Znajści
Ałharytmičny łacinski varyjant
17.09.2023 / 17:423RusŁacBieł

Jak amierykancy reahujuć na biełaruski rok

Pradziusar Aleś Čachoŭski pabyvaŭ na bujnym rok-fiestyvali ŭ ZŠA, dzie spytaŭsia ŭ amierykancaŭ, što im viadoma pra Biełaruś, i zafiksavaŭ ich uražańni ad biełaruskaj rok-muzyki.

Aleś Čachoŭski raspytvaje svaich novych znajomych, dzie znachodzicca Biełaruś. Skryn videa AlesChakhouski / YouTube

Pra svaju pajezdku ŭ mai na fiestyval Rockville ŭ Fłarydzie Aleś raspavioŭ u novym videa na svaim kanale «Biełaruski vajb».

Pradziusar skarystaŭsia mahčymaściu daviedacca pra mierkavańnie zvyčajnych amierykancaŭ nakont biełaruskaj rok-muzyki.

Na pytańnie ab tym, dzie znachodzicca Biełaruś, Aleś pačuŭ ad novych znajomych viersiju, što heta niedzie ŭ Indyi. Paśla ŭdakładnieńnia, što heta va Uschodniaj Jeŭropie, adna dziaŭčyna zaŭvažyła, što mova Alesia hučyć niejak padobna da šviedskaj ci polskaj.

Paśla prasłuchoŭvańnia klipa «Niebiaśpiečna» NIZKIZ dziaŭčaty zajavili, što hurt davoli dobry i pad pieśniu z zadavalnieńniem možna patancavać.

«Muzyka mnie spadabałasia bolš, čym vakał, bo chaciełasia b bolš vakalnych pryjomčykaŭ», — prakamientavała adna ź ich.

Inšamu svajmu novamu znajomamu Aleś prapanavaŭ pasłuchać pieśniu «Baju-baj» hurta «Daj darohu!».

«Mnie padabajecca. Niahledziačy na toje, što ja nie razumieju movy, muzyka — cudoŭnaja, jana zabaŭlaje. Ja chacieŭ by razumieć movu, tamu što tam jość bolš hłyboki sens. Mnie spadabałasia videa, huk, vakał. Možna kazać, što jon vydatny śpiavak, navat kali nie razumieješ movy», —

padzialiŭsia ŭražańniami chłopiec i vykazaŭ upeŭnienaść, što hurt daloka pojdzie.

Amierykaniec Edzi słuchaje trek «Baju-baj» hurta «Daj darohu!». Skryn videa AlesChakhouski / YouTube

Hety ž klip Aleś prapanavaŭ pahladzieć kałarytnamu amierykancu ź mianuškaj Rok-Anioł. Toj zapeŭniŭ, što nikoli nie čuŭ pra Biełaruś, a pahladzieŭšy klip na pieśniu «Baju-baj», skazaŭ:

«Mnie padabajecca hetaja tema. Hetyja chłopcy biahuć ad sistemy. Tut vielmi dobry huk. Nasamreč vielmi dobry, zavadny ryf. Bolš padobny da panka. Kruta».

Rok-Anioł dzielicca svaimi ŭražańniami ad klipa «Baju-baj» hurta «Daj darohu!». Skryn videa AlesChakhouski / YouTube

A amierykanka Elena dała svoj fidbek na trek Liar hurta GODS TOWER.

Elena słuchaje trek Liar hurta GODS TOWER. Skryn videa AlesChakhouski / YouTube

«Mnie heta padabajecca. Asabliva vakał. Jon vielmi-vielmi talenavity. Salist śpiavaje vielmi raznastajna».

Čytajcie jašče:

«Biełaruski vajb» — novy prajekt Alesia Čachoŭskaha

Juryj Stylski — pra sustreču z darosłym synam, ałkahol i hrošy TOK

«Mova. Muzyka. Maładość» — vyjšaŭ dakumientalny film pra biełaruski rok

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Axel JustS/adkazać/
17.09.2023
Aj, spadarstva, nu jakaja roźnica što tam na druhim baku płaniety padabajecca-niepadabajecca. Vam samim nadta jaki-niebudź kyrhizstanski rok cikavy? Heta miascovy pradukt, na miascovuju metavuju aŭdytoryju. I ničoha ŭ henym zahannaha niama.
1
Maksim Dizajnier/adkazać/
18.09.2023
Axel JustS

Pravilno. Nie ponimaju, komu možiet voobŝie možiet padabaťsia Nizkiz
0
mikola/adkazać/
27.09.2023
Znaiskou(praduser ) u Kago zaptvac-aptvac . U Ih (amerykancau) mazgi inaks pracuiuc. Im niczoga Ne cikava....Insy *MENTALITET* !
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera