Znajści
Ałharytmičny łacinski varyjant
15.09.2023 / 08:5212RusŁacBieł

«Płakali tannyja krupy i zuby!» Što žychary Dźvinska kažuć pra mahčymaje zakryćcio pamiežnaha punkta na miažy ź Biełaruśsiu

Łatvija rychtujecca zakryć adzin z dvuch pahranpunktaŭ na miažy ź Biełaruśsiu — u Silene (ź biełaruskaha boku Urbany) — dla baraćby ź nielehalnaj mihracyjaj. Prajekt rychtuje MUS, ale terminy pakul nieviadomyja, piša Delfi.lv.

Punkt propusku «Silene». Fota: tuda-suda.by

Dla žycharoŭ pamiežnaj zony heta drennaja navina — biełarusy, jakija žyvuć u Łatvii, karystalisia punktam, kab naviedvać mahiły, a niebahatyja žychary Dźvinska i Vierchniadźvinskaha kraju Łatvii — kab kupić tannyja pradukty, bienzin, lačyć i pratezavać zuby. Dalnabojščyki taksama nie chavajuć niezadavolenaści — čerhi la adzinaha pakinutaha punkta vyrastuć. Dy i znachodziacca Paternijeki (ź biełaruskaha boku Hryharoŭščyna) daloka — plus 200 km tudy i nazad.

«Bienzin u Biełarusi tańniejšy ŭdvaja-utraja. Krupy — kapiejki. Hrečka — inšaja. Pa mnie, dyk smačniejšaja. Jajki nie skažu, što tańniejšyja, ale jany ž tam sapraŭdnyja, pa standarcie jakaści źniesienyja… A hałoŭnaje — dzie nam ciapier zuby lačyć? Naša dziaržava pra heta padumała?!» — pieraličvaje śpis strat ad zakryćcia punkta Silene žycharka Dźvinska.

Da Novaha hoda hramadzianie i niehramadzianie Łatvii mohuć bieź vizy jeździć u Biełaruś. Niahledziačy na nieadnarazovyja papiaredžańni łatvijskaha MZS, što ŭ situacyi vajny Rasii z Ukrainaj i niepasrednaha ŭdziełu ŭ joj Alaksandra Łukašenki padarožžy hetyja niebiaśpiečnyja, ruch praz pahranpunkt Silene davoli aktyŭny.

Načalnik pahranpunkta Silene padpałkoŭnik Siarhiej Krasoŭskis paviedamiŭ Łatvijskamu radyjo, što ŭ vieraśni ŭ hetym miescy miažu pierasiakali ŭ siarednim 160 hruzavych aŭtamabilaŭ i 290 lehkavych aŭtamabilaŭ za sutki, u siarednim 900 čałaviek. Asnoŭnyja pryčyny pierasiačeńnia miažy — naviedvańnie svajakoŭ, šopinh i miedycynski turyzm.

Ciapier u Łatvii dziejničajuć dva lehalnyja punkty pamiežnaha kantrolu na darohach (Silene i Paternijeki) i adzin na čyhuncy (Indra). Try punkty pierasiačeńnia miažy, jakija zakrylisia jašče ŭ pandemiju, tak i nie adkrylisia — «praz ahresiŭnyja pavodziny Biełarusi pry adpraŭcy imihrantaŭ u Łatviju».

Krasoŭskis pryznaŭ, što patok aŭtamabilaŭ pavialičyŭsia ŭ žniŭni, kali zakrylisia mnohija pamiežnyja punkty na miažy Biełarusi z Polščaj i Litvoj. Kali zakryjuć Silene, to lehkavym aŭtamabilam i hruzapieravozčykam pryjdziecca mieć spravu z doŭhimi čerhami.

Nahadajem, što na biełaruska-litoŭskaj miažy zastalisia čatyry punkty propusku, na polskaj zastaŭsia adzin punkt propusku dla lehkavych aŭtamabilaŭ.

Čytajcie taksama:

Łatvija prapanuje zakryć adzin z dvuch punktaŭ propusku na biełaruskaj miažy

Mihranty pieranieśli asnoŭnuju aktyŭnaść na łatvijskuju miažu

U mirny čas min na miažy ź Biełaruśsiu nie budzie — kamandujučy Nacyjanalnymi siłami Łatvii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
Siaržuk/adkazać/
15.09.2023
Janka , I mer tam hetki ž. Zrešty lubić naviedvaca łukašenkaŭskaje konsulstva na łukašysckija śviaty navat pad čas vajny
1
kavoś/adkazać/
15.09.2023
Kotya, čto kakčiestvieńnieje? savok?) 
3
Maksim Dizajnier/adkazać/
15.09.2023
Ničieho v Łatvii nie doroho, v sravnienii s kołchozom. Kromie kommunałki. V Dauhapiłsie zimoj - 500 za dvuchu, plus 100 za sjem. Dvoje rabotiah tianut lehko, fabriki, i pročij proletariat.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera