Znajści
Ałharytmičny łacinski varyjant
14.09.2023 / 22:231RusŁacBieł

Ministr, asudžany za chabar na 7,5 hoda, vierahodna, vyjšaŭ praz paŭtara — Biełsat

Telekanał «Biełsat» paviedamlaje, što eks-ministr lasnoj haspadarki Vital Drožža, vierahodna, vyjšaŭ na volu, adsiadzieŭšy tolki piatuju častku prysudžanaha jamu vialikaha terminu. Niepasrednych paćviardžeńniaŭ hetamu niama, ale jość uskosnyja.

Vital Drožža

Jak raskazała krynica «Biełsata», u kałoniju, dzie adbyvaŭ pakarańnie Vital Drožža, niadaŭna pryjazdžała kamisija dla pamiłavańnia, paśla čaho eks-ministra adpuścili na spatkańnie, ź jakoha jon nie viartajecca ŭ niavolu ŭžo prynamsi piać dzion.

Inšaja krynica «Biełsata» kaža, što takim ža čynam niadaŭna vyjšaŭ na volu inšy čynoŭnik: pajšoŭ «na trochdzionnaje spatkańnie» i za kraty ŭžo nie viarnuŭsia.

Pad vyhladam žonki byłoha sukamiernika žurnalistka «Biełsata» patelefanavała synu Vitala Drožžy. Toj nie paćvierdziŭ i nie abvierhnuŭ faktu vyzvaleńnia, a skazaŭ tolki, što baćka «nie moža zaraz» sustrecca. Ale kali žurnalistka dadała, što sustreča z Drožžam mahła b adbycca ciaham niekalkich dzion i što jana hatovaja padjechać u zaprapanavanaje miesca, syn eks-ministra paprasiŭ numar telefona i paabiacaŭ pieratelefanavać, jak tolki vyśvietlić, ci heta budzie mahčyma. Na pytańnie ab tym, jak naohuł u baćki spravy, adkazaŭ, što «nibyta bolš-mienš».

Vital Drožža staŭ ministram lasnoj haspadarki ŭ krasaviku 2018 hoda. Pra jahonaje zatrymańnie stała viadoma ŭ krasaviku 2022 hoda. U studzieni 2023-ha jamu prysudzili 7,5 hoda kałonii ŭzmocnienaha režymu za atrymańnie chabaru ŭ asabliva bujnym pamiery, ale skaracili termin na hod pavodle amnistyi. Z zapisaŭ razmovaŭ ministra stała viadoma, što ŭ Biełarusi sistematyčna vysiakali bolš lesu, čym było dazvolena.

U adroźnieńnie ad palitviaźniaŭ, čynoŭnikaŭ-chabarnikaŭ u łukašenkaŭskaj Biełarusi niaredka vypuskajuć značna raniej za pryznačany im sudami termin źniavoleńnia. Tak, jak raniej stała viadoma, niadaŭna vyjšaŭ na volu były dyrektar Haradziejskaha cukrovaha kambinata, jaki ŭ 2021-m byŭ asudžany na 13 hadoŭ kałonii za chabarnictva ŭ asabliva bujnym pamiery. Ciapier jon nibyta kiruje adnym ź biełaruskich kałhasaŭ. I hety vypadak daloka nie adziny.

Čytajcie taksama:

Za atrymańnie chabaru zatrymali dyrektara Dobrušskaha farforavaha zavoda

«Ën z mazhami, jamu nie varta było iści ŭ načalniki». Historyja kiraŭnika Chocimščyny, jakoha pasadzili za adkaty

«Bananavy karol» Zacharaŭ zarubiŭsia z DFR i šle Kačanavaj pakajannyja listy, nazyvajučy apazicyju «žopazicyjaj» 

 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
3
Ха-ха
1
Ого
0
Сумна
3
Абуральна
17
1
daviedka/adkazać/
15.09.2023
Łukašienko miłostivo pomiłovał, pozvoliv ministru-vziatočniku proviesti iźbiratielnuju kampaniju v parłamient?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera