeńnia rasijskaha harnizona.

Kali jaho pierarezać, zastajecca tolki daroha z Bachmuta ŭ Papasnuju, a taksama šlach u Lisičansk, jaki, praŭda, staŭ niebiaśpiečnym, pakolki USU ŭščylnuju nablizilisia i da hetaj trasy z poŭnačy.

Akramia taho, kala Klaščejeŭki prachodzić čyhunka da Horłaŭki i dalej — da Daniecku. Mienavita za hety čyhunačny nasyp zaraz adyšli rasijanie paśla straty svaich pazicyj.

Ci zmohuć jany ŭtrymać hetuju miažu? Na hety kont jość vialikija sumnievy», — piša karespandent VVS Aleh Čarnyš.

Rasijskija vajenkary i pravajennyja telehram-kanały pryznajuć, što Klaščejeŭka, za jakuju tak doŭha trymałasia vojska RF, stračana. Ale jany vykazvajuć nadzieju, što ŭkrainskim vajskoŭcam nie chopić sił, kab ruchacca dalej.

Ci sapraŭdy heta tak — pakažuć padziei najbližejšaj budučyni. Ukraincam, kab raźvić pośpiech, važna paśla ŭziaćcia nasielenaha punkta nie źmianšać temp i praciahvać ruch na ŭschod dla akružeńnia Bachmuta.

Čytajcie taksama:

USU aficyjna paćvierdzili vyzvaleńnie Klaščejeŭki

Jak vyzvalali Andrejeŭku: imhła Danbasa i surovyja bai. Unikalnyja kadry

Połk Kalinoŭskaha apublikavaŭ videa ŭvachodu svaich bajcoŭ u Klaščejeŭku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
31
Панылы сорам
0
Ха-ха
0
Ого
1
Сумна
1
Абуральна
4
3
Maksim Dizajnier/adkazać/
18.09.2023
Nikakoho značienija zachvat dvuch sieł nie imiejet.  I Bachmut tožie.
1
Čiernoziem sdiełajet iz rašistov «chorošich russkich»/adkazać/
18.09.2023
Maksim Dizajnier, tak a čieho ž tohda rašisty praktičieski 8 miesiaciev šturmovali Bachmut i pokłali tam nie odnu tysiaču. Daj uhadaju, žizń na Rasiei ničieho stoit, poetomu i šturmovali, ispołniaja tupyje priestupnyje prikazy, a baby jeŝie narožajut, vierno?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera