Znajści
Ałharytmičny łacinski varyjant
16.09.2023 / 13:226RusŁacBieł

«Režym jaho zabivaje». 66-hadovaha Ryhora Kastusiova znoŭ źmiaścili ŭ ŠIZA

Palitźniavolenaha Ryhora Kastusiova znoŭ adpravili ŭ ŠIZA. Pra heta ŭ fejsbuku paviedamiŭ jahony ziać Dźmitryj Antončyk.

Ryhor Kastusioŭ u sudzie. Za im — Alaksandr Fiaduta, Dzianis Kraŭčuk i Juraś Ziankovič. Fota: BiełTA

«Režym zabivaje Ryhora Kastusiova. Užo čaćviorty raz adpravili na 10 sutak u ŠIZA…» — napisaŭ jon.

Ryhora Kastusiova zatrymali 12 krasavika 2021 hoda ŭ Škłovie.

Suprać jaho była raspačata sprava pavodle artykuła 357 KK «Zmova ci inšyja dziejańni, ździejśnienyja z metaj zachopu dziaržaŭnaj ułady». Pa hetaj spravie, akramia Kastusiova, byli asudžanyja Alaksandr Fiaduta, Juraś Ziankovič, Dzianis Kraŭčuk i Volha Hałubovič. Kastusiovu dali 10 hadoŭ kałonii ŭzmocnienaha režymu.

U źniavoleńni ŭ 66-hadovaha palityka abvastrylisia prablemy sa zdaroŭjem, vyjavili ankałahičnaje zachvorvańnie.

Taksama Dźmitryj Antončyk źmiaściŭ u fejsbuku vierš cieścia, jaki toj dasłaŭ z-za krataŭ.

Moj Ciachcin 

Dzie b u śviecie ja ni byŭ,
Zaŭsiody hetym hanarusia, 
Što Kraj svoj rodny nie zabyŭ, 
Jaki zaviecca Biełaruśsiu!!! 

Nie zabyvaju tych miaścin, 
Što mnie dajuć natchnieńnie, siły, 
Pad redkaj nazvaju — Ciachcin, 
Ad naradžeńnia — rodny, miły. 

Jak i pali, lasy, łuhi, 
Dzie nie adno tysiačahodździe, 
Druć abdymaje bierahi. 
Tut prodki žyli šmat stahodździaŭ. 

Choć ja ciapier dalok ad ich, 
Prynosić viecier mnie ź miaścinaŭ: 
«Viarniś. Viarniś». Moj łović słych:
«My nie zabyli svajho syna». 

Dub šepča viekavy: «Viarniś». 
Prykłaŭ tut pradzied svaju ruku. 
I kliča sad, jaki kaliś 
Dziady zakłali dla ŭnuka. 

Dzie b ja pa śviecie ni chadziŭ, 
Jak ptuška z vyraju viarnusia. 
Da chaty baćkavaj, da niŭ, 
Dzie ŭsio klakoča bieły busieł. 

Viarnuś da pamiatnych miaścin — 
Tut ja sustreŭ svajo kachańnie, 
Tvaich vakolic, moj Ciachcin, —
Prajšło dzie pieršaje spatkańnie. 

Kali supyniecca chod moj
I Boža da siabie pakliča, 
Viarnuś na viečny supakoj 
U novym dla mianie abliččy. 

Pad šery kamień. Tolki toj,
Što ŭziaty z rodnych mnie miaścinaŭ. 
I nievialikaju plitoj, 
Dzie bačna — chto kaho pakinuŭ.

Padtrymajcie palitviaźnia: PK № 22, 225295, Bresckaja vobłaść, Ivacevičy, st. Damanava, a/s 20, Ryhor Andrejevič Kastusioŭ.

Čytajcie taksama:

Palitviaźnia Ryhora Kastusiova pazbavili spatkańniaŭ

Kastusioŭ trapiŭ u balnicu, Statkievič paŭhoda byŭ u adzinočnaj kamiery

Palitviazień Ryhor Kastusioŭ z-za krataŭ pavinšavaŭ biełarusaŭ z Dniom rodnaj movy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
0
Ха-ха
3
Ого
0
Сумна
9
Абуральна
15
0
umka/adkazać/
16.09.2023
čałaviek piša ščyra. ad dušy
kali dzieści niedzie niejki charej ź jambam na vašuju dumku trochi chramaje, dyk heta vašy prablemy
śmianicia słuchavy aparat, bo nie čujecie strun dušy
0
umka kamu muka/adkazać/
16.09.2023
i eta, Poeta, kali vy ŭžo nazyvajeciesia tak, dy jašče ź vialikaj litary - Poet, dyk pryviadzicia ŭzor vašych tvoraŭ
to bok - etalon, na jaki b raŭniacca
1
12345/adkazać/
17.09.2023
"Protiv nieho było vozbuždieno dieło po staťje 357 UK «Zahovor ili inyje diejstvija, sovieršiennyje s cielju zachvata hosudarstviennoj vłasti». Po etomu diełu, kromie Kostusiova, byli osuždieny Aleksandr Fieduta, Jurij Zienkovič, Dienis Kravčuk i Olha Hołubovič. Kostusiovu dali 10 let kołonii usilennoho riežima."
https://nashaniva.com/ru/326564
Nadojeł vidno vłastiam, za tridcať let, aktivnoj, płodotvornoj boŕby!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930