Znajści
Ałharytmičny łacinski varyjant
11.09.2023 / 10:506RusŁacBieł

«Razmaŭlajem na čatyroch movach». Žonka źniavolenaha žurnalista raskazała, jak abžyvajecca na novym miescy siarod Atłantyki

Žurnalista Ihara Karnieja zatrymali 17 lipienia. Pieršapačatkova jamu dali administracyjnyja sutki, ale pa ich skančeńni na volu jon nie vyjšaŭ. Ihara pieraviali ŭ SIZA, zavioŭšy kryminalnuju spravu (pa jakim artykule, dakładna nie viadoma). Jahonaja žonka Ina i dačka pakinuli Biełaruś i pierabralisia na Azorskija vyspy ŭ Atłantyčnym akijanie. Ina ŭ fejsbuku padzialiłasia, jak jany abžyvajucca na novym miescy.

«Čaho ja nie ŭličyła ŭ svaich čakańniach ad emihracyi, što daviadziecca žyć nie tolki ŭ inšym moŭnym asiarodździ, nu, heta samo saboj. My tolki pryvykajem da hučańnia partuhalskaj. A voś toje, što pryjdziecca žyć i mieć kamunikacyju, pieraklučajusia štodnia pamiž čatyrma movami — heta siurpryz.

Viadoma, ź Jevaj my havorym na ruskaj. Usie dystancyjnyja znosiny ź siabrami, svajakami i klijentami na ruskaj. U nas, na ščaście, ruskamoŭnyja susiedzi, tak što jość u kaho spytać na zrazumiełaj movie pra niejkija bytavyja rečy. Kudy vykidvać śmiećcie (akazałasia, heta nie vidavočna), jak časta zalatajuć/zapaŭzajuć u dom piacisantymietrovyja prusaki (pryvykajem trochi da miascovaj fłory i faŭny), nakolki chałodna zimoj (tut niama aciapleńnia).

Za śniadankam my ŭklučajem na youtube uroki partuhalskaj. Uroki zusim prostyja, dla pačatkoŭcaŭ, ale zroblenyja tak, što ŭsiu leksiku možna vykarystoŭvać u paŭsiadzionnych nieskładanych dyjałohach. Tak što pry vypadku my ciahniem hetyja «Como esta? Tudo bem» na vulicu, kab pavitać susiedziaŭ abo skazać kasiru «Dziakuj, u mianie jość pakiet» na partuhalskaj.

Mova pakul zdajecca nieznajomaj, ale nie vyklikaje napružańnia, moža być tamu, što ŭ luboj niezrazumiełaj situacyi ja pierachodžu na anhlijskuju i ŭ mianie niama paralizacyi pačućciaŭ, što ŭsio prapała, ja ničoha nie razumieju.

Niadaŭna telefanavała novaja nastaŭnica Jevy i akazałasia, što jana na anhlijskaj nie razmaŭlaje, tak što pryjšłosia zdahadvacca, što jana niepakoicca, ci viedajem my, što ŭ paniadziełak u nas ekskursija pa škole a 9 ranicy. Ja na anhlijskaj, jana na partuhalskaj, nu niejak adna adnu zrazumieli. Darečy, navučalny hod startuje 12 vieraśnia.

Ina i Jeva Karniej. Fota: fejsbuk Iny Karniej

Ja zaŭsiody hrebliva nazyvała svoj uzrovień anhlijskaj «dla vyžyvańnia», a voś i darma. Viadoma, jon nikoli nie padvodziŭ mianie ŭ padarožžach, ale adna reč mieć znosiny ŭ haścinicy, kramie i aeraporcie, i trochi inšaje — bank, padatkovaja, mihracyjny ofis i trenažornaja zała (pra trenažorku jak-niebudź asobna napišu). Akazałasia, što całkam niebłahi ŭ mianie V1, i ŭsie biahučyja patreby ja mahu zakryć na anhlijskaj, prosta hanarusia saboj. Heta kapiec jak dapamahaje kožny dzień i pieravodzić zadaču «vyvučyć partuhalskuju» z pałajučaha režymu ŭ łajtovy, u jakim u mianie šmat cikaŭnaści.

Darečy, partuhalcy ŭ bolšaści całkam niabłaha havorać na anhlijskaj, čaściej lepš, čym ja. Adbyvajecca heta tamu, što kaliści partuhalcy vyrašyli nie napružvacca i nie dublavać zamiežnych filmaŭ, a prosta davać partuhalskija subcitry. Na samaj spravie subcitry było lahčej cenzuravać u časy dyktatury Sałazara, adkaz u hetym, a nie ŭ tym, što partuhalcam była lanota. I ciapier, kali ja ŭkluču kanał ź filmami, to jany iduć na movie aryhinała. Voś niadaŭna Džejmsa Bonda hladzieła, adnačasna treniravała anhlijskuju.

My listujemsia ź Iharam pa-biełarusku. Čas ad času dziaŭčaty taksama pišuć tatku na biełaruskaj. Z adnaho boku, mnie pryjemna atrymlivać ad jaho listy na rodnaj movie, z druhoha — nibyta heta nadaje našym stasunkam asablivy šarm. Bolš intymny. Nie viedaju, ci zaŭvažali vy, što inšaja mova robić nas troški inšymi ludźmi. Padajecca, što biełaruskaja mova daje mnie dostup da bolš hłybokaha i asensavanaha vykazvańnia dumak. Da taho ž heta pryhoža. Dakładna, jana robić mianie inšym čałaviekam. Lepšym.

Nu, ok, čatyry movy. U pryncypie, možna pieraklučacca i nie złamać mozh. I voś my ź Jevaj atrymlivajem padručniki dla siomaha kłasa partuhalskaj škoły i znachodzim tam francuzskuju. Jany vučać u škole dźvie movy: anhlijskuju i francuzskuju. Pardonnez-moi, monsieur, nam by z partuhalskaj razabracca. Ale, mabyć, pryjdziecca jašče dadavać francuzskuju».

Čytajcie taksama:

Žonka i dačka aryštavanaha žurnalista Ihara Karnieja źjechali ŭ Partuhaliju

U Minsku zatrymali žurnalista Ihara Karnieja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
33
Панылы сорам
5
Ха-ха
3
Ого
1
Сумна
3
Абуральна
5
2
Vierojatnyj/adkazać/
11.09.2023
Noŭnejm , vy što, kali ich z russkoho mira vyciahnuć, jany zahinuć, niby rybki biez akvaryjuma.
1
Ironmann/adkazać/
11.09.2023
A što jany rabili na tych astravach jašče da aryštu i pry čym da ich miascovaja ajciška? I ci nie zašmat ruskamirnaha kantentu ŭ jakim jany kruciacca?
0
Skaryna niapicierski/adkazać/
03.03.2024
"Viadoma, ź Jevaj my havorym na ruskaj. Usie dystancyjnyja znosiny ź siabrami, svajakami i klijentami na ruskaj". - moj uzrovień spačuvańnia takim "biełarusam" rezka źmianšajecca. Što jašče musić adbycca, kab narešcie takija voś "biełarusy" pračnulisia i zrabili adpaviednyja vysnovy?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera