Znajści
Ałharytmičny łacinski varyjant
14.09.2023 / 19:4737RusŁacBieł

Pierakuplenaja «Narodnaja vola» pierajšła na łukašenkaŭskija pazicyi

Paśla taho jak niaźmienny hałoŭny redaktar Iosif Siaredzič pakinuŭ svaju pasadu, vydańnie pratrymałasia na blizkich da starych pazicyjach usiaho miesiac. Za apošnija dni ŭ padačy materyjałaŭ «Narodnaj voli» adznačyŭsia karenny pierałom, jaki stavić kropku na jaje historyi jak niezaležnaha miedyja. U redakcyi źviarnulisia navat da ŭpadabanych dziaržaŭnymi miedyja «astrołahaŭ», jakija pradkazvajuć razvał Zachadu, padzieł Ukrainy i pośpiechi Pucina.

Kałaž: Naša Niva. Fota Contributor Getty Images

«Narodnaja vola» zaznała tyja ž prablemy, što i ŭsie niezaležnyja vydańni ŭ losavyznačalny dla biełaruskaha hramadstva 2020 hod. U listapadzie taho hoda redakcyja była vymušanaja spynić druk haziety paśla taho, jak łukašenkaŭskija ŭłady zabaranili ź joj supracoŭničać usim biełaruskim drukarniam i pierakryli mahčymaści drukavacca za miažoj.

Hazieta praciahnuła vydavacca ŭ PDF-farmacie, ale ŭ pačatku 2023 hoda było prypyniena i heta. A ŭ červieni Ministerstva infarmacyi Biełarusi ŭvohule anulavała paśviedčańnie ab rehistracyi. 31 lipienia sajt vydańnia pierastaŭ abnaŭlacca.

Iosif Siaredzič, jaki stvaryŭ «Narodnuju volu» i ŭznačalvaŭ jaje 28 hadoŭ. Fota: Facebook

4 žniŭnia stała viadoma, što Iosif Siaredzič pakidaje pasadu hałoŭnaha redaktara. Jon kiravaŭ vydańniem 28 hadoŭ z momantu zasnavańnia haziety ŭ lipieni 1995 hoda. Mienavita na jahonaj asobie trymałasia vydańnie va ŭmovach, kali astatnija ahulnanacyjanalnyja niezaležnyja miedyja ŭ Biełarusi byli razhromlenyja, vyhnanyja z krainy i pryznanyja «ekstremisckimi».

Novym uładalnikam vydańnia «Narodnaja vola», jak daviedalisia žurnalisty, stała firma «Hipier PK», jakuju ačolvaje mieniedžar internet-prajektaŭ Mikałaj Zinievič. Hety čałaviek raniej u miedyjnaj śfiery nikomu nie byŭ viadomy.

Novy ŭłaśnik «Narodnaj voli» Mikałaj Zinievič

Sajt i telehram-kanał «Narodnaj voli» adnavili pracu 8 žniŭnia pad nazvaj «NV». Pry pieršym nabližeńni zdavałasia, što nijakich źmienaŭ u padačy materyjałaŭ nie adbyłosia, artykuły na sajcie zastavalisia taho ž strymanaha kirunku, što byli da 31 lipienia.

Adnak u vieraśni stała jasna, što palityka niekali niezaležnaha vydańnia paśla zvalnieńnia hałoŭnaha redaktara karennym čynam źmianiłasia. Asabliva jaskrava heta vyjaviłasia ŭ padačy infarmacyi pra vajnu va Ukrainie i supraćstajańnie Rasii i Zachadu.

