«Zakančvajecca i Kuba, jakaja supraćstajała ZŠA». Kuba vyjaviła rasijskuju sietku viarboŭki svaich hramadzian dla vajny z Ukrainaj i aburyłasia
Kuba aficyjna zajaviła ab rašučych dziejańniach pa praduchileńni viarboŭki jaje hramadzian dla ŭdziełu ŭ vajennych apieracyjach va Ukrainie. Takuju praktyku jana razhladaje jak handal ludźmi. Kalakramloŭski historyk svojeasabliva prakamientavaŭ heta.
Kuba razhladaje najomnictva jak handal ludźmi. Fota: Getty Images
Ministerstva zamiežnych spraŭ Kuby raspaŭsiudziła zajavu, u jakoj adznačajecca, što Ministerstva ŭnutranych spravaŭ krainy vyjaviła i viadzie pracu pa niejtralizacyi i likvidacyi sietki handlu ludźmi, jakaja dziejničała z Rasii z metaj pryciahnieńnia ŭ rasijskaje vojska dla ŭdziełu ŭ vajennych apieracyjach va Ukrainie hramadzian Kuby, jakija pražyvajuć u Rasii, a taksama hramadzian na terytoryi samoj Kuby.
Ułady krainy zajavili, što ŭ adnosinach da asobaŭ, jakija majuć dačynieńnie da hetaj dziejnaści, uzbudžany kryminalnyja spravy.
«Vorahi Kuby raspaŭsiudžvajuć skažonuju infarmacyju, kab ačarnić imidž krainy i pakazać jaje saŭdzielnicaj hetych dziejańniaŭ, jakich my rašuča nie prymajem. Kuba zajmaje ćviorduju i dakładnuju histaryčnuju pazicyju suprać najomnictva i adyhryvaje aktyŭnuju rolu ŭ AAN, vystupajučy suprać zhadanaj praktyki.
Kuba nie ŭdzielničaje ŭ vajnie va Ukrainie. Jana dziejničaje i budzie dziejničać rašuča suprać tych, chto na terytoryi krainy ŭdzielničaje ŭ luboj formie handlu ludźmi ŭ metach najomnictva abo viarboŭki», — havorycca ŭ zajavie.
Hetuju zajavu pa-svojmu prakamientavaŭ prakramloŭski historyk Alaksandr Dziukaŭ. Dziejańni ŭładaŭ Kuby jon pasprabavaŭ vydać za mifičnuju zdradu ideałaŭ:
«Sudziačy z usiaho, na našych vačach zakančvajecca i Kuba, jakaja supraćstajała ZŠA. MZS Kuby nazyvaje viarboŭku dobraachvotnikaŭ u SVA «handlem ludźmi», MUS zavodzić kryminalnyja spravy. Minuli tyja časy, kali kubinskija vajennasłužačyja davali dychtu ŭ Afrycy».
Nahadvajem, što prykładna hod nazad u Havanie prajšła XXII štohadovaja mižnarodnaja narada kamunistyčnych i pracoŭnych partyj, jakaja asudziła vajnu i pryniała žorstkuju antyvajennuju rezalucyju, u jakoj «rašuča abvierhła lubuju datyčnaść palityki rasijskaha ŭrada da antyfašysckaha ruchu». Rezalucyju admovilisia padpisać pradstaŭniki rasijskich KPRF i RKPR i reštkaŭ Kamunistyčnaj partyi Ukrainy.
Čytajcie jašče:
«Jakija biełarusy ciopłyja». Biełaruski kubiniec — pra svaje dźvie radzimy i hod na Akreścina
Kuba praviała piacirazovuju devalvacyju
Raźviedka ZŠA padazraje Rasiju ŭ akustyčnych atakach na Kubie ŭ 2017 hodzie
