Znajści
Ałharytmičny łacinski varyjant
13.09.2023 / 18:0714RusŁacBieł

Na pakazach prapahandysckaha filma «Na inšym bierazie» arhanizoŭvajuć anšłahi, administracyjny resurs užo zapuščany

Upieršyniu vypuščanaje «Biełaruśfilmam» kino «Na inšym bierazie» źbirajucca pakazać 14 vieraśnia. Praŭda, u mnohich kinateatrach za dzień da premjery nie nabyli nivodnaha kvitka. Ale anšłahi ŭłady źbirajucca, jak vyhladaje, zabiaśpiečyć daŭno vyprabavanym mietadam. Naprykład, studentaŭ bijałahičnaha fakulteta BDU kuratary papiaredzili jašče ŭčora: u čaćvier usie razam iduć hladzieć kino, piša «Lusterka».

Adna sa studentak raskazała «Lusterku», što iści na prahlad filma abaviazvajuć studentaŭ pieršaha, druhoha i treciaha kursaŭ. Ad zaniatkaŭ ich vyzvalajuć, ale kvitki, što kaštujuć 6 rubloŭ, majuć nabyvać za svoj košt. Mabyć, usich nie buduć nakiroŭvać u adzin dzień, a dzialić patencyjnuju aŭdytoryju na častki.

Adnosna staŭleńnia da hetaha jaje i adnakurśnikaŭ dziaŭčyna adkazała prosta:

«Nas užo ničoha nie ździŭlaje. Chutčej, niekatoryja škadujuć, što marna patraciać čas. Niekatoryja abmiarkoŭvali pamiž saboj, ci možna budzie kupić kvitok i pajści dadomu. Ale tak jak dla hetaha śpiecyjalna vyzvalajuć ad par, to pajści naŭrad ci atrymajecca».

U inšych studentaŭ BDU kinaprahlad zapłanavany na 19 vieraśnia, piša telehram-kanał «Biełaruś hałaŭnoha mozha». Hrošy na kvitok treba zdać zahadzia. Prahlad zapłanavany ŭ kinateatry «Kastryčnik», u suviazi z hetym admianiajucca zaniatki na čaćviortaj i piataj pary. Za propusk možna apraŭdacca kvitkom z napisanym na im proźviščam, a bonusam tym, chto na film pajšoŭ, maje być adpracoŭka dźviuch par fizkultury.

U pryjomnaj prarektara BDU pa vychavaŭčaj rabocie i sacyjalnych pytańniach, kudy žurnalistka «Lusterka» dazvaniłasia jak nibyta studentka, navat nie pytalisia pra fakultet i taho, što iści ŭ kinateatr treba pa zahadzie źvierchu, nie admaŭlali. Na pytańnie, što rabić, kali iści nie atrymlivajecca z asabistych pryčyn, tam skazali, što treba mieć niejkija apraŭdalnyja dakumienty:

«Kali ŭ vas jość pryčyna, naprykład, na toj čas, kali budzie iści film, budzie aficyjny tałon da lekara, to vy potym jaho pakažacie tym, chto składaje śpisy [tych, chto idzie ŭ kino]. I dumaju, narmalna ŭsio budzie».

Film «Na inšym bierazie» źniaty pa scenaryi Ivana Kryvaručki, a režysioram-pastanoŭščykam karciny vystupiŭ Andrej Chruloŭ.

U asnovie siužeta filma — padziei 1925 hoda, kali paśla padpisańnia mirnaj Ryžskaj damovy zachodniaja častka Biełarusi trapiła pad uładu Polščy.

Jaho hałoŭnyja hieroi — rodnyja braty, jakija rodam z-pad Stoŭbcaŭ. Pavieł Smolič žyvie sa svajoj maci ŭ Zachodniaj Biełarusi niedaloka ad miažy z BSSR, a jahony starejšy brat Anton dziejničaje ŭ antypolskaj savieckaj partyzancy.

Viadoma, što na hetaje kino patracili amal 4 młn rubloŭ, na kinastudyi jaho nazyvajuć nacyjanalnym prajektam hoda. 

Čytajcie taksama:

«Jaho prosić narod». «Biełaruśfilm» zdymie kino pra padziei 2020 hoda

BiełTA vypuściła film pra karnicu Tońku-kulamiotčycu, ale daviałosia raspavieści, što ruskija nacysty źniščali mirnych palakaŭ

Śviata-Jelisaviecinski manastyr arhanizoŭvaje kinapremjeru rasijskaj ahitki

Rasijski film «Śviedka», u jakim raźnia ŭ Bučy prypisvajecca «ŭkranacystam», całkam pravaliŭsia ŭ prakacie

U Minsku na premjeru filma z fejkami pra Buču pryjšła tolki Bondarava ź siabroŭkami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Itched/adkazać/
14.09.2023
Jak ta raz spytaŭ ja ŭ dzieda: "Ci pamiataje jon Haładamor"? Jon adkazaŭ što ŭ zachodniaj Biełarusi jak i ŭ zachodniaj Ukrainie nie było nijakaha Haładamora. Hoład ŭtvaryli balšaviki na ŭschodzie i tam našy ludzi pamirali z hoładu. Dalej raskazaŭ što jahony dzied pamior z hoładu ŭ pieršaj pałovie 1920ch, pamior z hoładu na pa darozie ŭ Biełaruś z Pavołža kudy biełarusaŭ maskavity masava departavali pad čas pieršaj suśvietnaj vajny. Kinuli ŭ poli, a paśla u tych miescach pačaŭsia vialiki hoład.... Tak ja ad dzieda daviedaŭsia što kali razmova pra hoład na Pavołžy, to heta razmova pra śmierć našych prodkaŭ jakich maskavity masava departavali ź Biełarusi ŭ pieršuju suśvietnuju vajnu. Što datyčyca hoładu ŭ 1930 ja viadomaha va Ukrainie jak Haładamor, to jon byŭ tolki tam dzie była ŭłada balšavikoŭ. Našy ludzi ŭ zachodniaj častcy Biełarusi jak i Ukrainy pry palakach nia viedali haładamoru.
0
Rečaisnaść /adkazać/
14.09.2023
Fiedzia, pahladzisia ŭ lusterka spačatku, zirni naprykład na movu svajho kamientu
1
Vierojatnyj/adkazać/
14.09.2023
Fiedzia, i tahačasnyja, i sioniašnija "kałchoźniki" adnolkava ruskamirnyja. Tolki siońniašnija jašče i na pamyłkach baćkoŭ niazdolnyja vučycca. Tamu, "spasiba" vam. 
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031