Tak, naprykład, raskazvajučy pra polskuju zabaronu na pastaŭki zbožža z Ukrainy, «NV» dakładna paŭtaraje tyja farmuloŭki, jakija vykarystoŭvalisia dziaržaŭnymi miedyja kštałtu BiełTA dla stvareńnia ŭražańnia mocnych supiarečnaściej pamiž demakratyčnymi krainami. Ci raskazvaje pra krytyku Bajdena z boku Trampa, jakoha ŭ rasijskich i prarasijskich miedyja malujuć ledź nie zmaharom suprać «biesčałaviečnaj libieralnaj sistemy», jakuju nibyta ZŠA naviazvajuć usiamu śvietu.

A z 11 vieraśnia «NV» pačała aktyŭna publikavać naviny, jakija ciažka adroźnić ad taho, što pišuć prapahandysckija krynicy.

U hety dzień źjavilisia materyjały pra toje, što polskija vajskoŭcy, raźmieščanyja na miažy ź Biełaruśsiu, nibyta sutyknulisia z surjoznymi ciažkaściami ŭ zabieśpiačeńni svaich bazavych patrebaŭ; pra prybyćcio ŭ Minsk moščaŭ z Rasii; raźbiraŭsia byccam by najaŭny kanflikt pamiž Ukrainaj i Rumynijaj; raskazvałasia pra biezumoŭnuju patrebu Hiermanii ŭ rasijskim hazie i pra Indyju, jakaja, «niahledziačy na cisk z boku Amieryki i Jeŭropy, nie sastupaje i praciahvaje zakupki rasijskaj nafty» — usio heta naviny, jakija kožnuju hadzinu, adna za adnoj, publikavalisia na kanale niekali «niezaležnaha vydańnia». 

Raskručvańnie rasijskaha naratyvu, što ŭsie biedy ad Ukrainy. 

Da prykładu, kirujučysia znajomym nam naratyvami, «Narodnaja vola» ŭ svaim artykule vystaŭlaje Ukrainu jak faktar razdražnieńnia zachodnich susiedziaŭ:

«Ukraina ŭžo dvojčy zajaviła pra ŭjaŭnyja rasijskija ŭdary pa abjektach NATA, stvarajučy napružanaść u rehijonie».

Nievialiki tekst nasyčany adsyłkami da inšych ujaŭnych palityčnych kanfliktaŭ pamiž krainami Zachadu i Ukrainaj, jakija ŭparta, ale biezvynikova raskručvaje rasijskaja, a śledam i łukašenkaŭskaja, prapahanda. 

«Situacyja stała bolš składanaj paśla admovy Brusiela finansavać ekspart ukrainskaj sielskahaspadarčaj pradukcyi i zabarony Polščy na impart ukrainskaj pšanicy», — u tekście dobra paznajecca ŭpadabanaja prapahandysckaja tema ŭkrainskaha zbožža, jakaja, jak i enierhanośbity, zastajecca apošnim ryčahom uździejańnia Rasii na zachodni śviet.

Na nastupny dzień padača materyjałaŭ u duchu zvyčajnych prapahandystaŭ zastałasia raniejšaj: były daradca Pientahona paviedamiŭ, što zachodnija krainy «źniščyli ŭkrainskuju nacyju i razburyli krainu»; zabastoŭka na aŭstralijskich zavodach pryvodzić da padaražańnia hazu ŭ Jeŭropie; francuzski palityk asudziŭ pahrozu Zialenskaha ab buncie biežancaŭ u Jeŭropie; kiraŭnik Pałaty pradstaŭnikoŭ ZŠA padtrymaŭ rasśledavańnie, jakoje moža pryvieści da impičmientu źnienavidnaha Rasii Džo Bajdena. 

Naviny raździeła «Palityka» na sajcie «NV»

Źviarnulisia i da ŭpadabanych dziaržaŭnymi miedyja «astrołahaŭ», jakija pradkazvajuć razvał Zachadu, padzieł Ukrainy, pieramohu Rasii i pośpiechi Pucina. Vialikim amataram astrałohii źjaŭlajecca i novy ŭłaśnik biełaruskaha vydańnia. «NV» pierakazała pradkazańnie arakuła, što Ała Puhačova, jakaja źjechała z Rasii i vyrazna asudziła vajnu, urešcie vierniecca nazad

I ŭčora, i siońnia na «NV» praciahvajecca palityka vykryćcia supiarečnaściej na Zachadzie, ahresiŭnaj palityki ZŠA, publikujucca materyjały pra nibyta ciažkija straty va ŭkrainskim vojsku, dla zakryćcia jakich zaklikajuć vajavać žančyn; pra abmiežavańni na ŭvoz zbožža z Ukrainy; patrebu ŭ zbroi suprać niepieraŭzydzienaj rasijskaj; niazdolnaść paŭdniovaj susiedki padtrymlivać bajazdolnaść svajho vojska i chutkaje spynieńnie kontrnastupu.

I całkam adsutničajuć publikacyi na temy biełaruskaj palityki.

Kiraŭnictva Rasii i Alaksandr Łukašenka ad pačatku 2022 hoda adkryta vykazvali spadziavańni na pieravarot va Ukrainie. Tuju samuju liniju pravodziać ich ŚMI 

Nie saromiejecca vydańnie ciapier spasyłacca i na zusim śmiećcievyja prarasijskija krynicy. Tak, narmalizavanaja «NV» napisała pra pahrozu źviaržeńnia Zialenskaha z boku vajskoŭcaŭ, pra jakuju raspavioŭ prapucinski błohier ź psieŭdanimam «Hoblin». A adkaznaść za rasstreł pratestoŭcaŭ na Majdanie ŭ 2014 hodzie pierakłała z režymu Janukoviča na zamiežža. Krynica — prapahandyscki film «Ukraina: schavanyja iściny» italjanskaha žurnalista Džana Mikalesina, čyje artykuły publikavalisia na sajcie «Ruskaja viasna».

Film byŭ pakazany jašče ŭ 2017 hodzie telekampanijaj Matrix, što naležyć siamji Silvia Bierłuskoni, jaki ŭ 2015 hodzie naviedvaŭ akupavany Krym.

Artykuł na sajcie «NV» ź mierkavańniem ekśpierta z «Sałaŭjoŭ Live» i kartaj Ukrainy biez paŭdniova-ŭschodnich terytoryj

A nienazvanym ekśpiertam, jaki pradrok Jeŭropie «vielizarnyja hieapalityčnyja źmieny», jak vyjaviłasia, akazaŭsia adzin z haściej kanała «Sałaŭjoŭ Live», jakoha družna pracytavali ŭsie inšyja prapahandysty.

Niezaležnaha miedyja «Narodnaja vola» bolš niama. Ciapierašni resurs mimikruje pad stary i nie zajaŭlajučy pra kardynalny pavarot svajho palityčnaha kirunku, sprabuje davoli hruba ŭździejničać na staruju aŭdytoryju.

Vydańnie, jakoje na praciahu dziesiacihodździaŭ davała biełarusam alternatyŭny pohlad na palityku, paśla sychodu Iosifa Siaredziča ŭliłosia ŭ prapahandyscki dyskurs režymaŭ-ahresaraŭ.

«Naša Niva» — bastyjon biełaruščyny

PADTRYMAĆ

Čytajcie taksama:

«Udzielnik aŭtakłubaŭ, zachaplajusia astrałohijaj». Što viadoma pra novaha ŭładalnika «Narodnaj Voli»

Iosif Siaredzič: Kali b u 1995-m deputaty abaranili «Narodnuju hazietu», moža, pa-inšamu raźvivalisia b padziei

Iosif Siaredzič pakidaje pasadu hałoŭnaha redaktara «Narodnaj Voli». Los vydańnia pad pytańniem

