Znajści
Ałharytmičny łacinski varyjant
05.09.2023 / 22:3838RusŁacBieł

Na mahile Finbierha pastavili pomnik. Z tupoj pamyłkaj u imieni

Siońnia ŭ dziaržaŭnych ŚMI prajšła navina pra toje, što na mahile viadomaha dyryžora Michaiła Finbierha, jaki pamior u 2021 hodzie, pastavili nadmahilny pomnik. Siarod inšaha źjavilisia i fota pomnika, na jakim bačna, što imia niabožčyka napisana z arfahrafičnaj pamyłkaj. 

Tekst na pomniku vykanany pa-biełarusku, ale ŭ napisańni imia Michaił prysutničaje litara «i», jakoj u biełaruskaj movie ŭvohule niama, — Michaił. 

Nadpis na pastamiencie z pamyłkaj u imieni. Skrynšot z repartažu ANT

Dla pachavańnia takoha ŭzroŭniu heta niejmavierna haniebnaja chiba. Padobnyja pamyłki niaredka možna sustreć na nadmahillach zvyčajnych ludziej, ale ich makiety i nie zaćviardžajuć na najvyšejšym uzroŭni, i adkryćcio nie adbyvajecca ŭ prysutnaści vysokich čynoŭ i pradstaŭnikoŭ ŚMI. 

Na adkryćci pomnika vystupaje namieśnik ministra kultury Siarhiej Sarakač

Michaił Finbierh, jaki pamior u śniežni 2021 hoda na 75-m hodzie žyćcia, šmat hadoŭ byŭ kiraŭnikom Nacyjanalnaha akademičnaha arkiestra Biełarusi. Uznačaliŭ Finbierh hety arkiestr jašče ŭ 1987 hodzie, kali jon byŭ Dziaržaŭnym arkiestram simfaničnaj i estradnaj muzyki, i nie pakidaŭ kiraŭnictva da samaj śmierci.

Mienavita Finbierh byŭ adnym z natchnialnikaŭ i stvaralnikaŭ Nacyjanalnaha fiestyvalu biełaruskaj pieśni i paezii ŭ Maładziečnie, jaki sioleta adznačaje svajo 30-hodździe. Tamu nievypadkova, što mienavita tam pastavili jamu i pamiatnuju šyldu. 

Paspryjała hetamu i toje, što Michaił Finbierh ciaham usiaho svajho žyćcia byŭ całkam łajalny da ŭład. Pry Łukašenku jon byŭ členam Savieta Respubliki Nacyjanalnaha schodu na praciahu dvuch sklikańniaŭ, uvachodziŭ u radu pa kultury pry Saviecie Ministraŭ.

A ŭ 2020-m hodzie dyryžor rezka vykazvaŭsia nakont masavych pratestaŭ. Jon ličyŭ, što na vuličnyja akcyi chodziać bandyty. 

Čytajcie taksama:

U Maładziečnie adkryli miemaryjalnuju šyldu Michaiłu Finbierhu

Syn Michaiła Finbierha publična padtrymaŭ Ału Puhačovu

Pamior viadomy dyryžor Michaił Finbierh. Jamu išoŭ 75 hod

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
ołesia/adkazać/
06.09.2023
Andruś, dyk jano j bačna, ščio ch*ajło
0
Ajejeajea/adkazać/
07.09.2023
Čuć čcu ruzkaha śvietu dabavili…
0
Aleks/adkazać/
04.12.2023
Michaił Finbierh, kotoroho ja znał až s 1962 hoda - eto javlenije božjej miłosťju v biełorusskoj kulturie. Obładaja nieimovierno silnym charaktierom, iźbiratielnym umom i pośledovatielnosťju, nie hovoria o tałantie i lubvi k muzykie, on sozdał samoho siebia, a zaodno i odin ich łučšich muzykalnych kollektivov v SSSR. Vyžiť pri tiech usłovijach i dostič takich vysot, imieja jeŝio i iźviestnoje proischoždienije, było nievozmožno, no on sdiełał dla riespubliki stolko, čto pamiať o niom jeŝio dołho budiet na ustach tiech, kto lubit iskusstvo, muzyku i pomnit našich biełorusskich znamienitostiej, sriedi kotorych Michaił Jakovlevič zanimał miesto v piervych riadach! On priekrasno vładieł biełorusskim jazykom, znał kulturu svojej strany, istoriju i často razhovarivał na biełorusskom, a rassuždať mośkam o tom, kakoj on biełorus ili probovať pochodia plunuť jemu v śpinu, dieło niebłahorodnoje. On był i ostajotsia ličnosťju na fonie očień raznoho biełorusskoho piejzaža. Spasibo jemu!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera