Znajści
Ałharytmičny łacinski varyjant
08.09.2023 / 15:001RusŁacBieł

U kosmasie na 3D-pryntary nadrukavali častku čałaviečaha cieła

Na Mižnarodnaj kaśmičnaj stancyi z vykarystańniem čałaviečych tkanak zdoleli nadrukavać mienisk kalennaha sustava. Heta pieršy krok na šlachu da vykarystańnia kaśmičnaha asiarodździa dla stvareńnia čałaviečych orhanaŭ i tkanak dla transpłantacyi.

Astranaŭt pracuje z 3D-bijapryntaram kampanii Redwire. Skryn videa: Redwire Space / Youtube

Jak paviedamlaje Bloomberg, roznyja kampanii ŭžo šmat hadoŭ zajmajucca raspracoŭkami ŭ śfiery 3D-drukavańnia čałaviečych orhanaŭ i tkanak na Ziamli. Ale pry druku va ŭmovach hravitacyi bijainžynieram časta davodzicca albo dadavać chimikaty, kab tkanki zastavalisia ćviordymi, albo drukavać tkanki na matrycach ci karkasach, kab zabiaśpiečyć zachavańnie struktury.

Amierykanskaja kampanija Redwire śćviardžaje, što takim materyjałam lahčej zachoŭvać formu va ŭmovach kosmasu, što spraščaje ich vyrab.

«Kali vy vyklučajecie hravitacyju, stvarajecca asiarodździe, u jakoj vy možacie paśpiachova budavać tkanki i orhany», — skazaŭ u intervju vydańniu dyrektar pa raźvićci Redwire Majk Hołd (Mike Gold).

Mienisk kalennaha sustava byŭ nadrukavany z vykarystańniem stvałavych kletak čałavieka i kałahienu na śpiecyjalizavanym 3D-bijapryntary kampanii Redwire, jaki prybyŭ na kaśmičnuju stancyju ŭ kancy 2022 hoda. Pavodle słoŭ pradstaŭnika kampanii, heta pieršy vypadak, kali častka čałaviečaha cieła była nadrukavanaja na 3D-pryntary ŭ kosmasie z vykarystańniem čałaviečych tkanak.

Nadrukavany mienisk viarnuŭsia na Ziamlu na borcie kapsuły SpaceX Crew Dragon 4 vieraśnia. Tak jak heta była demanstracyja mahčymaści, Redwire nie płanuje pierasadžvać mienisk u sapraŭdnaje kalena.

Hołd admoviŭsia kamientavać košt druku mieniska. Jon skazaŭ, što płan kampanii zaklučajecca ŭ tym, kab vyśvietlić, jak vyrablać takija orhany, jak mienisk, dastupnym sposabam i ŭ vialikich maštabach.

Śpiecyjalisty kampanii vybrali mienisk, bo razryvy hetaj tkanki — adna z asnoŭnych pryčyn artapiedyčnych traŭmaŭ u vajskoŭcaŭ.

U listapadzie Redwire adpravić na MKS bolš abstalavańnia dla bijadruku. U płanach — 3D-druk sardečna-sasudzistaj tkanki.

Čytajcie jašče:

Navukoŭcy stvaryli pieršy ŭ śviecie zarodak čałavieka ŭ łabaratoryi. Jak i hałoŭnaje — navošta?

Navukoŭcy chočuć lekavać karyjes z dapamohaj stvałavych kletak

Navukoŭcy stvaryli 3D-pryntar, jaki drukuje pry dapamozie śviatła VIDEA

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Žvir/adkazać/
08.09.2023
I stvaryŭ pan Boh čalavieka pa vobrazu i padabienstvu svajmu... pryntar hlinaju nabiŭšy...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera