Znajści
Ałharytmičny łacinski varyjant
11.09.2023 / 14:182RusŁacBieł

Pašpartny kantrol i čerhi pa načach. Jak vyhladaje pierachod biełaruska-rasijskaj miažy

Čerhi na miežach ES i RB — zvykłaja sprava. Časam, kab trapić ź Biełarusi ŭ Jeŭropu, treba prastajać u čarzie bolš za sutki. Na miažy z Rasijaj takich prablem niama, ale ŭsio adno byvaje, što na prajezd miažy traciš niekalki hadzin.

Ilustracyjny zdymak. Fota: Ministerstva abarony Biełarusi

Kantrol tolki z boku RF

Pamiežny kantrol na ŭjeździe z Rasii ŭ Biełaruś ź biełaruskaha boku skasavali jašče ŭ siaredzinie lipienia. Ale rasijskija pahraničniki na miažy zastalisia, a razam ź imi i pašpartny kantrol.

Samym zahružanym pierachodam źjaŭlajecca Redźki — Krasnaja Horka, što na trasie M1.

«Čerhi tam zvyčajna nazirajucca ŭ viečarovyja i načnyja hadziny. Pad ranak jany, jak praviła, rassmoktvajucca», — kaža čałaviek, jaki časta pierasiakaje miažu.

Fota: skrynšot z telehram-čata «Miaža RF-RB Čat»

U noč z 10 na 11 vieraśnia aŭtamabilisty ŭ čarzie z RF u RB pravodzili da 3 hadzin. Niekatoryja karystalniki admysłovaha čata pišuć, što kali na M1 źbirajecca vialiki zator, to lepiej jechać nie praz Krasnuju Horku, a praź Lady.

Ahułam prajezd praź Lady zajmaje na hadzinu bolš času, čym praz Redźki, ale karystalniki čatu adznačajuć, heta vyhadniej, čym dźvie-try hadziny prastajać u zatory na M1.

Fota: skrynšot z telehram-čata «Miaža RF-RB Čat»

Pry hetym u dzionnyja hadziny zatoraŭ na miažy z RF zvyčajna niama, tamu na prajezd dziaržaŭnaj miažy ludzi traciać usiaho niekalki chvilin.

Apošnim časam rasijskija pahraničniki praviarajuć tolki dakumienty. Čaściakom navat nie prosiać adčynić bahažnik.

A voś u viačernija hadziny na M1 biez čerhaŭ ź lehkavikoŭ nie abychodzicca. Pierajezd miažy 8 vieraśnia kala 22 hadzin zaniaŭ u padarožnikaŭ 30 chvilin.

Pry hetym, jak kažuć ludzi, jakija jeździać praź miažu davoli časta, čerhi ŭ asnoŭnym źbirajucca na ŭjezd u Rasiju. U advarotnym kirunku zatory ŭtvarajucca radziej.

Čytajcie taksama: 

Zakryćcia hranic pakul nie budzie, kanfrantacyja spała. Spytali ŭ ekśpiertaŭ, ci možna havaryć pra pačatak adlihi pamiž Minskam i ES

«Adstaju za vas». Za kolki pradajuć miesca ŭ čarzie na miažy ź Litvoj i Polščaj

Jak źmianiłasia situacyja na miažy paśla zakryćcia Litvoj dvuch punktaŭ propusku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Pietkievič Natałka/adkazać/
11.09.2023
A kuda isčiez Hajdukievič?! Pieriediernuł onłajn i spriatałsia? Śniali s trassy na puti k zamienie łu na novoho hubiernatora?
0
Cyrk na drocie/adkazać/
11.09.2023
Pietkievič Natałka, da nie, jaho ŭ pryvatnuju ŭłasnaść Kačanava zabrała.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera