Znajści
Ałharytmičny łacinski varyjant
09.09.2023 / 12:1712RusŁacBieł

Piać biełaruskich artystaŭ, jakich vy možacie nie viedać, ale ich słuchajuć sotni tysiač

Vydańnie «Klik» prezientavała śpis najpapularniejšych u Spotify biełaruskich muzykaŭ, i tam chapaje małaviadomych šyrokamu kołu imionaŭ. Raźbirajemsia, jakich biełarusaŭ słuchaje śviet.

Krynica: skryn z videa na jutub-kanale FindMyName

Aŭtary KLIKa składali rejtynh na asnovie adkrytych danych adnosna taho, kolki słuchačoŭ štomiesiac majuć u Spotify biełaruskija artysty. Jany pryznajucca, što ŭ hetaj viersii śpisa prapuścili niekatorych vykanaŭcaŭ, ale ž rejtynh KLIKa ŭsio roŭna daje hlebu dla razvah — hałoŭnym čynam za košt taho, što ŭ im bahata imionaŭ, pra jakija vy mahli i nie čuć.

Spačatku — pra bolš viadomych z top-10. Ź ličbaj amal u 2,5 miljona słuchačoŭ štomiesiac rejtynh uznačalvaje pastpankavy hurt «Mołčat doma». Maks Korž i jaho 809 tysiač słuchačoŭ štomiesiac zajmajuć čaćviortuju pazicyju rejtynha, na nastupnym miescy — Cima Biełaruskich i 730 tysiač słuchačoŭ. Siomaje miesca zajmaje ŁSP, jaki maje 523 tysiačy słuchačoŭ, dziaviataje — «Bi-2» i 369 tysiač słuchačoŭ štomiesiac.

Raskazvajem pra mienš viadomyja imiony z top-10 śpisa.

OBLXKQ (1223000 słuchačoŭ štomiesiac)

U svajoj aficyjnaj supołcy UK hety artyst paznačaje siabie tak: «Małady muzykant ź Biełarusi, dla jakoha niama ramak u hučańni». Za psieŭdanimam-abrevijaturaj (jana čytajecca jak «Obłako») chavajecca 21-hadovy Alaksandr ź miastečka Hrodzienskaj vobłaści, jaki stvaraje elektronnuju muzyku apošnija paru hadoŭ.

U 2018-m Saša skončyŭ škołu i pastupiŭ u Hrodzienski ahrarny ŭniviersitet na ahranoma. Tady jon i pačaŭ cikavicca atmaśfiernaj elektronščynaj i saŭndtrekami z kinafilmaŭ. Chłopiec pačaŭ sačyć za tvorčaściu inšaha biełarusa — Lxst Cxntury (Łast Sienčury) — i ŭ niejki momant vyrašyŭ, što i sam zmoža stvarać takuju muzyku. Pieršy trek jon zahruziŭ u tyktok u lipieni 2021-ha padčas praktyki ŭ vioscy na Bieraściejščynie, i toj zalacieŭ u rekamiendacyi tyktoku. Jaho abnoŭlenaja viersija pad nazvaj Endless Love, stvoranaja razam z rasijskim kaleham DVRST, atrymała 23 miljony prasłuchoŭvańniaŭ na Spotify.

@oblxkq#phonkmusic#music#oblxkq#phonk♬ original sound - OBLXKQ

Hrodzienski ahrarny biełarus u vyniku kinuŭ za niekalki miesiacaŭ da dypłoma. Ciapier jon zarablaje muzykaj, i asnoŭnaja častka dachodu prychodzić z prasłuchoŭvańniaŭ na płatformach Spotify, Youtube, «Jandieks Muzyka». Časam, jak pryznajecca chłopiec, atrymoŭvajecca zarobak jak u biełaruskaha ajcišnika.

Findmyname (854000 słuchačoŭ štomiesiac)

Treciaja pazicyja ŭ śpisie — i znoŭ stvaralnik elektronnaj muzyki. Hety artyst nazyvaje siabie ŭ Spotify «muzykantam, bitmejkieram

 i saŭndpradziusaram ź Minska». Jon pracuje ŭ žanry «fonk» (heta padžanr chip-chopa), i biełarus nie tolki piša muzyku, ale i tancuje.

Sapraŭdnaje imia muzyki — Valeryj Muraška. U jaho cikavaja historyja: Valeryj adpracavaŭ i hruzčykam, i pierakupščykam aŭtamabilaŭ, i kurjeram, davodziłasia jamu i vykładać tancy. Paśla emihracyi i viartańnia dachaty chłopiec nie zmoh znajści ŭ Biełarusi pracu i padyšoŭ da rašeńnia prablemy niestandartna: jon zrabiŭ tyktok-akaŭnt i pačaŭ stvarać huk dla repieraŭ.

Dva miesiacy roliki ŭ akaŭncie nabirali kala tysiačy prahladaŭ, pakul Findmyname nie zładziŭ remiks na «Kałychanku», i trek staŭ papularnym. Z hetaha i pačałasia jaho papularnaść.

ROMANTICA (674000 słuchačoŭ štomiesiac)

Hety 28-hadovy muzykant nazyvaje siabie šmatžanravym artystam i, vidać, nikoli nie zdymaje publična svaju masku. Jak i minuły vykanaŭca, ROMANTICA taksama robić fonk, jak i OBLXKQ i Findmyname, supracoŭničaje ź biełaruskim łejbłam GOOST MUSIC.

@romantica.music ždietie etot kołłab? @Nikitata #phonk#phonkmusic#phonkhouse♬ orihinalnyj zvuk - ROMANTICA

Adnym sa svaich lubimych vykanaŭcaŭ ROMANTICA nazyvaje hurt Linkin Rark, a taksama adznačaje svoj vobraz jak adzin sa svaich mocnych bakoŭ. I heta sapraŭdy zapaminalny vobraz — hladzicie sami.

Nikitata (465000 słuchačoŭ štomiesiac)

Znoŭ prezientujem vam artysta z łejbła GOOST MUSIC. Mikita (hetaje imia chavajecca pad psieŭdanimam) naradziŭsia ŭ vajskovym haradku Piečy. U dziacinstvie jon chacieŭ paŭtaryć šlach brata, jaki zajmaŭsia bijatłonam i łyžami, i chadziŭ treniravacca ŭ jaho spartovuju škołu, a potym hod zajmaŭsia dziudo i navat dumaŭ samarealizoŭvacca ŭ biełaruskaj armii.

Što da muzyki, to Mikita zacikaviŭsia joj u školnyja hady i pačaŭ chadzić na ŭroki hitary. Spačatku zasiarodziŭsia na ihry na instrumiencie, a ŭ starejšych kłasach pačaŭ pisać kaviery i stvarać ułasnyja pieśni.

Mikita vučyŭsia ŭ Minskim dziaržaŭnym kaledžy mastactvaŭ na adździaleńni narodnaj tvorčaści i instrumientalnaj muzyki, a taksama zładziŭ ź siabrami tyktok-chaus. Voś adzin ź ich tahačasnych rolikaŭ.

@phb_house ❗️Piši v kommienty skolko % u tiebia❗️#pchb♬ orihinalnyj zvuk - #PCHB - Piervyj House Biełarusi

Siabie Mikita prasoŭvaŭ praz tyktok, a jašče jamu paščaściła trapić u prahramu padtrymki maładych artystaŭ Radar ad Spotify. Nikitata vypuskaje spakojnyja treki, ale pryznajecca, što sam lubić słuchać ciažkuju muzyku, naprykład, Slipknot.

UNNV (316000 słuchačoŭ štomiesiac)

Hety hurt ź Minska pracuje ŭ žanrach andehraŭndnaha chip-chopa i repa. Nazvy ich piesień mohuć urazić, voś niekalki prykładaŭ: «Zabityja, ale nie vami», «Pakul tleje hašyš», «Listy zabitaha čałavieka»», «Vusny ŭ pamadzie razmazanyja kapusta».

UNNV śpiavaje pra surovyja realii žyćcia, zaležnaść i narkotyki. Ale jany nie ahitujuć za drennyja zvyčki, a, chutčej, raskazvajuć pra toje, jakim ciažkim hetyja zvyčki robiać žyćcio. Časam fanaty UNNV pryznajucca, što tvorčaść hurta ratuje ich ad zaležnaści i inšych prablem.

Muzyki naśledujuć tradycyi andehraŭndu: nie vypuskajuć klipaŭ, nie zajmajucca ŭłasnym prasoŭvańniem i nie ŭzajemadziejničajuć ź miedyja. Hledziačy na ich statystyku ŭ Spotify, u ich i biez hetaha atrymlivajecca niabłaha.

«Naša Niva» — bastyjon biełaruščyny

PADTRYMAĆ

«Dzie kot, tam i dom». Śpiavak Bašłykievič — pra žyćcio ŭ Amsterdamie, novy albom i biełaruskuju satjahrachu

«Tolki paniziš svoj uzrovień testasteronu, jakoha i tak u krainie nie chapaje». Pavieł Arakielan narakaje na paviarchoŭnaść biełarusaŭ, ale nie škaduje siabie

«Što tam Čarnucha nie raić?» Pra dehienieratyŭnaje mastactva i najlepšyja treki raspytali znaŭcu biełaruskaj muzyki

Viera Biełacarkoŭskaja

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
Apriel/adkazać/
09.09.2023
A kak žie Kasia Kamockaja?
0
Saturn/adkazać/
10.09.2023
UNNV krasavcy)))
0
Maksim Dizajnier/adkazać/
10.09.2023
Pravilno, kakije Kirčuki s The Toobes. Puk-srieńk na minusie s myčanijem dla zumierkov.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera