Znajści
Ałharytmičny łacinski varyjant
14.09.2023 / 16:3411RusŁacBieł

U polskaj Hajnaŭcy baćki zmahajucca za prava svaich dziaciej nie vyvučać biełaruskaj movy

U polskaj Hajnaŭcy častka baćkoŭ vystupiła suprać taho, kab ich dzieci vyvučali biełaruskuju movu ŭ licei. Kiraŭnictva ž nastojvaje, što abaviazkovaje vyvučeńnie biełaruskaj movy prapisana ŭ statucie navučalnaj ustanovy, a tamu prapanuje niazhodnym pieravieści dziaciej u inšy licej. Materyjał polskaha vydańnia Gazeta Współczesna pierakazaŭ Most.

Hajnaŭski II licej z dadatkovym vyvučeńniem biełaruskaj movy. Fota: Wikimedia Commons

Hajnaŭka — nievialiki horad u Padlašskim vajavodstvie na zachodniaj uskrainie Biełaviežskaj puščy. Jon źjaŭlajecca centram biełaruskaj nacyjanalnaj mienšaści ŭ Polščy. U horadzie dziejničaje II licej z dadatkovym vyvučeńniem biełaruskaj movy. Da niadaŭniaha času hety pradmiet vyvučali ŭsie navučency liceja.

Baćki, jakija sprabujuć vyzvalić svaich dziaciej ad vyvučeńnia biełaruskaj movy, litaratury i tradycyj, spasyłajucca na pałažeńni Zakona ab adukacyi.

Ich pazicyju zaniaŭ taksama kuratar adukacyi. Jon ličyć, što treba dać mahčymaść dzieciam admovicca ad vyvučeńnia biełaruskaj movy i pradmietaŭ, źviazanych z kulturaj i tradycyjami mienšaści, zachavaŭšy prava navučacca ŭ licei.

Kiraŭnictva škoły tłumačyć, što ŭ statucie liceja vyrazna skazana, što ŭsie vučni vyvučajuć biełaruskuju movu, a admova ad jaje moža, naprykład, pryvieści da prablemy z pryznańniem ekzamienu na atestat stałaści. Da taho ž u abaviazkovym vyvučeńni biełaruskaj movy — asablivaja śpiecyfika i daŭniaja tradycyja liceja. A nastaŭniki kažuć, što hetyja pradmiety pašyrajuć kruhahlad navučencaŭ.

Tym, chto nie choča vyvučać biełaruskuju, prapanujuć pierajści ŭ inšuju navučalnuju ŭstanovu.

Baćki suprać. Kažuć, što ŭ «polskim» licei niama takich profilnych kłasaŭ, jak u «biełaruskim». Da taho ž tut možna vybrać vyvučeńnie dadatkovaj movy, naprykład francuzskaj, jakoj niama ŭ inšych miescach u Hajnaŭcy.

«Ja nie źjaŭlajusia pradstaŭnicaj biełaruskaj mienšaści i ŭsio ž ja vybrała hetuju škołu, tamu što alternatyvaj byŭ adjezd u Biełastok, a pra heta nie mahło być i havorki», — skazała mama adnaho z vučniaŭ.

Čytajcie taksama:

Dzieciam bolš za ŭsio padabajecca Bahdanovič. Jak žyvie biełaruski licej u Bielsku Padlaskim

35 kiłamietraŭ — i inšy śviet 

Vykładańnie biełaruskaj movy ŭ biełaruskich licejach na Padlaššy mohuć zrabić fakultatyŭnym. Biełarusy pratestujuć

Zasnavalnik elektronnaj biblijateki Kamunikat.org: Vydajom knihi dla tysiač biełarusaŭ zamiežža

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
4
Biez illuzij/adkazać/
14.09.2023
Vasia Skovorodkin, a etom licieje ot biełorusskoho tolko urok movy. A ostalnoje vsio polskoje. Ni odin priedmiet na movie nie priepodajot. Tak čto etot liciej tolko po nazvaniju biełorusskij.
1
Mika/adkazać/
15.09.2023
Kakoj žie pozor, takich biełorusov nužno hnať pohanoj mietłoj obratno k ich diktatoru!
0
zavziaty kommientator taki priunyli…. :)/adkazać/
15.09.2023
u mianie ŭ kłasie chłopčyk byŭ.. darečy ŭkrainiec) čarniavieńki taki.. pryjšoŭ da nas nie pamiataju ŭžo ŭ jakim kłasie i zrešty chutka syšoŭ.. syn vajskoŭca.. takim davałasia mahčymaść tutejšuju movu nie vyvučać
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031