Znajści
Ałharytmičny łacinski varyjant
04.09.2023 / 12:4113RusŁacBieł

«Jak ža tak, Vika, jak ža tak». Maładaja baleryna dobraachvotna pajšła z žyćcia

Maładaja artystka biełaruskaha baleta Viktoryja Burčak dobraachvotna pajšła z žyćcia. Sumnuju navinu ŭ fejsbuku napisała žurnalistka Inesa Pleskačeŭskaja.

Viktoryja Burčak. Fota: sacsietki

«Jak ža tak, dumaju ja, u joj ža było stolki śviatła i ciapła! Jak ža tak, dumaju ja, zusim niadaŭna jana pisała pra toje, što zaklučyła damovu z vydaviectvam i chutka vyjdzie jaje kniha «Adeta z kardebaletu», i ja vinšavała jaje z hetym.

Jak ža tak, dumaju ja, usiaho, zdajecca, paru tydniaŭ tamu my stajali za kulisami, i jana raspaviadała, što, hastralujučy pa Francyi, čytała maju knihu pra Valancina Jelizarjeva i paznavała jaho i… mianie. My śmiajalisia, abdymalisia, i ja dumała, što ŭ jaje ŭsio žyćcio napieradzie i — Boža moj, Boža moj — jakim cikavym budzie hetaje žyćcio! I ŭ balecie, i paśla jaho.

A zaraz ničoha nie budzie. Ni baleta, ni paśla jaho. Što pavinna było zdarycca, dumaju ja…

I voś što ja chaču skazać usim, chto trapiŭ, jak im zdajecca, u biazvychadnuju situacyju. Usio ŭ žyćci možna vypravić, pakul my žyvyja. Usio!

Hałoŭnaje — vyžyć. U lubych abstavinach — vyžyć!

Ja viedaju, pra što kažu. Ja — dačka samazabojcy. Majmu tatu byŭ 41, a mnie 14, kali jon vyrašyŭ syści. Ja ciapier našmat za jaho starejšaja, i nie było jašče takoha dnia, kab ja jaho nie ŭspomniła.

Usio majo žyćcio skłałasia b inakš, kali b tata abraŭ žyćcio. Svajo i majo.

Ale ludziej, jakija rašajucca na heta, nasamreč nie tak mała. Dvoje maich adnakłaśnikaŭ vyjšli z akna. Maja stryječnaja siastra… Mama hienijalnaha Michaiła Baryšnikava. I tata, ź jakim u mianie adzin tvar.

Ja siadžu, ahłušanaja hetaj navinoj, ravu i dumaju: jak ža tak, Vika, jak ža tak».

***

Kali ŭ vas uźnikli prablemy psichałahičnaha charaktaru, kryzisnyja situacyi, to vy možacie źviarnucca ŭ słužbu ekstrannaj psichałahičnaj dapamohi pa nastupnych telefonach: 

telefon davieru dla darosłych — +375 (17) 352-44-44, +375 (17) 304-43-70,

telefon davieru dla dziaciej, padletkaŭ i ich baćkoŭ — +375 (17) 263-03-03,

telefon davieru Respublikanskaja «Dziciačaja telefonnaja linija» — 8 801 100 1611.

Usie telefony, zhodna z danymi Minzdaroŭja, pracujuć kruhłasutačna.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
6
Ха-ха
3
Ого
4
Сумна
196
Абуральна
9
0
Uład/adkazać/
04.09.2023
artykuł №666,
Artykuł (staťja) Našaj Nivy (na asnovie zamietki Iniesy Pleskačeŭskaj).
0
Ihar/adkazać/
06.09.2023
"Hałoŭnaje — vyžyć. U lubych abstavinach — vyžyć!"

Ne. Hanice chalaveka, jaki vedae schto halounae. En ne vedae.
https://nashaniva.com/325687
0
Biednaja/adkazać/
06.09.2023
RIP
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930