Znajści
Ałharytmičny łacinski varyjant
15.09.2023 / 22:027RusŁacBieł

Pasoł u Rasii apraŭdvaŭsia za vyviezienych u Biełaruś ukrainskich dziaciej 

Pasoł Biełarusi ŭ Rasii Dźmitryj Kruty pasprabavaŭ apraŭdacca za vyvaz ukrainskich dziaciej u Biełaruś. Pavodle jaho, usio było sa zhody baćkoŭ abo zakonnych pradstaŭnikoŭ dziaciej. Pra heta jon zajaviŭ, vystupajučy na «kruhłym stale» na temu «Ukrainski kryzis: rola humanitarnych i pasrednickich inicyjatyŭ niejtralnych aktaraŭ». Mierapryjemstva było arhanizavana ŭ Rasii pry padtrymcy rasijskaha MZS.

Kruty zajaviŭ, što Biełaruś akazvaje sistemnuju dapamohu «dzieciam Danbasa», u tym liku vozić ich u łahier «Zubrania». Z pačatku 2021 hoda ŭ Biełaruś vyvieźli bolš za 3,5 tysiačy ŭkrainskich dziaciej.

Pa słovach pasła, usie dzieci pryjazdžajuć u Biełaruś sa zhody zakonnych pradstaŭnikoŭ. Jon taksama paćvierdziŭ, što da vyvazu dziaciej maje dačynieńnie Biełaruskaje tavarystva Čyrvonaha Kryža.

«U asnoŭnym — heta dzieci-siroty, baćki jakich zahinuli ŭ chodzie bajavych dziejańniaŭ, albo vychadcy ź niapoŭnych, małazabiaśpiečanych siemjaŭ. Taksama adznaču, što nasupierak nachabnaj chłuśni zachodniaj i ŭkrainskaj prapahandy, vyjezd dziaciej na azdaraŭleńnie ŭ Biełaruś ažyćciaŭlaŭsia tolki sa zhody ich baćkoŭ i zakonnych pradstaŭnikoŭ».

Biełaruskija demakratyčnyja siły ciapier źbirajuć materyjały dla Mižnarodnaha kryminalnaha suda (MKS), jakija dakazvajuć dačynieńnie pradstaŭnikoŭ režymu Łukašenki da niezakonnaha vyvazu ŭkrainskich dziaciej. U rezalucyi ad 13 vieraśnia, Jeŭraparłamient zajaviŭ, što dziejańni Łukašenki i jahonaha režymu možna kvalifikavać jak złačynstvy suprać čałaviečnaści (departacyja abo hvałtoŭnaje pieramiaščeńnie nasielnictva) pavodle Rymskaha statutu i zaklikaŭ Mižnarodny kryminalny sud (MUS) vydać order na aryšt Łukašenki.

Čytajcie taksama:

Kruty nazvaŭ ličby, jak abvaliŭsia zachodni rynak u biełaruskim handli paśla sankcyj

Tałaj anansavaŭ pryvoz u Biełaruś novych hrup ukrainskich dziaciej

U Maryupalski ŭniviersitet na akupavanych terytoryjach pastupili dva biełarusy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Miortvyja nia mohuć pisać abo mović/adkazać/
16.09.2023
Jak zahinułyja baćki abo apiekuny padpisvajuć zhodu na vykradańnie svaich dziaciej-sirot varožaju krainaj-ahresaram?
0
Lavon/adkazać/
16.09.2023
Krutomu taksama znojdziecca miesca na łaŭcy ŭ Haahie.
0
Josik/adkazać/
16.09.2023
Kab vyvieźci niepaŭnaletniaje dzicia za miežy krainy, patrebna daručannaść, zroblenaja nataryŭsam, pierakład z apystylem. Pakažy ich, brachun-ambasadar.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031