F. Raŭbič

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
43
Ха-ха
9
Ого
2
Сумна
25
Абуральна
71
0
Anatol Starkou/adkazać/
15.09.2023
žeŭžyk, Ja na hetaje pytańnie adkazvaŭ sto piaccot razoŭ u svaich kamientach na forumach NN i navat knihu vydaŭ u lutym 2023 u Rasii. 
.
Karotka: Zhadany artykuł abjadnaŭ biełaruskich ruskich (heta pryblizna 8% hałasoŭ vybarščykaŭ-1994) + part-dziarž-haspadarčuju-namienkłaturu (ci pa sučasnamu tahačasnuju elitu nacyi), pradstaŭniki jakoj byli ŭ vybarčych kamisijach. Bo kab nie abjadnalisia, to piervych čakaŭ by ciahnik i Čamadan-Vakzał-Rasija, a druhich lustracyja. A ŭ nas tady siarod kiraŭnikoŭ usich halin haspadarki mo 90% było byłych čalcoŭ KPB. Dyj byłych kamunistaŭ było šmat. Tak što jany prajhrać vybary-1994 nie mahli, z-za abiacanaj u artykule lustracyi. A ŭ ich siemji. A heta miljony biełarusaŭ i biełarusak.
Dyj narod stamiŭsia ad bčb šaścihadovaj bałbatni na vulicach dy la mikrafonaŭ VS, i padtrymaŭ maładoha byłoha dyrektara saŭhasa. A čaho ž było nie padtrymać, kali ŭ tym artykule ŭžaściki narod i krainu čakali, kali b pajšła nacyja pa bieł-čyrvona-biełamu šlachu, namalovanamu ŭ artykule "O russkom impierialiźmie i jeho opasnosti", jaki byŭ nadrukavany za piać miesiacaŭ da vyrašalnych vybaraŭ-1994. Druhich takich vybaraŭ historyja bieł-čyrvona-biełym nie prypadniesła. 
0
Anatol Starkou/adkazać/
16.09.2023
P.S. dla junych bčb zmaharoŭ za naša bčb sčaście:
Zhadanaja mnoj Narodnaja Hazieta - hazieta VS RB, u pačatku 90-ch była samaja papularnaja biełaruskaja hazieta. Jaje tyraž (pa pamiaci) časam dachodziŭ da 600 tys ekzemplaraŭ. Takoha tyražu nie mieła nivodnaja biełaruskaja hazieta. Hałoŭnym redaktaram NH byŭ spadar Iosif Siaredzič. Adnačasova jon byŭ deputatam VS. Dyk voś adnojčy da jaho ŭ redakcyju zahlanuŭ druhi deputat VS i jany vyrašyli dapamahčy bčb ruchu, jak kašal chvarobie, nadrukavaŭšy ŭ NH artykuł "O russkom impierialiźmie i jeho opasnosti". Heta pačatak 1994-ha.  Ab hetym ja raspavioŭ vyšej. U 1995-m Ryhoravič svaim Ukazam zrynuŭ deputata VS Siaredziča z pasady hłaŭreda, chacia ŭ toj čas źniać ci pastavić kahości na pasadu hałoŭnaha redaktara Narodnaj Haziety moh tolki jaje zasnavalnik Viarchoŭny Saviet RB. Moh VS dy nie zmoh.

0
Było takoje/adkazać/
17.09.2023
Anatol Starkou, byŭ taki effiekt. Zianon zaŭždy by majstram kanfrantacyi i raskołu. Toj artykuł pierad vybarami byŭ čarhovym kamieniem na šlachu kansalidacyi ŭsich ludziej ćviarozaha myśleńnia. Na toj čas rola artykuła ŭ papiarovaj haziecie była vielizarnaj, to była nie ciapierašniaja błohierska-bałbatlivyja para. Tolki Siaredzič zaŭsiody byŭ "tovariŝiem", a nie spadarom. Mietamarfozy vydańnia ad "Narodnaj Haziety" 1994 hoda da "Narodnaj Voli" siońniašniaha dnia zusim nie vypadkovyja, a całkam zakanamarnyja i paśladoŭnyja.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930