Znajści
Ałharytmičny łacinski varyjant
16.09.2023 / 09:3413RusŁacBieł

«Emocyi zaškalvajuć i ŭciskajuć u fatel». U Łondanie pastavili «Dzikaje palavańnie karala Stacha»

Na scenie łondanskaha teatra «Barbikan» pastavili «Dzikaje palavańnie karala Stacha» pavodle kultavaha ramana Uładzimira Karatkieviča. U piatnicu adbyłasia suśvietnaja premjera, a žurnalist Siarhiej Padsasonny naviedaŭ pieradpremjerny pakaz, jaki taksama prajšoŭ ź vialikim pośpiecham. Svaimi ŭražańniami ad pakazu jon padzialiŭsia ŭ fejsbuku.

Fota: fejsbuk Siarhieja Padsasonnaha

«Bravo! Bravo! Słava Ukrainie! Žyvie Biełaruś!» — hučała sa sceny. — «Hierojam słava! Žyvie viečna!» — u adkaz z zały. Nacyjanalnyja ściahi i žoŭta-błakitnaja scena. Było pra palitviaźniaŭ i dziaciej, jakija stracili dom ad represij i vajny. Biełaruskaja mova hučała ŭvieś viečar: śpieŭ, dyjałohi, tekst Uładzimira Karatkieviča. Na scenie teatra Barbikan «Dzikaje palavańnie karala Stacha».

Vydatnaja praca Mikałaja Chalezina, Natalli Kalady i kamandy ŭkrainskich i biełaruskich akcioraŭ dy muzykaŭ. Suśvietnaja premjera ŭ piatnicu, ale pieradpremjerny pakaz z poŭnaj załaj, z avacyjami stojačy. Muzyka Volhi Padhajskaj bambičnaja!

Pastanoŭka miehaskładanaja technična. Akciorskaja hulnia na miažy fizičnaj vytrymki. Emocyi zaškalvajuć i ŭciskajuć u fatel, niama momantu adpačynku. Jość suviaź z nacyjanalnym falkłoram, historyjaj, kulturaj. Libreta Andreja Chadanoviča hučyć, razryvajučy na kavałki, heta Karatkievič u śpievie. A ŭsio heta kaštoŭna jašče tamu, što naša idzie ŭ śviet.

Dyryžor — vybitny Vital Aleksiajonak, jaki dziela repietycyj nalataŭ tudy-siudy amal dvaccać rejsaŭ, bo fizična žyvie i pracuje ŭ Niamieččynie. Partyi ŭkrainskich salistaŭ Andreja Bandarenki i Tamary Kalinkinaj vykananyja biezdakorna, hałasy niebyvałaj mocy i… pa-biełarusku — i to jak! Cikavaje rašeńnie z vobrazam Andreja Śvieciłoviča — žanočaja partyja.

Teatr «Barbikan». Fota: fejsbuk Siarhieja Padsasonnaha

Jon taki ŭvieś čysty, u biełym adzieńni, tamu nievypadkovy kryž z pražektaraŭ, jaki ŭznosicca nad im. Jahonaja śmierć z palotam nad scenaj (jak u Ejfmana z «Karamazavymi»), pratestami 2020 na fonie-ekranie, dzie ažyvaje vulica paśla vybaraŭ, aryja pra toje, što adychodziać lepšyja, a potym pachavańnie i charavy śpieŭ tuhi i bolu taki, što chočacca vyć, a kom ściskaje hrudzi. Heta naša historyja, naša Biełaruś, naš bol.

Hetamu papiaredničaje viačera ŭ Dubatoŭka, jakaja pakazanaja na scenie jak «Apošniaja viačera» Leanarda: achviara abranaja — pryniasuć jaje ŭ druhim akcie. A Dubatoŭk tut iłžyvy zbaŭca, Chrystos udavany. Takija ž i siońniašnija lidary, jakija tolki robiać vyhlad śviataści.

Kachańnie pieramahaje, ale paralelna ciahniecca śmierć, a «Dzikaje palavańnie» — heta zło, jakoje nie źnikaje ŭ śviecie, a tamu nie źnikaje i baraćba ź im.

Dubatoŭk hinie, ale moža ŭspłyć u novym miescy i z novaj mocaj. Tamu treba być pilnymi. Hetak hučyć finał».

Čytajcie taksama:

Siarod rekamiendavanych śpiektaklaŭ vosieni ad The Guardian — «Dzikaje palavańnie karala Stacha» 

Płanujecca, što premjeru «Dzikaha palavańnia karala Stacha» naviedaje Karł III. Chadanovič raskazaŭ pra libreta

«Kałasy pad siarpom tvaim» prybrali sa školnaj prahramy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
6
Maksim Dizajnier/adkazać/
17.09.2023
Hulaj rvanina. Kto był nikiem, tot staniet łondonciem
1
Oleh/adkazać/
18.09.2023
[Red. vydalena]
1
babrujčanin/adkazać/
18.09.2023
Maksim Dizajnier, )) Zajdraść .hriech ..maksimka Idzi...u Maskva..maksimka dyzajni .Stolki mahčymaściej dźla " dyzajnierau" kuciurje ..pakul jaščie. Biełarusy pausiul ..a maksimki u...Maskva
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera