Znajści
Ałharytmičny łacinski varyjant
07.09.2023 / 20:235RusŁacBieł

Cichanoŭskaja abmierkavała prablemy biełarusaŭ u MUS Litvy

Siońnia Śviatłana Cichanoŭskaja, jak paviedamlaje jaje pres-słužba, praviała sustreču ź vice-ministram unutranych spraŭ Litvy Arnoldasam Abramavičusam. Padčas jaje jana abmierkavała z adkaznym čynoŭnikam jak prablemy, užo tradycyjnyja dla biełarusaŭ u Litvie, tak i novyja, što ŭźnikli ŭ suviazi ź niadaŭna padpisanym Łukašenkam ukazam, zhodna ź jakim biełarusam niemahčyma budzie pamianiać pašparty biez pryjezdu ŭ Biełaruś.

Śviatłana Cichanoŭskaja jašče raz adznačyła, što nie varta stavić znak roŭnaści pamiž biełarusami i rasijanami, bo heta ŭdaryć u pieršuju čarhu pa demakratyčna nastrojenych biełarusaŭ i dapamoža pucinskaj i łukašenkaŭskaj prapahandzie.

U svaju čarhu, Arnoldas Abramavičus zapeŭniŭ, što Litva praciahnie prymać dakumienty na vydaču DNŽ biełarusam navat z praterminavanymi pašpartami, i razhladacca ŭsie vypadki buduć indyvidualna. Dzieci ž, jakija naradzilisia ŭ Litvie, zmohuć atrymlivać pašparty inšaziemcaŭ.

U nastupnym miesiacy, mahčyma, adbudziecca pracoŭnaja sustreča pamiž pradstaŭnikami Ofisa Cichanoŭskaj i MUS Litvy, na paradku dnia jakoj budzie abmierkavańnie novych nastupstvaŭ zakona Łukašenki i pakrokavaha ich vyrašeńnia.

Havaryli i pra pašpart novaj Biełarusi. Cichanoŭskaja paprasiła padtrymać prajekt na ŭsich mahčymych etapach.

Taksama jana źviarnuła ŭvahu na nieabchodnaść vydačy viz tym, chto znachodzicca ŭ Biełarusi, i prapanavała razhledzieć mahčymaść pradoŭžyć terminy vydačy humanitarnych dazvołaŭ na žycharstva da 3 hadoŭ i praciahnuć termin dziejańnia pašparta inšaziemca dla tych, chto nie moža atrymać pašpart svajoj krainy. Hetaje pytańnie moža być abmierkavana na vosieńskaj siesii ŭ Siejmie.

Čytajcie taksama:

Alaksandr Milinkievič staŭ pazaštatnym daradcam Cichanoŭskaj

«Treba pahladzieć, jakija buduć praktyčnyja nastupstvy». Źjaviłasia reakcyja Jeŭrasajuza adnosna biełaruskich prablem z pašpartami

Kamanda Cichanoŭskaj u «pastajannym kantakcie» z uradami krain, dzie žyvuć biełarusy — Rychter

Viačorka raskryŭ vierahodnyja terminy pačatku vydačy alternatyŭnych biełaruskich pašpartoŭ i nazvaŭ kolkaść krain, užo hatovych ich pryznać

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
14
Панылы сорам
1
Ха-ха
2
Ого
1
Сумна
0
Абуральна
0
6
Paŭstaniec/adkazać/
07.09.2023
Praŭdarub, jak by tam nie było, Cichanoŭskaja adna ź niamnohich chto choć niešta robić. Mahčyma vyniki jaje pracy nie takija, jakija b nam usim padabalisia, ale jana pracuje, robić. Cichanoŭskaja ciapier samy paznavalny j aŭtarytetny biełaruski apazycyjny palityk u śviecie. I kali chto zmoža razmaŭlać z Zachadam na kont padtrymki biełarusaŭ, dyk tolki jana.
0
realnaja Biełaruś/adkazać/
07.09.2023
[Red. vydalena]
4
Iv/adkazać/
08.09.2023
Paŭstaniec, hladzieć na pośpiechi treba pa vynikach. Vynikaŭ niama. Dostup da zamiežnych palitykaŭ jość, a biełarusaŭ cisnuć z usich bakoŭ. Zhačyć patrebnyja pytańni nie padymajucca. Nie bačna zaklikaŭ dałučacca da stvoranych biełaruskich vajskovych farmiravańniaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031