Znajści
Ałharytmičny łacinski varyjant
10.09.2023 / 18:5226RusŁacBieł

U Teatry imia Janki Kupały ź biełaruskaha repiertuaru zastałasia adna «Paŭlinka». Bolšaść śpiektaklaŭ u vieraśni projdzie na ruskaj movie

104-y siezon Kupałaŭskaha teatra, jaki ŭ 2020 hodzie pakinuła bolšaść akcioraŭ, a kiraŭnicaj pastaŭlena aktrysa druhoha płana Volha Niafiodava, raspačaŭsia 29 žniŭnia śpiektaklem «Paŭlinka» Janki Kupały, u vieraśni jaho pakažuć jašče adzin raz. Heta adzinaja pastanoŭka pavodle tvoraŭ biełaruskich aŭtaraŭ, jakaja płanujecca ŭ hetym miesiacy. 

«Paŭlinka» pavodle Janki Kupały. Fota: Nacyjanalny akademičny teatr imia Janki Kupały

Adzin raz pakažuć takija biełaruskamoŭnyja śpiektakli pavodle tvoraŭ zamiežnych aŭtaraŭ, jak «Apošni atrakcyjon» D. Lindsi-Ebera, «Ramea i Džuljeta» U. Šekśpira, Donna sola («Žančyna adna)» D. Fo i F. Rame, «Čakana hučna i da bolu blizka» M. Paniča, a taksama pavodle tvoraŭ ruskich piśmieńnikaŭ — «Haračaje serca» A. Astroŭskaha, «Žanićba» M. Hohala.

Uvieś astatni čas u ścienach nacyjanalnaha teatra budzie panavać ruskaja mova. Z hastrolami ŭ Minsk zaprošany Kazanski akademičny ruski vialiki dramatyčny teatr imia V. I. Kačałava, jaki adkryje tut svoj 233 siezon.

«Pieramovy vialisia na praciahu hoda. Artysty z Kazani pakažuć svoj vydatny kłasičny repiertuar, u jaki ŭvachodziać «Revizor», «Varjacki dzień, abo Žanićba Fihara», «Pikavaja dama» i inšyja pastanoŭki», — paviedamlaje Niafiodava. 

Afiša Kupałaŭskaha teatra na vierasień. 

Usiaho za vierasień u Kupałaŭskim teatry budzie pakazana až 15 śpiektaklaŭ na ruskaj movie. 

Cikava, što adzin fakt usio ž źviazvaje hety ruski teatr ź Biełaruśsiu. U 1948 hodzie teatru było prysvojena imia znakamitaha akciora Vasila Ivanaviča Kačałava, jaki pačynaŭ tut svoj prafiesijny šlach u 1897—1900 hadach, syhraŭšy za try siezony bolš jak 150 rolaŭ. Ale sapraŭdnaje proźvišča akciora było Švierubovič. Jon naradziŭsia ŭ Vilni ŭ siamji biełaruskaha pravasłaŭnaha śviatara miascovaj Mi­ko­ls­kaj car­kvy Ivana Švieru­bo­vi­ča, na­ščad­ka sta­ro­ha šla­chiec­ka­ha ro­du. 

Vasil Kačałaŭ u pjesie Ł. Andrejeva «Anatema». Malunak Kazimira Maleviča, 1908 h.

Navučaŭsia ŭ 1-j Vi­len­skaj him­na­zii raz­am z budučym biełaruska-litoŭskim kampazitaram Kan­stan­ci­nam Hał­koŭ­skim i revalucyjanieram Fie­lik­sam Dziar­žyn­skim. Jak adzna­ča­iuć kry­ni­cy, ažno da pie­ra­iezdu ŭ Pi­cier jon raz­maŭ­laŭ pa-rus­ku z vy­raz­nym bieła­rus­kim akcen­tam. 

Rasijski piśmieńnik i nobieleŭski łaŭreat Ivan Bu­nin u «Čys­tym paniadziełku», vy­praŭ­la­iučy hie­ro­iaŭ apo­vie­du na «ka­pus­nik» u MCHT i su­ty­ka­iučy ich z zor­kaj — Ka­ča­ła­vym, malavaŭ artysta z «pasmaj jahonych biełaruskich vałasoŭ», jakija źvisali na łob.

Dom pa Vialikaj vulicy, 14 (źleva) u Vilni. Fota: Wikimapia

Imiem biełarusa nazvana vilenskaja himnazija, a na domie ŭ Vilni pa Vialikaj vulicy, 14 (Didžioji gatvė, 14), niedaloka ad Mikolskaj carkvy, dzie jon pravioŭ svaje dziciačyja hady, za savieckim časam była ŭstanoŭlena marmurovaja pamiatnaja šylda z nadpisami pa-litoŭsku i pa-rusku.

Šylda ŭ honar Vasila Kačałava ŭ Vilni. Fota: Wikimedia Commons

Trupa ž Teatra imia Janki Kupały ź siaredziny vieraśnia pajedzie ŭ hastroli pa haradach Biełarusi, naviedaje Smalavičy, Kaściukovičy, Oršu dy Brest. A ŭ kancy kastryčnika Niafiodava maje pastavić «Paŭlinku» ŭžo na scenie ruskaha teatra rasijskaj aŭtanomii.

«Naša Niva» — bastyjon biełaruščyny

PADTRYMAĆ

Čytajcie taksama:

U adnym ź minskich teatraŭ pracuje akcior z Kamieruna

Kupałaŭski teatr pavinien stavić bolš «patryjatyčnych» śpiektaklaŭ — Minkult

Aleś Žuk: Biełaruskich piśmieńnikaŭ i ŭsiu našu litaraturu buduć trymać u čornym ciele

F. Raŭbič

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
15
Ха-ха
4
Ого
0
Сумна
5
Абуральна
29
0
Realnaść /adkazać/
10.09.2023
Pravdoriez , Nie, ty fanat, bo, jak vy zaŭvažyš, dyktatura ŭ Biełarusi dušyć biełaruskuju movu, a nie rasiejskuju. U sapraŭdy dvuchmoŭnaj systemie abiedźvie buduć vychoŭvacca adnolkava, jak u Kanadzie. Rasiejkaja mova — heta kalanijalnaja mova čužoha ŭpłyvu impartavana zachopnikami z Uschodu, instrumient savieckaha kanfarmizmu. Saviecki Sajuz pamior. Niehumanny saviecki mientalitet taksama pavinien pamierci, bo jon dušyć svabodu j patencyjał čałavieka.
0
Janka/adkazać/
10.09.2023
Pravdoriez , vielmi dobra na hety kont vykazałasia kupałaŭka Kryścina Drobyš u Miełkazierava. Nu voś pieramahli my i što dalej? Na čym my budziem budavać volnuju niezaležnuju dziaržavu, kali ŭ jaje ŭ hety momant nie zastaniecca ŭłasnaj kultury? Miž tym, hałoŭnym składnikam nacyjanalnaj kultury źjaŭlajecca mova. Ź jaje raście ŭsio astatniaje. Tyj ža samy Karatkievič ŭsprymajecca pa-biełarusku zusim inakš, čym pa-rasiejsku. Što tyčycca Ŭkrainy - a što vam nie padabajecca? Da vajny 2022 tam nazirałasia situacyja dosyć mirnaha suisnavańnia dziaržaŭnaj ukrainskaj i druhoj pa raspaŭsiudžanaści niedziaržaŭnaj rasiejskaj movy, ale išoŭ praces łahodnaj ukrainizacyi. Paśla rasiejskaha ŭvarvańnia varvarskija pavodziny ahresara mocna padšturchnuli praces ukrainizacyi, bo šmat ŭkraincaŭ nie žadajuć mieć ničoha ahulnaha z zachopnikami, u tym liku i movy.
3
Nikołaj/adkazać/
10.09.2023
Čitaja potoki etničieskoj nienavisti i idiotičieskoho vosprijatija diejstvitielnosti chočietsia podalšie posłať etich borcov za movu, i žiełatielno nie imieť s nimi ničieho obŝieho.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031